Türkmen telpekleri halkymyzyň durmuşyna irki döwürlerde ornaşypdyr. Ýurdumyzyň yssy howa şertleri, gyzgyndan goranmak adamlarda oňaýly başgaplary taýýarlamagyň aladasyny etmäge iteripdir. Şeýlelikde, ata-babalarymyz her burmasyndan ekez gamyş geçiribermeli silkme telpekleri taýýarlamagyň aladasy bilen bolupdyrlar.
Eli hünärli pederlerimiz telpek taýýarlamakda duzy mazaly ýetirilen derini eýlemek üçin gatyk ýa-da arpa suwuny ulanypdyrlar. Bu iş birnäçe güne çekip, deriniň ýüzi saýhallanypdyr.
