"Ekologiýa medeniýeti we daşky gurşawy goramak" žurnaly

Esaslandyryjysy: Türkmenistanyň Oba hojalyk we daşky gurşawy goramak ministrligi
Salgysy: Aşgabat şäheri, Bitarap Türkmenistan şaýoly 15
Telefon belgileri: 94-17-24

Makalalar

Döwletara gatnaşyklaryň ösüşi

Ýaňy-ýakynda hormatly Prezidentimiz sanly ulgam arkaly geçiren Ministrler Kabinetiniň mejlisinde Türkmen-özbek serhedinde söwda merkezini gurmak hakyndaky degişli Karara gol çekdi. Munuň özi ýurdumyzyň sebit, halkara derejesinde syýasy, ykdysady, medeni hyzmatdaşlyklary ösdürmäge çalyşýandygynyň ýene-de bir aýdyň subutnamasy boldy. Türkmen-özbek dost-doganlyk hem-de hoşniýetli goňşuçylyk gatnaşyklary öz gözbaşyny gadymyýetden alyp gaýdýar. Ýurtlarymyzyň hem-de halklarymyzyň taryhy ösüşinde, medeniýetlerinde, däp-dessurlarynda hem umumy meňzeşlikler köpdür. Iki döwletiň söwda-ykdysady, ulag-kommunikasiýa geçelgeleriniň möhüm çatrygynda ýerleşmegi «Gündogar — Günbatar» we «Demirgazyk — Günorta» ugurlary boýunça geljegi has uly taslamalary ösdürmek boýunça utgaşykly gatnaşyk etmegine mümkinçilik berýär. Mälim bolşy ýaly, geçen ýylyň 21-nji oktýabrynda Özbegistan Respublikasynyň Prezidentiniň ýurdumyza resmi saparynyň çäginde teleköpri arkaly Türkmen-özbek serhetýaka zolagynyň — Söwda merkeziniň düýbüni tutmak dabarasy geçirildi. Söwda merkezi 2025-nji ýylyň iýulynda ulanylmaga berler. Şeýlelikde, bu söwda merkezi iki doganlyk ýurduň arasynda özara bähbitli hyzmatdaşlygyň, haryt dolanyşygynyň artdyrylmagyna hem-de işewürlik gatnaşyklarynyň giňeldilmeg

Dostluk daragty gül açýar

Garaşsyz, hemişelik Bitarap Türkmenistan Watanymyzy Berkarar döwletiň täze eýýamynyň Galkynyşy döwründe ösüşleriň täze belentliklerine alyp barýan hormatly Prezidentimiziň parasatly syýasaty netijesinde dünýä döwletleri, şol sanda goňşy ýurtlar bilen dost-doganlyk gatnaşyklary giň gerimde ösdürilýär. Muňa goňşy Özbegistan Respublikasy bilen soňky döwürlerde gazanylan ylalaşyklaryň netijesinde hem aýdyň göz ýetirmek bolýar. Türkmen-özbek dost-doganlyk gatnaşyklarynyň belent derejelere çykmagynda bolsa Gahryman Arkadagymyz Gurbanguly Berdimuhamedowyň hem-de Özbegistan Respublikasynyň Prezidenti Şawkat Mirziýoýewiň ägirt uly goşantlarynyň bardygyny bellemek aýratyn ýakymlydyr. Häzirki wagtda bu gatnaşyklar Arkadagly Serdarymyzyň ýolbaşçylygynda has-da pugtalandyrylýar. Geçen ýylyň iýul aýynda hormatly Prezidentimiz Serdar Berdimuhamedowyň Özbegistana bolan döwlet saparynyň, oktýabr aýynda Özbegistan Respublikasynyň Prezidenti Şawkat Mirziýoýewiň ýurdumyza bolan resmi saparynyň netijesinde iki goňşy ýurduň arasyndaky hyzmatdaşlyk hil taýdan täze many-mazmuna eýe boldy.

