"Biznes reklama" gazeti

Esaslandyryjysy: Türkmenistanyň söwda we daşary ykdysady aragatnaşyklar ministrligi
Salgysy: Aşgabat şäheri, Bitarap Türkmenistan şaýoly 101/1
Telefon belgileri: 21-97-19, 21-97-61

Gazeti PDF görnüşinde ýükläp almak

Habarlar

Mukaddes Garaşsyzlyk we taryhdaky şöhratly döwletler

(Türkmen halkynyň baý hem-de şöhratly döwletleri we mukaddes Garaşsyzlygymyz barada söhbet) Ata-babalarymyzyň gojaman taryha, dünýä siwilizasiýasyna bagyşlan ençeme döwletleri taryhy, mirasy öwreniji dünýä belli alymlary haýran galdyrýar. Şonuň üçin hem ata-babalarymyz tarapyndan gurlan, ululy-kiçili 70-den gowrak döwletler we olaryň taryhy, baý medeniýetleri meşhur alymlaryň ünsüni hemişe özüne çekýär.

3 Oktýabr 2021

Garaşsyzlyk

Garaşsyz Türkmenistanyň ykdysadyýeti: meýilnamalar we ýetilen sepgitler

Türkmenistanyň ykdysadyýetiniň ösüşi orta we uzakmöhletleýin döwürlere ugrukdyrylan milli we döwlet maksatnamalary esasynda amala aşyrylýar. 2018-2024-nji ýyllarda ýurduň durmuş-ykdysady ösüşi üçin 240 milliarddan gowrak manat ugrukdyrmak göz öňünde tutuldy. Türkmenistan beýleki ýurtlar bilen daşary ykdysady gatnaşyklaryny işjeň ösdürýär. Häzirki wagtda ýurdumyzyň dünýäniň 100-den gowrak döwleti bilen daşary söwda gatnaşyklary bar. Dünýäniň dürli ýurtlary bilen özara peýdaly hyzmatdaşlygy ýola goýmak, ýurduň ykdysadyýetine daşary ýurt maýa goýumlaryny çekmek üçin esasy utgaşdyryjy guraly bolup durýar.

3 Oktýabr 2021

Garaşsyzlyk

Telekeçilerden täze hyzmat

Mukaddes Garaşsyzlygymyzyň 30 ýyllygynyň giňden bellenilýän ýylynda ýurdumyzda hereket edýän onlaýn söwda dükanlarynyň sanawyna ýene biri goşuldy. Ol hem «Parahat» hususy kärhanasy tarapyndan işe girizilen «Ozan» onlaýn söwda dükanydyr. Ol paýtagtymyz Aşgabadyň çäginde we Änew şäherinde dürli görnüşli harytlary eltip bermek hyzmatyny amala aşyrýar. Bu onlaýn dükanda milli öndürijileriň önümleriniň hem-de dünýä belli brendleriň ýüzlerçe görnüşi hödürlenilýär. Onlaýn dükanyň işgärleri harytlaryň hiliniň we ýaramlylyk möhletiniň talabalaýyk bolmagy, müşderileriň göwnünden turmagy ugrunda uly alada edýärler. «Ozanyň» amatly hyzmatlaryndan kompýuterden ýa-da mobil telefonyndan www.ozan.com.tm internet sahypasyna girip, şeýle hem ýörite mobil goşundysyny ýükläp alyp, peýdalanyp bilersiňiz. Sargytlar 30-40 minutyň dowamynda bellenilen salga eltilýär.

3 Oktýabr 2021

Telekeçilik

Türkmenistanyň Döwlet haryt-çig mal biržasy

Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 28-isi hasaba alyndy. Daşary ýurt walýutasyna Türkiýeden, Owganystandan, Gazagystandan, Ukrainadan we Gyrgyz Respublikasyndan gelen işewürler Türkmenbaşydaky nebiti gaýtadan işleýän zawodlar toplumynda öndürilen awiakerosini, A-95 kysymly ulag benzinini we suwuklandyrylan gazy satyn aldylar. Şeýle-de «Ýigit» hojalyk jemgyýetinde öndürilen pomidory hem-de Türkmenistanyň Senagat we gurluşyk önümçiligi ministrliginiň kärhanalarynda öndürilen reňksiz aýna önümleri satyldy. Geleşikleriň jemi bahasy ABŞ-nyň 21 million 218 müň 150 dollaryndan gowrak boldy.

