Ýaşlara bilim bermegiň hilini ýokarlandyrmak, olary watançylyk ruhunda terbiýelemek, ata Watanymyza, halkymyza, hormatly Prezidentimize wepaly, kämil hünärmenleri ýetişdirmek ýurdumyzyň hünär okuw mekdeplerinde alnyp barylýan okuw-terbiýeçilik, ylmy-önümçilik işleriniň esasy maksadydyr. Olarda okuw we önümçilik tejribelikleriniň netijeli bolmagy ugrunda uly tagalla edilýär.
Okuw meýilnamalaryny ýerine ýetirmek, talyp ýaşlaryň hünär taýýarlygyny ýokarlandyrmak, olaryň nazary okuwlarda alan bilimlerini önümçilik bilen baglanyşdyryp berkitmek maksady bilen, 2021-2022-nji okuw ýylynyň dowamynda-da ýokary okuw mekdebimizde okuw-önümçilik tejribelikleri geçilýär.
