Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 29 sanysy hasaba alyndy.
Daşary ýurt walýutasyna Gyrgyz Respublikasyndan, Azerbaýjandan, BAE-den, Maltadan, Türkiýeden we Owganystandan gelen telekeçiler «Türkmennebit» döwlet konserninde öndürilen az kükürtli ýakyş mazutyny, «Türkmenhimiýa» döwlet konserninde öndürilen «B» markaly karbamidi satyn aldylar. Şeýle-de Dokma senagaty ministrliginiň kärhanalarynda öndürilen dürli görnüşli dokma önümler satyldy. Geleşikleriň jemi bahasy 50 million 863 müň 700 amerikan dollaryndan gowrak boldy.
