"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Baharyň gül-gunçalary iň eýjejik gyzjagazlar

Türkmenistanyň Magtymguly adyndaky Ýaşlar guramasynyň Merkezi geňeşiniň we Türkmenistanyň Bilim ministrliginiň Milli bahar baýramy mynasybetli ýurdumyzyň orta mekdepleriniň 2-4-nji synplarynda okaýan okuwçy gyzlarynyň arasynda bilelikde yglan eden «Iň eýjejik gyzjagaz — 2024» atly bäsleşiginiň welaýat tapgyry Balkanabat nebitçilik orta hünär okuw mekdebiniň mejlisler jaýynda geçirildi. Eýjejik gyzjagazlar ýurdumyzda Gahryman Arkadagymyzyň, Arkadagly Gahryman Serdarymyzyň taýsyz tagallalarynyň netijesinde Berkarar döwletiň täze eýýamynyň Galkynyşy döwründe alnyp barylýan tutumly işleri, eziz Watanymyzy, bagtyýar çagalygy, dost-doganlygy, sporty wasp edýän şirin aýdymlary ýerine ýetirdiler. Geýen milli lybaslarynyň, dakynan şaý-sepleriniň gözelligini goşgularyň üsti bilen taryp etdiler. Ýaş aýratynlyklaryna görä, ene-mamalarymyzdan dowam edip gelýän el işlerini ýerine ýetirmekde ukyp-başarnyklaryny görkezdiler.

6 Mart 2024

Garaşsyzlyk

Ösüşleriň, rowaçlygyň döwri

Hormatly Prezidentimiziň parasatly ýolbaşçylygynda ýurdumyzyň gülläp ösmegi, halkymyzyň ýaşaýyş-durmuş şertleriniň ýokarlanmagy, milli däp-dessurlarymyzyň, ruhy-ahlak gymmatlyklarymyzyň döredijilikli baýlaşdyrylmagy, sagdyn durmuş ýörelgeleriniň durmuşa geçirilmegi ýaly ajaýyp işler amala aşyrylýar. Uly üstünliklere hem-de ösüşlere beslenýän Diýarymyz Arkadagly Gahryman Serdarymyzyň beýik tutumlary esasynda gülleýär, gül açýar. Türkmenistanyň Kärdeşler arkalaşyklarynyň welaýat birleşmesiniň işgärleri, işjeň agzalary hormatly Prezidentimiziň tabşyryklaryndan ugur alyp, sagdyn durmuş ýörelgeleri, ýaşlaryň boş wagtlaryny peýdaly zähmete, sporta sarp etmekleri boýunça wagyz-nesihat işlerini alyp barýarlar. «Pähim-paýhas ummany Magtymguly Pyragy» ýylynda geçirilýän çärelere işjeň gatnaşýarlar. Çärelerde ajaýyp zamanamyzda Gahryman Arkadagymyzyň, döwlet Baştutanymyzyň taýsyz tagallalary bilen ýetilen belent sepgitler, öňde durýan jogapkärli wezipeler barada giňişleýin gürrüň edilýär.

6 Mart 2024

Garaşsyzlyk

Täzelik

Halkara zenanlar güni mynasybetli Saýat etrap merkezi kitaphanasynda «Bahar size meňzeş, eneler!» diýen at bilen söhbetdeşlik geçirildi. Welaýat kitaphanasynyň hem-de Saýat etrap merkezi kitaphanasynyň bilelikde guran çäresine jemgyýetçilik guramalarynyň işjeň agzalary, mährem eneler, kitaphanaçylar, bilim işgärleri we orta mekdepleriň okuwçy gyzlary gatnaşdylar. Onda çykyş edenler güneşli Diýarymyzda zenan mertebesiniň belent tutulýandygy dogrusynda buýsançly gürrüň etdiler. Şonuň ýaly-da olar durmuşymyzyň bezegi bolan aýal-gyzlaryň hem özleri barada edilýän aladalara jogap edip, okuwda, zähmetde uly üstünlikleri gazanýandyklaryny, ýurdumyzyň ähli ugurlardaky ösüşlerine önjeýli goşant goşýandyklaryny nygtadylar. Söhbetdeşlikde aýal-gyzlara belent hormat-sarpa goýýandyklary, olara durmuşda ähli ýeňillikleri döredip berýändikleri üçin Gahryman Arkadagymyza we Arkadagly Gahryman Serdarymyza alkyş sözleri aýdyldy. Çäre mahalynda okuwçy gyzlar mährem enelerimizi, gyz-gelinlerimizi, tebigat gözelliklerini wasp edýän goşgulary labyzly okadylar.

