Tomsuň ilkinji gününde ýurdumyzyň orta mekdeplerinde gutardyş synaglary başlady. Bu möwsüm ak mekdepden sanlyja günlerden uçurym boljak ýaşlar üçin süýji aladalara beslenýär.
Şu günler hemmeler orta mekdepleriň uçurymlarynyň gözünde gutardyş synaglarynyň süýji ünjüsini görýändir. Çünki bu synaglar olaryň 11 ýylda öwrenenleriniň, özleşdirenleriniň netijesi. Şonuň üçin her bir synaga jogapkärçilikli taýýarlanmak we synag wagtynda ähli bilimini orta goýmak olaryň esasy aladasy.