Barha rowaçlanýan gatnaşyklar

Berkarar döwletiň täze eýýamynyň Galkynyşy döwründe ýurdumyzyň üstünlikli durmuşa geçirilýän daşary syýasatynda sebitdäki hem-de Ýer ýüzündäki döwletler bilen dostlukly gatnaşyklara we ygtybarly hyzmatdaşlyga aýratyn ähmiýet berilýär. Munuň özi Garaşsyz, hemişelik Bitarap Türkmenistanyň daşary ýurtlar bilen gatnaşyklarynyň hil taýdan täze derejelere göterilmegini şertlendirýär.  Türkmen-täjik gatnaşyklarynyň mäkäm binýadynyň türkmen halkynyň Milli Lideri Gurbanguly Berdimuhamedowyň pähim- -paýhasyndan gözbaş alýandygyny aýratyn belläp geçmek gerek. Täjigistan Respublikasynyň ýokary sylagy bolan I derejeli «Ismoil Somoni» ordeni bilen sylaglanmagy, «Abuali ibn Sino adyndaky Täjik döwlet lukmançylyk uniwersitetiniň Hormatly professory» diýen ada mynasyp bolmagy Gahryman Arkadagymyzyň ikitaraplaýyn hyzmatdaşlygy berkitmekdäki hyzmatyna doganlyk halk tarapyndan berlen ýokary bahadyr.

Özbegistan, Türkmenistan we Eýran halkara ulag geçelgesini döretmegi meýilleşdirýär

Özbegistanyň, Türkmenistanyň, Eýranyň Hökümetleriniň arasynda halkara ulag geçelgesini guramak baradaky şertnama gol çekilmegini çaltlaşdyrmak meseleleri öwrenilýär. Özbegistanyň Ulag ministrliginiň metbugat gullugy ýurduň Ulag ministrliginiň we Eýranyň Ýol we şäher ösüş ministrliginiň wekilleriniň halkara ulag geçelgesini guramak meselesini ara alyp maslahatlaşandyklaryny habar berdi. Bu barada TASS ýazýar.

Türkmenistan — BMG: parahatçylygyň, howpsuzlygyň we ählumumy ösüşiň strategiýasy

Häzirki döwrüň möhüm meselelerini çözmäge bilelikde we işjeň gatnaşmak, Ýer ýüzünde parahatçylygy, durnuklylygy pugtalandyrmak, sebit hem-de ählumumy derejede netijeli hyzmatdaşlygy ösdürmek maksady bilen, oňyn halkara dialoga hemmetaraplaýyn ýardam bermek Türkmenistanyň daşary syýasy işiniň, şeýle-de diplomatiýasynyň strategik ugry bolup durýar. Hormatly Prezidentimiz Serdar Berdimuhamedowyň nygtaýşy ýaly, Türkmenistan hoşniýetli goňşuçylyga, özara hormat goýmaga, deňhukuklylyga we dünýäniň ähli döwletleri bilen özara bähbitli hyzmatdaşlyga esaslanýan Bitaraplyk syýasatyny dowam eder. Döwletimiziň Bitaraplyk hukuk ýagdaýyndan gelip çykýan esasy ýörelgeler, ýagny ählumumy parahatçylygyň we howpsuzlygyň pugtalandyrylmagy, hoşmeýilli erk-islege esaslanýan dost-doganlyk gatnaşyklarynyň giňeldilmegi, dünýäde durnukly ösüşiň üpjün edilmegi mundan beýläk-de Garaşsyz türkmen döwletiniň daşary syýasatynyň ileri tutulýan ugurlary bolar. Türkmenistan abraýly halkara, sebit we döwletara hyzmatdaşlyk mehanizmlerine işjeň gatnaşmak bilen, parahatçylyk hem-de ynanyşmak medeniýetiniň pugtalandyrylmagyna uly goşant goşýar, deňeçer we jebisleşdiriji halkara gün tertibiniň yzygiderli durmuşa geçirilmegine ýardam berýär. Şunuň bilen baglylykda, Türkmenistanyň

Halkara hyzmatdaşlygy pugtalanýar

Türkmenistanyň hoşniýetli goňşuçylyk we giň halkara hyzmatdaşlyk ýörelgelerine esaslanýan «Açyk gapylar» syýasatyny işjeň durmuşa geçirmegiň netijesinde ýurdumyzyň dünýä döwletleri bilen dostlukly gatnaşyklary yzygiderli ösýär we pugtalanýar. Hormatly Prezidentimiziň ýurdumyzyň daşary syýasat strategiýasyny amala aşyrmakdaky başlangyçlary, halkara hyzmatdaşlygyny ösdürmekde we umumadamzat ösüşine dahylly meseleleriň oňyn çözgütlerini tapmakda alyp barýan işleri dünýä bileleşigi tarapyndan giňden goldanylýar. Halkymyzyň gadymdan gelýän hoşniýetlilik, parahatçylyk söýüjilik, ynsanperwerlik ýörelgeleri we däpleri döwletimiziň oňyn Bitaraplyga esaslanýan daşary syýasatynyň özeni bolup durýar. Hemişelik Bitaraplyk hukuk ýagdaýyndan gelip çykýan ýörelgeleriň baş maksady ählumumy parahatçylygy, howpsuzlygy pugtalandyrmakdan, dünýä ýurtlary bilen hoşniýetli dost-doganlyk gatnaşyklaryny giňeltmekden, durnukly ösüşi üpjün etmekden ybarat bolup durýar.

