Türkmen halkynyň Milli Lideri Gahryman Arkadagymyz tarapyndan başy başlanan we Arkadagly Serdarymyz tarapyndan üstünliklere beslenýän Berkarar döwletiň täze eýýamynyň Galkynyşy döwründe beýik akyldarymyz, XVIII asyryň görnükli wekili, dünýä edebiýatynyň altyn hazynasyna giren Magtymguly Pyragynyň gymmatly edebi mirasyny, dünýewi garaýyşlaryny, döwlet-hukuk taglymatlaryny öwrenmek boýunça giň gerimli işler amala aşyrylýar.
Türkmen halkynyň Milli Lideri Gahryman Arkadagymyzyň hormatly Prezidentimiziň tabşyrygy boýunça 4-nji martda amala aşyran iş sapary wagtynda Magtymguly Pyragynyň medeni-seýilgäh toplumynyň çäklerinde ýerine ýetirilýän işler bilen tanyşmagy hem munuň nobatdaky dabaralanmasydyr.