3 Oktýabr 2021

Ykdysadyýet

«Ford Motor» kompaniýasy 4 sany zawod gurar

«Ford Motor» awtoulag kompaniýasy ABŞ-da umumy bahasy ABŞ-nyň 7 milliard dollaryna barabar bolan üç sany kuwwatlandyryjy öndürýän zawod gurmagy meýilleşdirýär. Zawodlaryň biri Tennesi ştatynda, beýleki ikisi bolsa Kentukki ştatynda bina ediler. Akkumulýatorlary öndürmekde «Ford Motor» kompaniýasynyň hyzmatdaşy bolup Koreýa Respublikasynyň batareýa öndüriji «SK Innovation» kompaniýasy çykyş eder. Ol goşmaça ABŞ-nyň 4,4 milliard dollary möçberinde maýa goýum goýar. Şeýlelikde, maýa goýumyň umumy möçberi ABŞ-nyň 11,4 milliard dollaryna barabar bolar. Zawodlaryň dördünjisi «F-Series» elektrik pikaplaryny öndürer. Bu zawodlary 2025-nji ýylda işe girizmek göz öňünde tutulýar. Ýeri gelende aýtsak, elektrikleşdirmek meýilnamasynyň çäginde «Ford Motor» kompaniýasy 2030-njy ýyla çenli ABŞ-nyň 30 milliard dollaryny harçlar.

3 Oktýabr 2021

Tehnologiýa

Ilon Mask ýene-de dünýäniň iň baý adamy boldy

«Tesla» we «SpaceX» kompaniýalarynyň ýolbaşçysy, amerikaly işewür Ilon Mask dünýäniň iň baý adamlarynyň sanawynyň birinjiligini eýeledi. Bu barada geçen hepde «Forbes» žurnaly çap etdi. Neşiriň maglumatlaryna laýyklykda, Maskyň emlägi ABŞ-nyň 203,4 milliard dollaryna barabar boldy. Sanawyň ikinji basgançagynda ABŞ-nyň 197 milliard dollary bilen «Amazon» kompaniýasynyň esaslandyryjysy Jeff Bezos ornaşdy. Ilkinji üçlügi bolsa Fransiýanyň «Louis Vuitton Moet Hennessy» kompaniýalar toplumynyň direktory Bernar Arno jemledi. Onuň baýlygy «Forbes» neşiri tarapyndan ABŞ-nyň 174,9 milliard dollary möçberinde bahalanýar.

3 Oktýabr 2021

Tehnologiýa

Syýahatçylaryň Äleme ikinji uçuşynyň wagty kesgitlendi

Amerikanyň «Blue Origin» hususy kompaniýasy «New Shepard» raketasynda dört syýahatçynyň täze suborbital uçuşyny yglan etdi. Uçuş şu ýylyň 12-nji oktýabrynda amala aşyrylar. Älem gämisinde dört adam uçar. Olaryň biri «Nasa»-nyň öňki inženeri we «Planet Labs»-yň esaslandyryjysy Kris Oşuaýzen, ikinjisi «Dassault Systemes» kompaniýasynda saglygy goraýyş departamentiniň başlygynyň orunbasary we «Medidata» kompaniýasynyň esaslandyryjysy Glen de Wri bolar. Ekipažyň beýleki ikisiniň atlary uçuşyň öňýany yglan ediler. Maglumat üçin, öňki uçuş şu ýylyň 20-nji iýulynda amala aşyrylypdy, oňa dünýäniň iň baý adamlarynyň biri Jeff Bezos hem gatnaşypdy.

3 Oktýabr 2021

Tehnologiýa

Italiýaly fermerler äpet kädi ösdürip ýetişdirdiler

Toskanada geçirilen festiwalda italiýaly fermerler dünýäde iň uly gök önümi — agramy 1226 kilogram bolan kädini görkezdiler. Bu barada çäräniň guramaçysy «Lo Zuccone» medeni bileleşiginiň saýtynda aýdylýar. Rekord gazanan kädini üç günlük «Big Pumpkin Festival» baýramçylygyna getirdiler. Saýtda ýerleşdirilen wideoda äpet kädini ýük göteriji awtoulagyň kömegi bilen otla ýükläpdirler. «Il Messaggro» gazetiniň belleýşi ýaly, munuň ýaly äpet kädini ösdürip ýetişdirmek üçin ýörite çaknyşdyrmalary amala aşyrmaly bolýar. Häzirki wagtda festiwalyň guramaçylary we kädini ösdürip ýetişdiren fermerler rekordlarynyň Ginnesiň rekordlar kitabynyň wekilleri tarapyndan tassyklanmagyna garaşýarlar. Maglumat üçin, öňki rekord 2016-njy ýylda 1190,5 kilogramlyk gök önümi ösdürip ýetişdiren belgiýaly Matias Willeminse degişlidir.

