Yssy howada saglygyňy nädip durnukly saklamaly?
Şu günler ýurdumyzyň ähli sebitlerinde yssy howa akymy dowam edýär. Howanyň yssy günlerinde saglygyňy durnukly saklamak esasy wezipe bolup durýar. Howanyň çakdanaşa gyzmagy adam bedeninde dürli näsazlyklaryň ýüze çykmagyna getirýär. Gündiziň jöwzaly yssysynda çagalaryň daşarda oýnamaklaryna ýa-da gezelenç etmeklerine rugsat bermeli däl. Ýaş çaganyň bedenine gerek bolan D witamini almak üçin her gün irden sagat 09:00-a çenli, agşam sagat 18:00-dan soň 15-20 minut gezelenç etmek ýeterlikdir. Gün şöhlesi uly adamlar üçin hem zerurdyr. Beden üçin gerek bolan Gün şöhlesi kabul edilmese, adamda keýpsizligiň, ukynyň bozulmagynyň we gaharjaňlygyň ýüze çykmagyna getirýär. Ýöne Gün şöhlesiniň dowamly täsiriniň bedene örän uly zyýan ýetirip biljekdigini hem unutmaly däl. Gün urmadan goranmak üçin ak, açyk reňkli egin-eşikleri, başyňa başgap geýmek ýa-da ýaglyk daňynmak, şeýle-de gözüňe Gün şöhlesinden goraýjy äýnekleri dakynmak we bedendäki