diýip, dostlukly ýurduň wekilleri biragyzdan belleýärler
Gahryman Arkadagymyz Gurbanguly Berdimuhamedowyň «Bir guşak, bir ýol» üçünji ýokary derejeli maslahatyna gatnaşmak üçin Hytaý Halk Respublikasyna amala aşyran iş saparynyň çäklerinde ýurdumyzyň resmi wekiliýetiniň agzalarynyň HHR-iň ugurdaş ministrlikleriniň we pudaklaýyn dolandyryş edaralarynyň ýolbaşçylary bilen iş duşuşyklary geçirildi. Daşary syýasy ugurda, ýangyç-energetika, ulag-aragatnaşyk, bilim, ylym, saglygy goraýyş, sport ulgamlary boýunça geçirilen gepleşiklerde Türkmenistan bilen Hytaýyň arasynda okgunly ösdürilýän hyzmatdaşlygyň meseleleriniň giň toplumy ara alnyp maslahatlaşyldy. Hususan-da, agzalan ugurlarda ikitaraplaýyn gatnaşyklary has-da işjeňleşdirmegiň mümkinçilikleri hytaý tarapynyň wekilleri bilen guralan duşuşyklaryň esasyny düzdi.