Hormatly Prezidentimiziň taýsyz tagallalary bilen üstünlikli durmuşa geçirilýän giň gerimli bilim özgertmeleriniň baş maksady halkymyzyň müňýyllyklaryň dowamynda kemala gelen milli gymmatlyklaryna laýyk gelýän ýörelgelerini, döwrebap bilim ulgamyny has-da ösdürmäge gönükdirilendir. Eziz Diýarymyzyň ýagty geljegi ýaş nesillerimiziň abadan, ösen durmuşda ýaşamagyny üpjün etmek bilen berk baglanyşyklydyr.
Häzirki zamanyň öňdebaryjy tehnologiýalaryndan oňat baş çykarýan, zähmet bazarynda bäsleşige ukyply, öz öňünde aýdyň maksatlary goýup bilýän we ony üstünlikli amala aşyrmagy başarýan, Watana wepaly, il-halkymyza ýürekden hyzmat etmäge bolan hyjuwdan doly ýokary derejeli hünärmenleri taýýarlamak bu işiň esasy wezipesidir. Bu möhüm wezipäni üstünlikli amala aşyrmak üçin ýurdumyzyň bilim ulgamynyň maddy-enjamlaýyn binýady düýpli ýokarlandyrylýar.