Şu gün, 1-nji noýabrda Mary welaýat häkimliginiň «Bagt köşgi» dabaralar merkezinde «Eneleriň göreldesi – zenanlara ýörelge» atly aýdym-sazly, terbiýeçilik ähmiýetli dabara geçirildi. Türkmenistanyň Zenanlar birleşiginiň Mary welaýat bölümi tarapyndan guralan bu çärä ak saçly eneler, mähriban gelin-gyzlar gatnaşdylar. Onda türkmen halkymyzyň baý taryhy, medeni we edebi mirasy, milli medeniýeti, nepis sungaty, özboluşly däp-dessurlary, ýörelgeleri mynasyp beýanyny tapdy.