Türkmenistanyň halk suratkeşi, Hormatly il ýaşulusy, meşhur heýkeltaraş Saragt Babaýew sungatda togsan dokuz göterim zehin, bir göterim ukyp gerek diýlenine ynanýar diýsek, geň zat aýtdygymyz däl. Ony ýakyndan-u-daşgyn tanaýanlaryň ählisi tassyklaýar. Özi-de «Şägirtlerim ussahanama gelenlerinde işläp ýören bolsam, ýene-de agşam ugradyp iş başyna barmagy göwnüme jaý görýärin» diýýär. Saragt aga perzende, şägirde aýdyp däl-de, özüniň işi bilen görelde bolmagynyň möhümdigine ynanýan borly. Döredijilik bilen başagaýlygyndan ýaňa şahsy wagty az hem bolsa, halypa kitap okamaga-da wagt tapýar. Ussadyň ýanyna baranymyzda hem ol iş üstünde eken.
Onuň ussahanasyndaky tamamlanan-u-tamamlanmadyk işleriniň aglabasy diýen ýaly meşhur şahsyýetlere, türkmen bedewlerine bagyşlanan. Sungat işid-ä, bedewleriň ululy-kiçili heýkellerini gören badyňa olar baradaky pikirler kellä gelýär. Onsoň halypanyň özüne bedewler baradaky işleri hakynda birnäçe sowal berdik.