6 Mart 2024

Garaşsyzlyk

MAGTYMGULY PYRAGYNYŇ HALKYŇ KÖŇÜL GÖZÜSINDÄKI KEŞBI

Türkmeniň akyldar şahyrynyň keşbini döretmeklik öz döwründe suratkeşleriň öňünde has çylşyrymly hem kyn meseleleriň birini ör boýuna galdyrdy. Şahyryň ilkinji gezek döredilmeli keşbini halkyň hakydasynda ýaşaýan keşbi bilen kybap getirmek suratkeşlerden uly ussatlygy talap edýärdi. Magtymguly Pyragynyň keşbini döretmeklige çynlakaý çemeleşmeler, ýagny suratkeş Ruwim Mazeliň döreden kitap bezegindäki kiçi göwrümli eserinden ýigrimi ýyl çemesi geçeninden soň, şahyryň doglan gününiň 225 ýyllyk şanly senesi bilen baglanyşykly ýüze çykyp ugrady. 1960-njy ýyllarda Türkmenistanyň suratkeşler birleşmesinde bolan bir maslahatda suratkeş zenan Ýewgeniýa Adamowanyň çykyşynda: «Ýer titremesinden öňki döwürde partiýa öýüniň öňünde duran «Türkmen ýaşulusy» we «Türkmen zenan» (Ýelizaweta Tripolskaýa, 1928, beton) keşbini düzýän iki sany heýkel köpleriň ýadynda bolsa gerek?! Magtymgulynyň keşbiniň heniz döredilmedik döwürleri ony şahyryň heýkeli hasaplapdyrlar» diýip nygtalýar. (Häzirki wagtda bu heýkeller Türkmen döwlet ýörite çeperçilik mekdebiniň howlusynda saklanýar). Türkmen heýkeltaraşlyk sungatynda döredilen ilkinji eserleriň hataryna girýän bu heýkeli içgin synlasaň, dogrudan hem,  akyldar şahyryň keşbi duýulýar. Emma «Türkmen ýaşulusy» atly esere Magtymguly Pyragynyň heýkeli diýmek bolmaýar. Zenan heýkeltaraş Ý.Tripolskaýanyň XX asyryň başynda Türkmenistana gelip döreden heýkel

5 Mart 2024

Garaşsyzlyk

ÖNÜMÇILIK ARKALY DAŞKY GURŞAWYŇ GORAGY

Ekiniň hasyllylygyny ozalkysyndan 70 göterime çenli artdyrýan döküniň önümçiligi  bilen daşky gurşawy zyýanly galyndylardan goramak ýaly ähmiýetli işi biribiri bilen sazlaşdyryp bolarmy?  Sowaly sadalaşdyralyň: örän peýdaly döküni öndürýärkäk, daşky gurşawy polimer we plastik galyndylardan gorap bilerismi? S.A.Nyýazow adyndaky Türkmen oba hojalyk uniwersitetiniň mugallym öwrenijisi Gülälek Allakulyýewa bu sowala «Hawa» diýip jogap berýär. Ikinji bir sowala garaşmazdan, muny nädip edip boljakdygyny hem düşündirýär: Gülälek mugallymyň pikirine görä, biogumusyň önümçiligi üçin zerur bolan gyzyl kaliforniýa gurçuklaryny polimer galyndylary bilen iýmitlendirip, hem peýdaly dökün alyp, hem daşky gurşawy zyýanly galyndylardan halas edip bolar. Biogumusyň nähili dökündigini köpiňiz bilýänsiňiz. Bilmeýän bolsaňyz, gysgaça şeýle düşündiriş bereli. Biogumus käbir ekinleriň hasyllylygyny ozalkysyndan 70 göterime çenli artdyrýar. Käbir takyk maglumatlara ýüzlensek, biogumusdan «gerk-gäbe doýan» däneli ekinler ozalkysyndan 25, bakja ekinleri 40 göterime golaý kän hasyl berýär. Şeýle bolansoň, Türkmenistanyň Magtymguly adyndaky Ýaşlar guramasynyň we Ylymlar akademiýasynyň her ýyl bilelikde yglan edýän ylmy işleriň bäsleşiginde geçen ýyl öňdäki orunlaryň birini eýelän ýaş alym öz ylmy gözleglerini ýokarda ady agzalan gurçuklaryň bioekologiýasyna we olaryň polimer galyndylaryny darga

