Ata Watanymyzda ýaş nesle terbiýe bermek döwlet syýasatynyň esasy ugurlarynyň biri bolup durýar. Gahryman Arkadagymyz bu barada şeýle belleýär: «Çagalaryna aýratyn söýgi, aýratyn alada bilen garamak, olara özüniň iň gowy zatlaryny bagyş etmek türkmenleriň gadymdan gelýän däpleriniň biridir».
Häzirki wagtda ýurdumyzda çagalar üçin edilýän aladalar özüniň ýokary netijelerini görkezýär. Gymmatly edebi we ebedi mirasymyz bolan çeper edebiýatymyza nazar aýlanymyzda, ömür daragtymyzyň miwesi bolan körpelere bagyşlanan ertekileriň, goşgularyň, powestleriň, basnýalaryň terbiýeçilik gymmatynyň çäksizdiginiň şaýady bolýarys.