Maşgala mukaddesligi — ýaşaýyşda ähli zatdan ilerde tutulýan gymmatlyklaryň biri. Şonuň üçin hem ony goramak sagdyn ösýän jemgyýetiň wekili hökmünde her birimiziň jana-jan borjumyzdyr. Bu işe kazyýet işgärleri hem öz goşandyny goşýarlar.
Ýakynda Türkmenabat şäher kazyýetinde geçirilen «Maşgala mukaddesligi ýurduň abatlygydyr» atly maslahat hem şu meselä bagyşlandy. Oňa hukuk goraýjy edaralaryň işgärleri, iri jemgyýetçilik guramalarynyň wekilleri we ýaşulular gatnaşdylar.