5 Mart 2024

Garaşsyzlyk

SANLY ULGAMYŇ ÖSÜŞ GADAMLARY

Hormatly Prezidentimiziň parasatly ýolbaşçylygynda ýurdumyzda sanly ulgamy ösdürmekde, ylmyň gazananlaryny önümçilige giňden ornaşdyrmakda, söwda-senagat, oba hojalyk, ulag-aragatnaşyk, ylym-bilim we beýleki ulgamlary innowasion esasda alyp barmakda netijeli işler durmuşa geçirilýär. Häzirki wagtda ýurdumyz ähli ulgamlary sanlylaşdyrmak, döwlet dolandyryşynyň netijeliligini, halkymyzyň durmuş derejesini ýokarlandyrmak üçin elektron we ylmy ulgamy özleşdirmek, ýokary tehnologiýalaryň hem-de kiçi we orta telekeçiligiň mümkinçiliklerini çekmek arkaly pudaklary döwrebaplaşdyrmak meselelerine aýratyn ähmiýet berýär. Sanly ulgamy ösdürmek halk hojalygynyň ähli ugurlarynyň hünärmenler we innowasiýalar bilen üpjünçiligine gönüden-göni bagly bolup durýar. Munuň özi ýurtda kämil tehnologiýalardan baş çykarýan ýokary derejeli hünärmenleriň taýýarlanylmagyny we pudaklara innowasiýalary ornaşdyrmak babatda daşary ýurt maýa goýumlarynyň giňden çekilmegini talap edýär. Şoňa görä, häzirki wagtda ýurdumyzda «Türkmenistanda sanly bilim ulgamyny ösdürmegiň Konsepsiýasy» netijeli amala aşyrylýar, iri maýadarlar we innowasion kompaniýalar bilen hyzmatdaşlyk edilýär. Netijede, Diýarymyzda täze önümçilikler ýola goýulýar, ýurdumyzyň dünýä hojalygyndaky orny hasda pugtalandyrylyp, döwletimiziň durnukly ykdysady ösüşi üpjün edilýär.

5 Mart 2024

Garaşsyzlyk

Baýrama bagyşlanan dabara

Ýurdumyzyň çar künjeginde bolşy ýaly, baharyň şu ajaýyp günlerinde welaýatymyzda-da Halkara zenanlar güni mynasybetli dabaralara giň gerim berilýär. Golaýda Türkmenabat şäherindäki «Bagt köşgi» toý-dabaralar merkezinde guralan aýdym-sazly dabara hem bu ajaýyp baýrama bagyşlandy.

5 Mart 2024

Garaşsyzlyk

Şanly tutumlara badalga

Welaýat häkimliginde Gahryman Arkadagymyzyň başlyklyk etmeginde ýakynda geçirilen Türkmenistanyň Halk Maslahatynyň Prezidiumynyň mejlisinde garalan meseleleriň, öňde goýlan wezipeleriň ähmiýetine bagyşlanan maslahat geçirildi. «Türkmenistanyň Prezidenti Arkadagly Gahryman Serdarymyzyň ösüş maksatlaryny durmuşa geçirmekde döwletiň we jemgyýetiň bilelikdäki tagallalarynyň ähmiýeti» atly bu maslahata il sylagly ýaşulular, Türkmenistanyň Mejlisiniň deputatlary, welaýat, etrap we şäher halk maslahatlarynyň agzalary, edara-kärhanalaryň, jemgyýetçilik guramalarynyň ýolbaşçylary, Geňeşleriň arçynlary, talyp ýaşlar hem-de medeniýet we sungat işgärleri gatnaşdylar. Maslahatda hormatly Prezidentimiziň alyp barýan durmuş ugurly syýasatyna, döwletimizi ösdürmegiň nobatdaky tapgyrynda badalga berlen beýik özgertmelere bagyşlanan çykyşlara giň orun berildi. Çykyşlarda Arkadagly Gahryman Serdarymyz tarapyndan tassyklanan «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyna» we Türkmenistanyň Halk Maslahatynyň degişli Kararnamasy bilen tassyklanan «Türkmenistanyň Halk Maslahatynyň işiniň esasy ugurlary boýunça Türkmenistanyň Mejlisi, ministrlikler we pudaklaýyn dolandyryş edaralary, jemgyýetçilik birleşikleri bilen bilelikde 2024-nji ýylda ýerine ýetirilmeli işleriň we geçirilmeli çäreleriň Meýilnamasyna» laýyklykda kabul edilen çözgütleriň

