Ata-babalarymyz irki döwürlerden bäri perzentlerine halypalardan ak pata alyp, hünär öwrenmekligi ündäpdirler. Halkymyzyň arasynda ussatlardan ak pata alan şägirtleriň işiniň rowaç boljakdygyna ynanylypdyr.
«Görogly» şadessanynda Agaýunus peri Görogla Harmandäliniň ýanyna gidende, Aşyk Aýdyň pirden pata alyp gitmegi maslahat berýär. Görogly beg öz güýjüne ynanyp, ak patasyz ýola düşüp, Harmandäliden ýeňilýär.