Rowaçlygyň röwşen ýoly

Türkmenistan dünýäniň ähli döwletleri, şol sanda abraýly halkara guramalary bilen ýakyndan hyzmatdaşlyk edýär. Birleşen Milletler Guramasy we onuň ugurdaş düzümleri bilen hyzmatdaşlyk barha işjeňleşýär. Baky Bitarap Watanymyzyň Birleşen Milletler Guramasynyň Baş Assambleýasynyň mejlisleriniň başlygynyň orunbasarlygyna, şeýle-de bu guramanyň abraýly edaralarynyň düzümine ençeme gezek saýlanmagy, ýurdumyzyň ählumumy parahatçylygy, abadançylygy we durnukly ösüşi üpjün etmek boýunça halkara başlangyçlarynyň dünýä jemgyýetçiliginiň giň goldawyna eýe bolmagy hem muňa aýdyň şaýatlyk edýär. Geçen hepdäniň anna güni sanly ulgam arkaly geçirilen Ministrler Kabinetiniň mejlisiniň barşynda Birleşen Milletler Guramasynyň Baş Assambleýasynyň nobatdaky 78-nji mejlisinde Türkmenistanyň ileri tutýan garaýyşlary hakda aýdylmagy ildeşlerimizde buýsanç duýgusyny döretdi. Şu ýylyň 12-nji sentýabrynda Nýu-Ýork şäherinde öz işine başlajak Birleşen Milletler Guramasynyň Baş Assambleýasynyň 78-nji mejlisinde ýurdumyz tarapyndan beýan ediljek başlangyçlaryň hatarynda Türkmenistanda Merkezi Aziýa ýurtlarynyň ýaşlarynyň dialogynyň esaslandyryjy mejlisini geçirmek, 2024-nji ýylda Magtymguly Pyragynyň doglan gününiň 300 ýyllygyna gabatlap, ÝUNESKO we TÜRKSOÝ bilen bilelikde

Dostlukly gatnaşyklar işjeňleşdirilýär

Şu ýylyň 30-njy iýuly — 1-nji awgusty aralygynda Hytaý Halk Respublikasynyň Kommunistik partiýasynyň Merkezi komitetiniň agzasy, partiýanyň Sinhaý welaýat komitetiniň sekretary jenap Çen Ganyň ýolbaşçylygyndaky wekiliýet Türkmenistanda iş saparynda bolýar. Saparyň barşynda dostlukly döwletiň wekiliýet agzalarynyň ýurdumyzyň degişli düzümleriniň ýolbaşçylary bilen duşuşyklary boldy. Hytaýyň Kommunistik partiýasynyň wekiliýetiniň Türkmenistanyň jemgyýetçilik guramalarynyň merkezinde ýurdumyzyň syýasy partiýalarynyň ýolbaşçylary bilen bolan duşuşygynda döwletara gatnaşyklaryň, şol sanda syýasy partiýalaryň ugry boýunça hyzmatdaşlygyň möhüm meseleleri ara alnyp maslahatlaşyldy. Özara gepleşikleriň barşynda iki ýurduň we olaryň halklarynyň bähbitlerine gönükdirilen dostlukly gatnaşyklary berkitmekde taraplaryň işjeň tagallalarynyň möhüm orny aýratyn bellenildi. Duşuşykda nygtalyşy ýaly, Türkmenistan bilen Hytaý Halk Respublikasynyň arasyndaky özara bähbitli gatnaşyklar soňky ýyllarda iki ýurduň döwlet Baştutanlarynyň tagallalarynyň netijesinde strategik hyzmatdaşlyk derejesine çykaryldy.