5 Mart 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy owgan harytlarynyň sergisine baryp gördi we duşuşyk geçirdi

4-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow paýtagtymyzda ýaýbaňlandyrylan owgan harytlarynyň sergisine baryp gördi we bu ýerde owgan tarapy bilen ikitaraplaýyn hyzmatdaşlygy mundan beýläk-de toplumlaýyn esasda ösdürmegiň meseleleri boýunça duşuşyk geçirdi. Gahryman Arkadagymyz sergide görkezilýän harytlary synlamak maksady bilen, giň möçberli serginiň guralýan ýeri bolan Söwda-senagat edarasyna geldi. Bu ýerde Milli Liderimiz mähirli garşylanyldy.

5 Mart 2024

Garaşsyzlyk

Mejlisde kesgitlenilen wezipeler ýurdumyzdaky özgertmeleriň gerimini giňelder

Şu ýylyň 22-nji fewralynda Aşgabat şäherinde Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklygynda Maslahatlar merkezinde geçirilen Türkmenistanyň Halk Maslahatynyň Prezidiumynyň mejlisinde Watanymyzyň ösdürilmegine, ilatyň durmuş şertleriniň eşretini artdyrmaklyga gönükdirilen möhüm meseleler kesgitlenildi. «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça gaýragoýulmasyz wezipeler mejlisiň esasy meseleleri boldy. Şunuň bilen birlikde, Halk Maslahatynyň işiniň esasy ugurlary babatda Türkmenistanyň Mejlisi, ministrlikler, pudaklaýyn dolandyryş edaralary hem-de jemgyýetçilik birleşikleri bilen bilelikde, «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» durmuşa geçirmek boýunça ýerine ýetirilmeli işleriň we geçirilmeli çäreleriň Meýilnamasyna seredildi.

4 Mart 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy üçünji Antalýa diplomatiýa forumyna gatnaşdy

Gahryman Arkadagymyzyň Türkiýe Respublikasyna iş sapary 1-2-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow üçünji Antalýa diplomatiýa forumyna gatnaşmak maksady bilen, Türkiýe Respublikasyna iş saparyny amala aşyrdy.

4 Mart 2024

Garaşsyzlyk

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň üçünji Antalýa diplomatiýa forumyndaky ÇYKYŞY

(Antalýa şäheri, 2024-nji ýylyň 1-nji marty) Hormatly wekiliýetleriň ýolbaşçylary we agzalary!Hanymlar we jenaplar!

4 Mart 2024

Garaşsyzlyk

Şa­hy­ry­myz Mag­tym­gu­ly — il için­de adyň uly

«7/24. tm» №10 (197), 04.03.2024 Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Gah­ry­man Ar­ka­da­gy­my­zyň, hor­mat­ly Pre­zi­den­ti­mi­ziň ta­gal­la­la­ry bi­len «Pähim-paýhas ummany Magtymguly Pyragy» ýy­ly uly üs­tün­lik­le­re bes­len­ýär. Mag­tym­gu­ly Py­ra­gy­nyň dö­re­di­ji­li­gi­niň dün­ýä do­lan şöh­ra­ty­ny has-da beý­gelt­mek we ony giň­den wa­gyz et­mek, bu ugur­da hal­ka­ra hyz­mat­daş­ly­gyny pug­ta­lan­dyr­mak bo­ýun­ça ýur­du­myz­da giň ge­rim­li iş­ler al­nyp ba­ryl­ýar.

