Dil ýarasy
Bir gezek aýyny awçy dosty öýüne myhmançylyga çagyrypdyr. Aýynyň daşky keşbini halamadyk öý bikesi bu barada myhmana ýaňzydypdyr. Aýy kemsidiji sözlerden öýkeläp, ol öýi terk edipdir. Bu gelşiksiz wakadan ep-esli wagt geçenden soňra iki dost tokaýda gabatlaşypdyrlar. Şonda aýy dostuna: «Meni urup, kelläme ýara sal!» diýipdir. Awçy hernäçe boýun gaçyrsa-da, aýy özelenip haýyş edipdir. Bolmajagyny bilenden soňra awçy aýa el göterip, ony ýaralapdyr. Mundan ýene biraz wagt geçenden soňra olar tokaýda duşuşypdyrlar. Şonda aýy: «Meniň kelläme nazar aýla! Görseň, maňa salan ýaraň bireýýäm bitendir. Ýöne seniň aýalyň söz bilen salan ýarasy henizem ýüregimde otyr» diýipdir.
