HABARLAR

Wagyz-nesihat duşuşygy

Günsaýyn özgerýär ýaşlaň ykbaly Golaýda şeýle at bilen TDP-niň Wekilbazar etrap komitetiniň, TAP-nyň etrap komitetiniň, TMÝG-niň etrap geňeşiniň, etrap bilim bölüminiň bilelikde guramagynda etrabyň merkezi kitaphanasynda wagyz-nesihat duşuşygy geçirildi. Duşuşyga ýokarda ady agzalan guramalaryň işgärleri we işjeň agzalary, ýaşuly nesliň wekilleri gatnaşdylar.

13 Awgust 2024

Jemgyýet

Dowamat-dowamly mertdir pederim

Düýn Türkmenistanyň Içeri işler ministrliginiň Mälikguly Berdimuhamedow adyndaky 1001-nji harby bölüminiň Medeniýet öýünde «Dowamat-dowamly mertdir pederim» atly dabaraly maslahat geçirildi. Ol hormatly Prezidentimiz, Türkmenistanyň Ýaragly Güýçleriniň Belent Serkerdebaşy Serdar Berdimuhamedowyň mähriban atasy, Gahryman Arkadagymyzyň eziz kyblasy, içeri işler edaralarynyň hormatly weterany Mälikguly Berdimuhamedowyň nusgalyk ömür ýoluna bagyşlandy. Dabaraly maslahatyň öňüsyrasynda ýurdumyzyň harby we hukuk goraýjy edaralarynyň harby gullukçylary hormatly Belent Serkerdebaşymyzyň mähriban atasynyň Içeri işler ministrliginiň Mälikguly Berdimuhamedow adyndaky 1001-nji harby bölüminde ýerleşýän heýkeline gül desselerini goýup hatyraladylar. Içeri işler edaralarynyň weteranlary, serkerdeler, Içeri işler ministrliginiň institutynyň talyplary, esgerler bu ýerde Mälikguly Berdimuhamedowyň gulluk ýyllarynda dolandyran moto we awtoulaglaryň sergisini synladylar.

13 Awgust 2024

Jemgyýet

Halk Maslahaty halkyň bähbidini ileri tutýar

Türkmenistanyň Halk Maslahatynyň nobatdaky mejlisi 2024-nji ýylyň 24-nji sentýabrynda Aşgabat şäherindäki Maslahat köşgünde geçiriler. Bu wekilçilikli mejlis Garaşsyzlyk ýyllarynda gazanan üstünliklerimizi has-da berkitmekde, halkymyzyň abadan ýaşaýşynyň bähbidine öňde duran örän möhüm meseleleri maslahatlaşyp, anyk wezipeleri kesgitlemekde uly ähmiýete eýe bolar. Berkarar döwletiň täze eýýamynyň Galkynyşy döwründe Halk Maslahaty ýurdumyzyň Konstitusiýasyna laýyklykda hereket edýän halk häkimiýetiniň ýokary wekilçilikli edarasy bolmak bilen, döwürleriň aýrylmaz baglanyşygyny hem-de nesilleriň dowamatlylygyny, Garaşsyz, baky Bitarap Watanymyzyň gadymdan gelýän demokratik ýörelgelere, saýlap alan döredijilikli ýoluna ygrarlydygyny alamatlandyrýar. Gahryman Arkadagymyzyň «Döwlet adam üçindir!» diýen baş ýörelgesi il-günümiz üçin bähbitli işlerde özüniň beýanyny tapýar.

12 Awgust 2024

Jemgyýet

Redaksiýanyň elektron poçtasyndan: watan@sanly.tm

Wagyz-nesihat edildi Ýakynda TKA-nyň Esenguly etrap birleşmesiniň guramagynda wagyz-nesihat duşuşygy geçirildi. Oňa jemgyýetçilik guramalarynyň wekilleri, il sylagly ýaşulular, lukmanlar gatnaşdy. Duşuşykda sagdyn durmuş ýörelgesi, ýaşlaryň ýaramaz, zyýanly endiklerden daşda durmagy, sport bilen meşgullanmaklary barada giňişleýin gürrüň edildi.

12 Awgust 2024

Jemgyýet

Üns merkezinde — çagalar

Ýene-de sanlyja günlerden bagtyýar çagalar ak mekdepleriň bosagasyndan ätlärler. Bilim ojaklarynda olaryň çuňňur bilim we döwrebap terbiýe almaklary üçin ähli mümkinçilikler döredilýär. Etrabymyzyň mekdeplerini täze okuw ýylyna taýýarlamak işleri-de üstünlikli tamamlandy. Bu işler hormatly Prezidentimiziň ýaş nesli kämil şahsyýetler edip ýetişdirmek boýunça öňde goýan jogapkärli wezipelerinden gözbaş alýar. Häzirki günlerde ene-atalar çagalaryny mekdebe taýýarlamak, olary okuw esbaplary we beýleki zerur zatlar bilen üpjün etmek bilen baglanyşykly meseleleri çözýärler. Bu babatda biz olara ýakyndan ýardam berýäris. Guramamyz tarapyndan ýylyň-ýylyna hemaýata mätäç we köp çagaly maşgalalaryň çagalaryna okuw esbaplary satyn alnyp berilýär. Şu ýyl şeýle kömek mekdep okuwçylarynyň 400-den gowragyna berler. Ýurdumyzyň geljegi bolan ýaşlaryň tomus dynç alşyny guramak meselesi hem üns merkezinde saklanyldy. Olara ýurdumyzyň sapaly ýerlerinde ýerleşýän çagalar sagaldyş we dynç alyş merkezlerine ýollanmalaryň 300-den gowragy berildi. Bagtyýar çagalar ol ýerlerde wagtlaryny şadyýan geçirip, täze okuw ýylynda gowy bahalar bilen okamak üçin güýç topladylar.