4 Mart 2024

Garaşsyzlyk

Türkmenistanyň Söwda toplumy boýunça şu ýylyň iki aýynda ýerine ýetirilen işleriň netijeleri we öňde durýan wezipeler ara alnyp maslahatlaşyldy

Düýn Türkmenistanyň Söwda toplumynyň mejlisler zalynda iş maslahaty geçirildi. Onda 1-nji martda hormatly Prezidentimiziň sanly ulgam arkaly geçiren Ministrler Kabinetiniň nobatdaky mejlisinde beren tabşyryklaryny ýerine ýetirmek, ýurdumyzyň söwda ulgamynyň işini mundan beýläk hem ýokarlandyrmak babatda öňde goýlan wezipeler ara alnyp maslahatlaşyldy. Iş maslahatynda, ilki bilen, Türkmenistanyň Ministrler Kabinetiniň Başlygynyň orunbasary B.Atdaýew çykyş edip, hormatly Prezidentimiziň sanly ulgam arkaly geçiren Ministrler Kabinetiniň mejlisinde ýurdumyzyň bazarlarynda we söwda nokatlarynda işleri döwrebap ýola goýmak, azyk önümleriniň hem-de halkyň sarp edýän harytlarynyň üpjünçiligini hemişe gözegçilikde saklamak, şeýle-de halkara tejribeden ugur alyp, söwda işini kämilleşdirmek boýunça zerur işleri durmuşa geçirmek babatda beren tabşyryklaryny degişli ýolbaşçylara ýetirdi.

3 Mart 2024

Garaşsyzlyk

Döwletiň we jemgyýetiň bilelikdäki tagallalary ägirt uly güýje öwrülýär

28-nji fewralda Türkmenistanyň Söwda toplumynyň mejlisler zalynda söwda toplumy boýunça «Türkmenistanyň Prezidenti Arkadagly Gahryman Serdarymyzyň ösüş maksatnamalaryny durmuşa geçirmekde döwletiň we jemgyýetiň bilelikdäki tagallalarynyň ähmiýeti» atly maslahat geçirildi. Maslahatda Gahryman Arkadagymyzyň hem-de Arkadagly Gahryman Serdarymyzyň taýsyz tagallalary netijesinde ýurdumyzy durmuş-ykdysady taýdan ösdürmek hem-de «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça gaýragoýulmasyz işler dogrusynda çykyşlar edildi. Arkadagly Gahryman Serdarymyzyň parasatly baştutanlygynda hem-de türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň tagallalary bilen «Pähim-paýhas ummany Magtymguly Pyragy» ýylynda ýurdumyzyň durmuşynda möhüm özgertmeler, taryhy ähmiýetli başlangyçlar üstünlikli durmuşa geçirilýär. Milli ykdysadyýetimiziň ähli pudaklaryny öz içine alýan ösüş maksatnamalary durmuşa geçirilip hem-de düýpli özgertmeler amala aşyrylyp, ägirt uly üstünlikler gazanylýar.

3 Mart 2024

Garaşsyzlyk

Kärdeşler Awazada okuw maslahatyny geçirdiler

Ýakynda «Awaza» milli syýahatçylyk zolagynda ýerleşýän «Daýanç» dynç alyş we sagaldyş merkezinde Türkmenistanyň Awtoulaglar we ýol hojalyk işgärleriniň, Türkmenistanyň Söwda we telekeçilik ugrunyň işgärleriniň hem-de Türkmenistanyň Gurluşyk we senagat işgärleriniň kärdeşler arkalaşyklarynyň geňeşleriniň guramagynda «Berkarar döwletiň täze eýýamynyň Galkynyşy döwründe Kärdeşler arkalaşygynyň döwrebap wezipeleri» atly okuw maslahaty geçirildi. Fewral aýynyň 25-inden mart aýynyň 2-sine çenli dowam eden bu okuw maslahaty ýörite düzülen iş meýilnama esasynda alnyp baryldy.