Gün tertibinde — Hazar deňziniň meseleleri

Golaýda ýurdumyzyň Daşary işler ministrliginiň binasynda Türkmenistanyň Hazar deňziniň meseleleri boýunça pudagara toparynyň nobatdaky mejlisi geçirildi. Onuň işine Ministrler Kabinetiniň agzalary, degişli ministrlikleriň we pudaklaýyn dolandyryş edaralarynyň ýolbaşçylarydyr wekilleri gatnaşdylar. Duşuşygyň dowamynda pudagara toparyň şu ýylyň birinji ýarymynda alyp baran işleriniň netijeleri ara alnyp maslahatlaşyldy, şeýle hem ýakyn geljek üçin anyk wezipeler kesgitlenildi. Mejlise gatnaşyjylar Türkmenistanyň mundan beýläk-de özara hormat goýmak ýörelgeleri esasynda Hazar deňzi boýunça ykdysadyýet, ekologiýa, howpsuzlyk, ulag we beýleki ulgamlarda hyzmatdaşlygyň ilerledilmegi ugrunda tagallalary durmuşa geçirjekdigini nygtadylar. Şunda howanyň üýtgemeginiň täsirini peseltmek, «ýaşyl» ykdysadyýeti ösdürmek meselelerine aýratyn üns berler. Munuň özi ýurdumyzyň daşary syýasatynda ileri tutulýan ekologiýa diplomatiýasyny üstünlikli amala aşyrmakda möhüm ähmiýete eýedir.

ХХ Ählihytaý gurultaýynyň jemleriniň tanyşdyrylyşy

Şu gün paýtagtymyzyň Jemgyýetçilik guramalarynyň merkezinde Hytaýyň Kommunistik partiýasynyň ХХ Ählihytaý gurultaýynyň jemleriniň tanyşdyrylyşy geçirildi. Onda ilki bilen çykyş eden jenap Çen Gan Türkmenistanyň Demokratik partiýasynyň hem-de Hytaýyň Kommunistik partiýasynyň agzalarynyň iki halkyň dost-doganlygyny berkitmekdäki alyp baran işleri barada giňişleýin durup geçdi we Hytaýyň Sinhaý welaýatynyň tutýan meýdany, tebigaty, medeniýeti hem-de ol ýerdäki ösüşler barada giňişleýin gürrüň berdi. Şeýle-de çykyşyň dowamynda Hytaýyň Kommunistik partiýasynyň Orta Aziýa döwletler bilen, şol sanda Türkmenistan bilen gelejekde dost-doganlygy has-da berkitmek babatda alnyp baryljak işler barada durlup geçildi. Türkmenistanyň Demokratik partiýasynyň başlygy Ata Serdarow jenap Çen Gana we Hytaý tarapyndan gelen beýleki wekillere bu tanyşdyrylyş dabarasyna gatnaşan jemgyýetçilik guramalarynyň wekilleriniň adyndan hem-de öz adyndan hoşallygyny bildirdi. Jenap Çen Gan hem öz gezeginde partiýanyň adyndan Türkmenistan bilen Hytaýyň arasyndaky gatnaşyklary berkitmekde alyp barýan işleri üçin hormatly Prezidentimize, Gahryman Arkadagymyza tüýs ýürekden sagbolsun aýtdy.

Türkmenistan we Özbegistan gümrükhanada öňünden habar berme babatynda hyzmatdaşlygy işjeňleşdirýärler

Türkmenistan we Özbegistan gümrük edaralarynyň harytlar we ulag serişdeleri barada öňünden habardar edilmegi babatynda hyzmatdaşlygy ara alyp maslahatlaşdylar. Bu mesele Türkmenistanyň Döwlet gümrük gullugynyň we Özbegistan Respublikasynyň ykdysadyýet we maliýe Ministrliginiň ýanyndaky Gümrük komitetiniň wekilleriniň onlaýn-duşuşygynyň esasy temasy boldy. Taraplar iki ýurduň gümrük edaralarynyň arasynda maglumaty bermek prosessi bilen baglanyşykly tehniki meselelere seretdiler.

Daşkentde Türkmenistanyň we Özbegistanyň demir ýol edaralarynyň arasynda gepleşikler geçirildi

Daşkentde «Türkmendemirýollary» we «Uzbekiston temir ýullari» edaralarynyň wekilleri duşuşdylar. Duşuşykda Türkmenistanyň we Özbegistanyň demir ýol edaralarynyň arasyndaky hyzmatdaşlyk ara alyp maslahatlaşdy diýip, «Podrobno.uz» habar berdi. Habar berlişine görä, gepleşiklerde taraplar birnäçe möhüm mowzuklar boýunça pikir alşyp, ikitaraplaýyn hyzmatdaşlygyň meselelerini ara alyp maslahatlaşdylar. Hususan-da, «Uzbekiston temir ýullarina» degişli sistern-wagonlaryň Türkmenistanyň we Eýranyň çäklerinde ýerleşdirilmegi, şeýle hem türkmen çäklerinde ýerleşýän üsti ýapyk wagonlaryň wagtynda düşürilmegi we yzyna gaýtarylmagy boýunça pikir alyşdylar.

