Ne­sil ter­bi­ýe­si mu­kad­des­dir

Bilim
19 Oktýabr 2021
1379

Hor­mat­ly Pre­zi­den­ti­miz ylym-bi­lim ul­gam­la­ry­ny yzy­gi­der ös­dür­mek­de giň müm­kin­çi­lik­le­ri dö­red­ýär. Hä­zir­ki döw­re çen­li ýaş­la­ra döw­re­bap bi­lim, asyl­ly ter­bi­ýe ber­mek işin­de baý tej­ri­be top­la­nyl­dy. Şo­nuň üçin hem jem­gy­ýe­ti­miz sag­dyn, ýaş­la­ry­myz kä­mil ylym-bi­lim­li di­ýip aý­ra­tyn bel­läp bolar. Sag­dyn jem­gy­ýe­tiň esa­sy­ny, el­bet­de, ru­hy we ah­lak gym­mat­lyk­la­ry özün­de jem­le­me­gi ba­şar­ýan kä­mil şah­sy­ýet­ler, ýag­ny ýurt ra­ýat­la­ry düz­ýär. Hor­mat­ly Pre­zi­den­ti­miz: «Türk­me­nis­ta­nyň gül­läp ösü­şi, dur­mu­şy­my­zyň mun­dan beý­läk hem gö­zel­leş­me­gi bi­lim­li, ylym­ly, ukyp­ly ýaş ne­sil­le­re bag­ly­dyr» di­ýip, jem­gy­ýe­ti­mi­ziň ösü­şi­niň yl­ma, bi­li­me bag­ly­dy­gy ba­ra­da anyk kes­git­le­me ber­mek bi­len, şu mö­hüm işi döw­let sy­ýa­sa­ty­nyň iň bir ile­ri tu­tul­ýan ugur­la­ry­nyň bi­ri hök­mün­de kes­git­le­ýär. Tu­ruw­baş­dan ýur­duň ylym-bi­lim ul­ga­my­ny kä­mil­leş­dir­mek, bu ba­bat­da dün­ýä­niň ga­za­nan iň kä­mil usul­la­ry­ny dur­mu­şa giň­den or­naş­dyr­mak bi­len bag­lan­yşyk­ly mö­hüm res­mi­na­ma­lar we wa­jyp mak­sat­na­ma­lar ka­bul edil­di. Şeý­le­lik­de, dün­ýä yl­my­nyň ga­za­nan döw­re­bap usul­la­ry, şo­nuň bi­len hem bir­lik­de hal­ky­my­zyň mil­li me­de­ni­ýe­tin­den göz­baş al­ýan ru­hy-ah­lak gym­mat­lyk­la­ry esa­syn­da ýaş nes­li ter­bi­ýe­le­mek ba­bat­da ama­la aşy­ry­lan öz­gert­me­ler, ga­ra­şy­ly­şy ýa­ly, öz oňyn ne­ti­je­si­ni hem ber­ýär.

Ýaş­la­ra döw­re­bap bi­lim ber­mek üçin il­ki bi­len ola­ryň mil­li, kä­mil ter­bi­ýe al­ma­gy­ny ga­zan­ma­ly. Ter­bi­ýe me­se­le­si iň­ňän jo­gap­kär­li iş­dir. Ne­sil ter­bi­ýe­si diý­len­de, adat­ça, ça­ga­lar ba­gy­na gat­na­ýan kör­pe­ler ýa-da ki­çi ýaş­ly mek­dep okuw­çy­la­ry göz öňü­ňe gel­ýär. Ýö­ne ter­bi­ýe di­ýen dü­şün­jä­niň örü­si örän giň. Ol yn­sa­nyň ýaş aý­ra­tyn­ly­gy­na kän­bir parh hem go­ýup du­ra­nok. Yn­san bü­tin öm­rü­niň do­wa­myn­da ter­bi­ýe mek­de­bin­de tä­lim al­ýar. Kä­mil­li­giň, bi­li­miň çä­gi ýok bol­sa, ter­bi­ýä­niň hem çä­gi ýok­dur. Bu gün­ki ta­lyp — er­tir­ki hü­när­men, er­tir­ki ter­bi­ýe­çi we mu­gal­lym. Ol gel­jek­de ata Wa­ta­ny­my­zyň dür­li pu­dak­la­ryn­da öz ele alan hü­nä­ri bo­ýun­ça zäh­met çek­me­li, bi­lim öw­ret­me­li hem-de ter­bi­ýe ber­me­li, mah­la­sy, jem­gy­ýe­tiň ýa­şa­ýyş-dur­mu­şyn­da iň­ňän mö­hüm orun eýe­le­me­li adam­dyr. Şo­nuň üçin onuň bi­lim­li, giň göz­ýe­tim­li, ösen aň-dü­şün­je­li, öz kä­ri­niň ha­ky­ky eýe­si bol­ma­gy, kä­mil şah­sy­ýet bo­lup ýe­tiş­me­gi ze­rur­dyr.

Päl­wan NUR­ME­DOW,
Türk­men döw­let ma­li­ýe ins­ti­tu­ty­nyň uly mu­gal­ly­my.
Beýleki habarlar