3 Mart 2024

Garaşsyzlyk

FIJITAL SPORT: HYÝAL BILEN HAKYKATYŇ SAZLAŞYGY

Häzirki zaman ösen jemgyýeti kämil tehnikasyz, «akylly» tehnologiýalarsyz göz öňüne getirmek örän kyn. Tehnika we tehnologiýa gün-günden kämilleşýär. Olar adamzadyň gündelik durmuşyna barha giň gerim bilen aralaşýar. Şonuň netijesinde hem, «elektron metbugat», «onlaýn söwda», jemgyýetde «wirtual aragatnaşyk», «elektron resminama dolanyşygy», «elektron hökümet» ýaly sanly tehnologiýalar bilen baglanyşykly adalgalar hem dilimizi baýlaşdyrýar. Ylmyň we tehnologiýalaryň güýçli depgin bilen ösüşiniň adamzat durmuşyny barha «wirtuallaşdyrýandygyna» şaýat bolýarys. Döwür özgerýär, şonuň bilen birlikde, adamzadyň durmuşdaky närselere bolan garaýşy, nukdaýnazary hem özgerýär. Ilkibaşda adaty däl, hyýaly zat ýaly görünse-de, her bir döwrüň ýüze çykarýan täzeligi soňlugy bilen durmuşyň aýrylmaz bölegine öwrülýär. Tehnologiýalar asyrynda peýda bolan kiber sporta ýa-da fijital sporta hem şeýle nukdaýnazar bilen garamak mümkin. Durmuşymyzda peýda bolanyna kän wagt bolmasada, sportuň bu görnüşi gysga wagtyň içinde dünýä jemgyýetçiliginde uly gyzyklanma döretdi. Esasan hem, ýaşlaryň arasynda uly meşhurlyga eýe bolan fijital sport boýunça dünýäniň ençeme döwletlerinde milli, sebit derejesinde çempionatlar yzygiderli geçirilýär. Russiýa Federasiýasynyň Tatarystan Respublikasynyň Kazan şäherinde şu ýylyň 21-nji fewraly – 3-nji marty aralygynda ilkinji gezek halkara derejede «Geljegiň oýunlary» d

2 Mart 2024

Garaşsyzlyk

GAHRYMAN ARKADAGYMYZ, MAGTYMGULY PYRAGY – ZEHINLERIMIZE YLHAM ÇEŞMESI

Göwün gözgüsine Güneşiň tylla tyglary bilen surat çekýän Pyragy gojaman Köpetdagyň eteginden howalaly inip gelýär. Göwnüme, göýä, ol içinden bir zatlar pyşyrdaýan ýaly. Pyragynyň diňe bir serine gelen setirleri däl, eýsem il-halkyň hal-ýagdaýyndan, döwrüň wakalaryndan habar berýän goşgulary ýyllaryň zarbynda mizemän, biziň günlerimize çenli gelip ýetmegi başardy. Elbetde, bu şygyrlar öz-özünden häzirki döwre çenli saklanmady. Olary halkyň Pyragynyň eserlerine bolan söýgüsi, şahyryň çuňňur filosofik garaýyşlary ýaşatdy. Gahryman Arkadagymyzyň çuň zehininden kemal tapyp, Köpetdagyň goýnunda ör boýuna galan Magtymguly Pyragynyň gurluşygy tamamlanyp gelýän heýkeline her gezek gözüm düşende, Taňrynyň ýiti zehinli şahsyýetleri asyryň öňbaşçysy hökmünde ýaradýandygy barada oýlanýaryn. Gahryman Arkadagymyzyň Arkadag Serdarly bagtyýar ýaşlar ýylynyň 17-nji awgustynda paýtagtymyz boýunça iş saparyny amala aşyryp, Aşgabadyň günorta künjeginde ýerleşýän Magtymguly Pyragynyň medeni-seýilgäh toplumynyň çäklerinde alnyp barylýan işler bilen tanyşmagy we şol ýerde akyldar şahyra bagyşlap döreden täze goşgusyny okap bermegi ussadyň ussada näderejede hormat goýýandygyny doly açyp görkezdi. «Pähim-paýhas ummany Magtymguly Pyragy» atly bu şygyr Pyragynyň ruhuny belende göterendir diýsek, hakykatdan daş düşmeris.