Halkara hyzmatdaşlyk

Türkmenistan bilen Özbegistan «Farap/ Hojadawlet — Türkmenbaşy — Farap/Hojadawlet» ugruny ösdürmäge gyzyklanma bildirýär Türkmenistanyň «Demirýollary» açyk görnüşli paýdarlar jemgyýeti bilen Özbegistanyň «Uzbekiston temir yullari» paýdarlar jemgyýetiniň wekilleriniň arasynda penşenbe güni Daşkentde geçirilen duşuşykda taraplar «Farap/ Hojadawlet — Türkmenbaşy — Farap/Hojadawlet» ugrunyň geçirijilik ukybyny ösdürmäge we konteýner ýük gatnawlarynyň mukdaryny artdyrmaga gyzyklanma bildirdiler.

Halkara hyzmatdaşlygyň çäginde

Arkadag şäheriniň köpugurly hassahanasynda «Türkmenistanyň lukmanlarynyň jemgyýetçilik guramasy» atly halkara ylmy maslahat geçirildi. Halkara hyzmatdaşlygyň çäginde geçirilen bu çäre Türkmenistanyň Saglygy goraýyş we derman senagaty ministrligi tarapyndan guraldy. Oňa ýurdumyzyň saglygy goraýyş ulgamynyň, lukmançylyk edaralarynyň ýolbaşçylarydyr işgärleri, Myrat Garryýew adyndaky TDLU-nyň mugallymlary, daşary ýurtlaryň öňdebaryjy kompaniýalarynyň, hassahanalarynyň wekilleridir professor alymlary, hünärmenleri gatnaşdylar. Halkara ylmy maslahatda Germaniýa Federatiw Respublikasyndan, Belarus Respublikasyndan, Türkiýe Respublikasyndan, Awstriýadan gelen myhmanlar, ýurdumyzyň saglygy goraýyş ulgamynyň wekilleri çykyş etdiler.

Telefon arkaly söhbetdeşlikler

24-nji iýulda hormatly Prezidentimiz Serdar Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Birek-biregi mähirli mübärekläp, iki dostlukly ýurduň Baştutanlary türkmen we özbek halklarynyň milli bähbitlerine laýyk gelýän döwletara hyzmatdaşlygyň häzirki ýagdaýydyr geljekki ugurlary boýunça pikir alyşmaga dörän mümkinçilige kanagatlanma bildirdiler.

Türkmenistan — Özbegistan: dost-doganlyk gatnaşyklara ygrarlylyk

Türkmenistan bilen Özbegistan Respublikasynyň arasyndaky ikitaraplaýyn hyzmatdaşlyk hoşniýetli goňşuçylyk, dostluk, iki halkyň arasyndaky pugta doganlyk gatnaşyklaryna esaslanýar. Muny 24-nji iýulda döwlet Baştutanymyz Serdar Berdimuhamedowyň hem-de türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Özbegistan Respublikasynyň Prezidenti Şawkat Mirziýoýew bilen telefon arkaly geçiren söhbetdeşlikleri aýdyňlygy bilen tassyklaýar. Iki dostlukly ýurduň Baştutanlary, ilkinji nobatda, türkmen we özbek halklarynyň milli bähbitlerine laýyk gelýän döwletara hyzmatdaşlygyň häzirki ýagdaýydyr geljekki ugurlary boýunça pikir alyşmaga dörän mümkinçilige kanagatlanma bildirdiler. Hormatly Prezidentimiz özüniň özbek kärdeşini doglan güni bilen gutlady we oňa berk jan saglyk, bagtyýarlyk, abadançylyk, Özbegistan Respublikasynyň doganlyk halkynyň bagtyýarlygynyň bähbidine alyp barýan jogapkärli döwlet işinde üstünlik arzuw etdi.