3 Oktýabr 2021

Oba hojalyk

Poeziýa

Bagt düri Bagt duýdansyz gelse, üýtgeşik germiş,

3 Oktýabr 2021

Edebiýat

«Ferrarisini» satan keşişden durmuş sapaklary

Robin Şarma (Başlangyjy gazetimiziň geçen sanlarynda)

3 Oktýabr 2021

Jemgyýet

Baý bolmagy her kim başarar

Said­mu­rod Daw­la­tow Durnukly girdejä tarap 12 ädim

3 Oktýabr 2021

Jemgyýet

Türkmenistanyň Döwlet haryt-çig mal biržasy

Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 30-sy hasaba alyndy. Daşary ýurt walýutasyna Owganystandan, Gazagystandan, Türkiýeden, Russiýa Federasiýasyndan, Azerbaýjandan, Gyrgyzystan Respublikasyndan, BAE-den we Ukrainadan gelen işewürler Türkmenbaşydaky nebiti gaýtadan işleýän zawodlar toplumynda öndürilen gyzdyrylan nebit koksuny, A-95 kysymly ulag benzinini we reňksiz aýna önümlerini satyn aldylar. Türkmenistanyň Senagat we gurluşyk önümçiligi ministrliginiň kärhanalarynda öndürilen reňksiz aýna önümlerini satyn aldylar. Geleşikleriň jemi bahasy ABŞ-nyň 10 million 380 müň 700 dollaryndan gowrak boldy.

28 Sentýabr 2021

Ykdysadyýet

«App­le» kom­pa­ni­ýa­sy iOS 15 tä­ze­len­me­si­ni çy­kar­dy

Geçen hepde «Apple» kompaniýasy her ýylky uly iOS 15 täzelenme programma üpjünçiligini işe goýberdi. Oňa windows, android ulanyjylaryna FaceTime arkaly jaň etmek mümkinçiligi, suratlardaky zatlary has gowy kesgitläp bilýän «emeli akyl» hem-de «fox» tehnologiýalary ýaly, birnäçe täze aýratynlyklar girizilipdir. Täzelenmäni amala aşyrmak üçin, ulanyjylar iPhone, iPad we Apple Watch enjamlarynyň gurnamak bölümine girip, degişli bölümçäni saýlamaly. Maglumat üçin, häzirki wagta çenli hereket edýän iOS 14 täzelenmesi 2020-nji ýylyň 16-njy sentýabrynda işe goýberilipdi.

28 Sentýabr 2021

Tehnologiýa

Türkmenistanyň Halk Maslahatynyň mejlisi

25-nji sentýabrda paýtagtymyzyň Ruhyýet köşgünde Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň mejlisi geçirilip, ol döwletimiziň we jemgyýetimiziň durmuşynda şanly waka öwrüldi. Ata Watanymyzyň Garaşsyzlygynyň şanly 30 ýyllygynyň öň ýanynda geçirilýän maslahatyň gün tertibine özbaşdaklyk ýyllary içinde gazanylan netijeleri jemlemek, durmuş-ykdysady we demokratik özgertmeler ýoly bilen ynamly öňe barýan ýurdumyzy mundan beýläk-de hemmetaraplaýyn ösdürmegiň esasy meselelerini ara alyp maslahatlaşmak girizildi. Halk Maslahatynyň mejlisine Milli Geňeşiň Mejlisiniň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň we pudaklaýyn dolandyryş edaralarynyň ýolbaşçylary, Aşgabat şäheriniň hem-de welaýatlaryň häkimleri gatnaşdylar. Bu ýere ýygnananlaryň hatarynda Milli Geňeşiň Halk Maslahatynyň agzalary we Mejlisiniň deputatlary, paýtagtymyzyň we ýurdumyzyň bäş welaýatynyň wekilleri, hormatly ýaşulular, kümüş saçly eneler, talyp ýaşlar bar.

27 Sentýabr 2021

Syýasat

Döwlet sylagyňyz üçin taňryýalkasyn, Gahryman Arkadagymyz!

26-njy sentýabrda paýtagtymyzda Türkmenistanyň durmuş-ykdysady ösüşine hem-de halkara abraýynyň belende galmagyna goşan ägirt uly şahsy goşantlary üçin halk hojalygynyň dürli pudaklarynyň tapawutlanan işgärlerine, önümçiligiň öňdebaryjylaryna, ministrlikleriň we pudaklaýyn dolandyryş edaralarynyň, düzümleýin guramalaryň işgärlerine döwlet sylaglaryny gowşurmak dabarasy geçirildi. Türkmenistanyň Söwda toplumy boýunça «Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly bilen sylaglananlar:

27 Sentýabr 2021

Garaşsyzlyk

Döwlet sylagyňyz üçin taňryýalkasyn, Gahryman Arkadagymyz!

Agamyrat Myradow, Türkmenistanyň Döwlet haryt-çig mal biržasynyň iş dolandyryş bölüminiň başlygy. Mukaddes Garaşsyzlygymyzyň 30 ýyllyk baýramy mynasybetli hormatly Prezidentimiz dürli pudaklarda zähmet çekýän ildeşlerimizi döwlet sylaglary bilen sylaglady. Şeýle döwlet sylagyna mynasyp bolmak bagty meniň hem paýyma düşdi. Haýsy pudakda, nähili wezipede işleýänligiňe garamazdan, öz ata Watanyňa hyzmat etmek, onuň ösüşlerine bolsa goşant goşup bilmek ynsan üçin uly bagt.