2 Mart 2024

Garaşsyzlyk

PARAHATÇYLYGY BERKITMEKDE PARLAMENT DIPLOMATIÝASYNYŇ MÖHÜM ORNY

Türkmenistan «Berkarar döwletiň täze eýýamynyň Galkynyşy: Türkmenistany 2022 – 2052-nji ýyllarda durmuş-ykdysady taýdan ösdürmegiň Milli maksatnamasynda» kesgitlenen, Türkmenistanyň Prezidentiniň derwaýys başlangyçlaryndan gelip çykýan, Türkmenistanyň Hökümeti tarapyndan daşary syýasatyň ösdürilmeginde ileri tutulýan uzakmöhletleýin we gysga möhletleýin maksatlaryň hemde wezipeleriň nazarda tutulmagynda hoşniýetli goňşuçylyga, deňhukuklylyk we birek-birege hormat goýmak, özara bähbitlilik ýörelgelerine esaslanýan halkara hyzmatdaşlygy alyp barýar. Şunuň bilen baglylykda, golaýda Türkmenistanyň Mejlisinde gibrid görnüşinde Bitaraplygyň dostlary toparyna agza ýurtlaryň parlamentleriniň ýolbaşçylarynyň «Parahatçylygy we dialogy berkitmekde parlament hyzmatdaşlygynyň orny» atly ilkinji duşuşygy geçirildi. Bitaraplygyň dostlary topary 2020-nji ýylyň sentýabrynda Türkmenistanyň başlangyjy bilen parahatçylygyň, howpsuzlygyň we durnukly ösüşiň bähbidine döredildi. Bu topar Birleşen Milletler Guramasyna agza döwletlere sebit we ählumumy derejede hyzmatdaşlygyň dürli ugurlary boýunça oňyn pikir alyşmak üçin mümkinçilik döredýär. Bu köptaraply dialogyň çäklerinde yzygiderli geçirilýän duşuşyklar halkara gatnaşyklarda Bitaraplyk ýörelgelerini öňe ilerletmek, ählumumy parahatçylygy, howpsuzlygy we abadançylygy üpjün etmegiň bähbidine netijeli hyzmatdaşlygy pugtalandyrmak babatda durnukly sy

2 Mart 2024

Garaşsyzlyk

TÜRKMENISTANYŇ DAŞARY SYÝASATY: özara düşünişmegiň we ynanyşmagyň diplomatiýasy

Her ýylyň 18-nji fewralynda giňden bellenilýän Türkmenistanyň diplomatik işgärleriniň güni milli senenamamyzda mynasyp orun almak bilen, ýurdumyzyň diplomatik gullugyna döwlet derejesinde berilýän ýokary ünsi, şeýle hem oňa bildirilýän belent talaplary hem-de jogapkärçilikli wezipeleri alamatlandyrýar.ş Garaşsyz, hemişelik Bitarap Türkmenistan parahatsöýüjilik, hoşniýetli goňşuçylyk we giň özara hyzmatdaşlyk syýasatyny amala aşyrmak esasynda dünýä döwletleri bilen netijeli gatnaşyklaryny ikitaraplaýyn we köptaraplaýyn görnüşde, şol sanda abraýly sebit we halkara guramalaryň çäklerinde üstünlikli ösdürýär. Döwletimiz Garaşsyzlygyna eýe bolandan soňra, türkmen diplomatiýasynyň täze döwri başlandy. Türkmenistan häzirki wagta çenli 153 döwlet bilen diplomatik gatnaşyklary ýola goýup, halkara guramalaryň birnäçesinde wekilçiligi alyp barýar. Şeýle hem ýurdumyzyň daşary ýurtlarda hereket edýän diplomatik wekilhanalarynyň we konsullyklarynyň 41-si, şonuň ýalyda, ýurdumyzda akkreditirlenen diplomatik wekilhanalardyr konsullyklaryň we halkara guramalaryň wekilhanalarynyň 46-sy ikitaraplaýyn hem-de köptaraplaýyn hyzmatdaşlygy ösdürmek babatda umumy maksada gönükdirilen işleri alyp barýar.  2022-nji ýylyň dekabrynda hormatly Prezidentimiziň Permany bilen, Türkmenistanyň Katar Döwletinde ilçihanasynyň açylmagy ýurdumyzyň diplomatik gullugynyň «örüsiniň» barha giňelýändigini ýen

2 Mart 2024

Garaşsyzlyk