Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň, Gahryman Arkadagymyzyň baştutanlygynda halkymyzyň müňýyllyklaryň dowamynda toplan durmuş tejribesini, maddy we medeni mirasyny öwrenmek, olary aýawly saklamak işleri uly höwes bilen durmuşa geçirilýär.
Nesilleriň gursagynda halkymyzyň gahrymançylykly durmuş ýoluna çäksiz söýgi döretmek ýaly wajyp meseleleri amala aşyrmak babatda döwletimiz iri halkara guramalar bilen ysnyşykly gatnaşyklary amala aşyrýar. Türkmenistanyň çäklerinde ýerleşýän onlarça taryhy ýadygärlikler ÝUNESKO-nyň Bütindünýä medeni mirasynyň sanawyna girizildi.
