Hormatly Prezidentimiziň: «Dünýä ylmynda döredilen iň täze tehnikalar, tehnologiýalar, dürli enjamlar önümçilige, ylym, bilim ulgamyna giňden ornaşdyrylmalydyr» diýen parasatly sözlerinden ugur alyp, başlangyç synpda tehnologiýalardan döredijilikli peýdalanyp, sapaklarymyzy has täsirli guramak üçin yhlasly zähmet çekýäris. Munuň özi ýaş nesle kämil bilim we edep-terbiýe bermegiň ähli başlangyçlaryny ýokary hilli elektron bilim maglumatlary bilen üpjün etmäge, orta mekdeplerde berilýän bilimiň mazmunyny baýlaşdyrmaga, onuň hilini ýokarlandyrmaga we okatmagyň usulyýetini kämilleşdirmäge ýardam edýär.
Tehnologiýalardan peýdalanyp, sapaklary guramagyň hemişe oňat netije berýändigini tejribeli mugallymlar aýdýarlar. Munuň şeýledigine öz iş tejribämde hem oňat göz ýetirýärin.