Türkmenistan — Koreýa: strategik hyzmatdaşlygyň mümkinçilikleri giňeldilýär

Türkmenistan döwletimiz dünýäniň depginli ösýän ykdysadyýetleriniň birine eýe bolan Koreýa Respublikasy bilen özara bähbitli hyzmatdaşlygy ählitaraplaýyn pugtalandyrmaga uly ähmiýet berýär. Şu jähetden, 20-21-nji iýulda Koreýa Respublikasynyň Milli Assambleýasynyň Başlygynyň Türkmenistana bolan resmi sapary ikitaraplaýyn strategik hyzmatdaşlygyň täze ugurlarynyň binýady boldy. Koreýa Respublikasy Türkmenistanyň Garaşsyzlygyny ykrar eden ilkinji döwletleriň biridir. Bu döwlet Aziýa — Ýuwaş umman sebitinde ygtybarly hyzmatdaşlarymyzyň biri hasaplanýar. Türkmenistan bilen Koreýa Respublikasynyň arasyndaky diplomatik gatnaşyklar 1992-nji ýylyň 7-nji fewralynda ýola goýuldy.

Özbegistan-Türkmenistan-Eýran ugry boýunça konteýner gatnawlaryny ösdürmegiň mümkinçilikleri maslahatlaşyldy

Türkmenistanyň TULM kompaniýasynyň, Eýranyň “Vision Global Terminal” kompaniýasynyň we Özbegistanyň “Uzbekiston temir yullari” paýdarlar jemgyýetiniň wekilleriniň duşuşygy, Daşkent, Özbegistan (Surat: uzdaily.uz) Özbegistanyň “Uzbekiston temir yullari” paýdarlar jemgyýetiniň müdiriýetiniň başlygynyň birinji orunbasary Hikmatilla Rahmetowyň, müdiriýetiň Ulag we logistika boýunça orunbasary Abdumalik Kamiljanowyň, Türkmenistanyň Ulag-logistika merkezi” (TULM) açyk görnüşli paýdarlar jemgyýetiniň we Eýranyň “Vision Global Terminal” kompaniýasynyň wekilleriniň gatnaşmagynda Özbegistanda geçirilen duşuşykda Özbegistan-Türkmenistan-Eýran ugry boýunça konteýner gatnawlaryny ösdürmegiň mümkinçilikleri ara alnyp maslahatlaşyldy. Bu barada “Uzdaily” internet neşiri çarşenbe güni habar berdi.

Türkmenistan — Koreýa: parahatçylykly hyzmatdaşlygyň giň mümkinçilikleri

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň alyp barýan «Açyk gapylar» syýasaty netijesinde Aziýa — Ýuwaş umman sebitiniň ýurtlary, şol sanda Koreýa Respublikasy bilen üstünlikli amala aşyrylýan hyzmatdaşlyklar yzygiderli ösdürilýär. Habarlar giňişliginde beýan edilişi ýaly, Arkadag Serdarly bagtyýar ýaşlar ýylynyň  20-21-nji iýulynda  Koreýa Respublikasynyň Milli Assambleýasynyň Başlygy Kim Çžin Pýo we onuň ýolbaşçylygyndaky wekiliýet ýurdumyzda resmi saparda boldy.

Türkmenistan — Koreýa: parlamentara gatnaşyklary ösdürmegiň bähbidine

Gahryman Arkadagymyzyň halkara hyzmatdaşlygy ösdürmek boýunça öňe süren başlangyçlarynyň hormatly Prezidentimiziň baştutanlygynda üstünlikli durmuşa geçirilmegi esasynda Türkmenistan Koreýa Respublikasy bilen ýola goýlan gatnaşyklara, dostluk, birek-birege ynanyşmak, özara düşünişmek esasynda alnyp barylýan hyzmatdaşlygyň ösdürilmegine möhüm ähmiýet berýär. Diplomatik gatnaşyklaryň ýola goýulmagyndan bäri geçen 30 ýylyň dowamynda Türkmenistan bilen Koreýa Respublikasynyň arasyndaky özara hyzmatdaşlyk yzygiderli ösdürildi. Hususan-da, iki ýurt 2008-nji ýyldan bäri özara bähbitli hyzmatdaşlyk esasynda daşary syýasatda, ykdysadyýetde, ylym-bilim, medeni-ynsanperwer ulgamlarda has netijeli gatnaşyklary ýola goýdular. Soňky ýyllarda Koreýa Respublikasynyň iri kompaniýalary geljegi uly hasaplanýan türkmen bazarynda öz ornuny pugtalandyrýarlar. Türkmenistan we Koreýa Respublikasy diňe bir ikitaraplaýyn hem ählumumy derejede däl, eýsem, «Merkezi Aziýa — Koreýa Respublikasy» formatynyň çäklerinde-de özara gatnaşyklary berkidýär. Däp bolan gatnaşyklar pugtalandyrylýar.