Awtoulagyňyzyň ýa-da öýüňiziň ýitirilen açarlaryny tapyp bileňzokmy? Almaly azyk önümleriňiziň sanawyny ýatdan çykardyňyzmy? Sport zalynda sizi türgenleşdirýän tälimçiňiziň adyny unutdyňyzmy? Diýmek, menem, sizem ýeke däl... Men internet ulgamynda tötänleýin gabat gelen aşakdaky maglumatlary okamazymdan öň dagy, gowşak ýatkeşligimi «melhemsiz derdim» diýibem atlandyrypdym. Aslynda welin, gowşak ýatkeşligimizi däri-dermansyz kämilleşdirmegem, ýatkeşligimizi gowşatmagam özümize bagly eken.
Ýadyň peselmeginiň öňüni almak barada okan maglumatlarymy terjime edip, siz bilenem paýlaşmagy makul bildim.