27 Sentýabr 2021

Garaşsyzlyk

Döwlet sylagyňyz üçin taňryýalkasyn, Gahryman Arkadagymyz!

Roza Orazowa, Türkmenistanyň Söwda we daşary ykdysady aragatnaşyklar ministrliginiň «Biznes reklama» gazetiniň mahabat bölüminiň redaktory. Ata Watanymyzyň beýik Garaşsyzlygynyň şanly 30 ýyllyk baýramy, kalbymyzyň baky bahary bolup, bagtyýarlyk zamanamyzyň ajaýyp aýdymynda belende galýar. Berkarar ýurt, belent ykbal, Arkadagly türkmenimden, şöhrat-şany dünýä ykrar ýurdumyz toý lybasynda hasam owadan. Ine, şeýle ajaýyp günde meniň «Watana bolan söýgüsi üçin» medaly bilen sylaglanmagym başymy göge ýetirdi. Şanly toýuň joşgunynda begenjimiň, buýsanjymyň çägi ýok. Bu pursat, ýagny belent döwlet sylagynyň özüme gowşurylmagy meniň ykbalymda iň arzuwly wakalaryň biridir. Çekilen zähmete goýulýan sarpa göwnüňi göterýär, ýene-de zähmet üstünliklerine borçlandyrýar. Ýurdumyzda il-halkyň bähbidine, ýaşaýyş-durmuş derejesiniň barha ýokary derejelere çykmagy üçin alnyp barylýan toplumlaýyn işlerde Gahryman Arkadagymyzyň pähim-parasady, ýadawsyz aladalary jemlenendir.

27 Sentýabr 2021

Garaşsyzlyk

Türkmenistanyň Garaşsyzlygynyň 30 ýyllygy mynasybetli sergi guraldy

Ýakynda Türkmenistanyň Söwda-senagat edarasynyň Sergiler merkezinde mukaddes Garaşsyzlygymyzyň şanly 30 ýyllyk baýramy mynasybetli sergi guraldy. Iki gün dowam eden sergide ýurdumyzyň döwlet we hususy pudagynda öndürilýän önümler görkezildi. Munuň özi bolsa türkmen telekeçileriniň Garaşsyzlyk baýramyny uly toý sowgatlary bilen garşylaýandygynyň aýdyň beýany boldy. Biz talyp ýaşlar hem sergä gatnaşyp, bu ýerdäki hünärmenleriň birnäçesi bilen söhbetdeş bolduk. Maýa Ataýewa, «Türkmenhaly» döwlet birleşiginiň hünärmeni:

27 Sentýabr 2021

Hyzmatdaşlyk

Mu­kad­des Ga­raş­syz­lyk we be­ýik ta­ry­hy eý­ýam­lar

(Türk­men hal­ky­nyň baý hem-de şöh­rat­ly ta­ry­hy­nyň be­ýik ta­ry­hy eý­ýam­la­ry we mu­kad­des Ga­raş­syz­ly­gy­myz ba­ra­da söh­bet) Garaşsyzlyk» diýen düşünje türkmen halky üçin aýratyn mana eýe bolan gymmatly düşünjeleriň biridir. Ol beýik düşünje ähli babatda türkmen halkynyň alnyndan ak gün bolup dogdy. Milli mirasymyz, şanly taryhymyz, baý medeniýetimiz we sungatymyz babatda onuň gaýtaryp beren beýik mukaddesliklerini barmak basyp sanardan köpdür.

26 Sentýabr 2021

Garaşsyzlyk

«SpaceX» il­kin­ji ge­zek sy­ýa­hat­çy­la­ry Äle­me çy­kar­dy

Amerikaly işewür Ilon Maskyň «SpaceX» kompaniýasy taryhda ilkinji gezek diňe syýahatçylardan ybarat ekipažy «Crew Dragon» Älem gämisi arkaly Äleme çykardy. «Falcon 9» raketa-göterijisi Älem gämisi bilen Kanaweral burnunda ýerleşen kosmodromdan uçuryldy we 575 kilometr beýiklige çykaryldy. Gäminiň ekipažy dört adamdan — ýolbaşçysy we hemaýatkäri, milliarder Jared Isaakmandan, barlag geçiriji Sian Proktordan, lukman Heýli Arsenoksdan, şeýle-de uçarman Kristofer Sembroskiden ybarat. Uçuş wagtynda uçarmanlar agyrlyk güýjüniň ýok ýerlerinde ylmy-barlag işlerini geçirdiler.

26 Sentýabr 2021

Tehnologiýa