12 Awgust 2024

Jemgyýet

Täsirli geçen duşuşyk

Türkmenistanyň Magtymguly adyndaky Ýaşlar guramasynyň Kaka etrap Geňeşi tarapyndan etrabyň jemgyýetçilik guramalarynyň binasynda etrabyň edara-kärhanalarynda zähmet çekýän ýaşlaryň gatnaşmagynda söhbetdeşlik duşuşygy geçirildi. Türkmenistanyň Halk Maslahatynyň jemgyýetçilik-syýasy ähmiýetini wagyz etmek maksady bilen geçirilen söhbetdeşlik duşuşygynda täsirli çykyşlar diňlendi. Çykyş edenler Arkadagly Gahryman Serdarymyzyň döredijilikli syýasatynyň netijesinde ösüşleriň täze belentliklerine tarap bedew bady bilen ynamly öňe barýan Türkmenistan döwletimizde türkmen jemgyýetinde demokratik başlangyçlary ösdürmek, raýat jemgyýeti edaralarynyň işjeňligini ýokarlandyrmakda alnyp barylýan giň möçberli işler, şu ýylyň 24-nji sentýabrynda boljak Türkmenistanyň Halk Maslahatynyň nobatdaky mejlisine taýýarlykly barmagyň ähmiýeti dogrusyndaky gürrüňe aýratyn ähmiýet berdiler.

12 Awgust 2024

Jemgyýet

Beýik akyldar şahyryň edebi mirasyna bagyşlandy

Sarahs etrap merkezi kitaphanasynda okyjylaryň arasynda gürrüňdeşlik geçirildi. “Pähim-paýhas ummany Magtymguly Pyragy” ýylyna bagyşlanan gürrüňdeşlik kitaphananyň Syýasy jemgyýetçilik edebiýatlary bölümi tarapyndan guraldy. “Beýik akyldar Magtymguly Pyragy” ady bilen geçen gürrüňdeşlikde türkmen halkynyň Milli Lideri Gahryman Arkadagymyzyň Magtymguly Pyragynyň ömür menziline bagyşlap döreden “Pähim-paýhas ummany Magtymguly Pyragy” atly goşgusynyň baý many-mazmuny, berkarar Watanymyzda akyldar şahyrymyzyň edebi mirasyny öwrenmek, dünýä ýaýmak boýunça durmuşa geçirilýän işler dogrusynda durlup geçildi. Magtymguly Pyraga we onuň döredijiligine goýulýan çäksiz sarpa, beýik söz ussadynyň umumadamzat gymmatlyklaryny, ynsanperwer ýörelgelerini wasp edýän pelsepewi eserleriniň gymmaty barada aýdylanlar uly täsirleri döretdi.

12 Awgust 2024

Jemgyýet

Wagyz-nesihat çäresi

Halal zähmet berekediň gözbaşy Golaýda TKA-nyň mejlisler zalynda TAP-nyň welaýat komitetiniň we welaýat prokuraturasynyň guramagynda “Halal zähmet berekediň gözbaşy” atly wagyz-nesihat çäresi geçirildi. Oňa TAP-nyň welaýat, şäher, etrap komitetleriniň işgärleri we işjeň agzalary, Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, şeýle-de kärendeçi daýhanlar gatnaşdylar.

12 Awgust 2024

Jemgyýet

Şadyýan tomus — 2024

Durmuşymyzyň gunça-gülleri Arkadagly Gahryman Serdarymyzyň parasatly baştutanlygynda ösüşiň täze belentliklerine tarap ynamly öňe barýan Türkmenistan döwletimiz bagtyýar çagalaryň mekany hökmünde ykrar edilýär. Ýaş nesli hemmetaraplaýyn terbiýelemek bolsa Berkarar döwletiň täze eýýamynyň Galkynyşy döwrüniň esasy maksatlarynyň biridir.

12 Awgust 2024

Jemgyýet

Beýik başlangyçlara badalga

Ýakynda welaýat kitaphanasynda “Türkmenistanyň Halk Maslahaty — beýik başlangyçlara badalga” atly brifing geçirildi. TMÝG-niň welaýat geňeşiniň, welaýat Adalat bölüminiň we welaýat kitaphanasynyň bilelikde guramagynda geçirilen brifinge welaýatyň dürli edara-kärhanalarynda zähmet çekýän ýaşlar gatnaşdylar. Brifingi TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow alyp bardy. Täsirli geçen brifingde Türkmengalanyň ýüplük üçin kagyz tegeklerini öndürýän fabrigiň ykdysatçysy, Türkmenistanyň Mejlisiniň deputaty Orazgeldi Saparow, Türkmenistanyň Adalat ministrliginiň ýanyndaky gozgalmaýan emläge bolan hukuklary we onuň bilen bagly geleşikleriň döwlet tarapyndan bellige alynmagy baradaky gullugyň Mary welaýat müdirliginiň Sakarçäge etrap bölüminiň döwlet bellige alyjysy Myrat Kulyýew, “Maru — şahu jahan” welaýat gazetiniň bölüm redaktory, Türkmenistanyň Ýaşlar baýragynyň eýesi Sülgün Şadyýewa, welaýat kitaphanasynyň birinji derejeli kitaphanaçysy Gunça Ataýewa çykyş etdiler. Çykyş edenler Türkmenistanyň Halk Maslahatynyň ähmiýeti, onuň manysy, ýurdumyzyň kanunçylygy, Gahryman Arkadagymyzyň, Arkadagly Gahryman Serdarymyzyň saýasynda alnyp barylýan il-ýurt bähbitli beýik başlangyçlar, häzirki wagtda Türkmenista

12 Awgust 2024

Jemgyýet