Hormatly Prezidentimiz ýaş nesliň ylymly, bilimli, häzirki zaman tehnologiýalaryndan baş çykarýan ýaşlar bolup ýetişmekleri üçin taýsyz tagallalary edýär. Döwlet derejesinde bilim ulgamyny has-da kämilleşdirmek ugrunda alnyp barylýan işler bu günki gün öz miwesini berýär. Ýaş nesliň döwrebap mekdeplerde okap, bilim almaklary, galyberse-de, dünýä derejesindäki ders olimpiadalaryna gatnaşyp, mähriban Watanymyzyň abraýyny arşa galdyrmaklary hormatly Prezidentimiziň bilim ulgamyny has-da kämilleşdirmek ugrundaky alyp barýan işleriniň netijesidir.
Orta mekdeplerde rus dili dersinden labyzly okuw sapagyny mugallym özüniň bilimine, ukybyna, başarnygyna görä baýlaşdyryp, täsirli bolmagyny gazanyp biler.
