Meniň çagalyk döwrümiň köp bölegi ady şan-şöhrata beslenen türkmeniň beýik akyldary, nusgawy şahyry Magtymguly Pyragynyň waspyny ýetiren jülgeli, dagly, çeşmeli, bagly-bakjaly ýerlerinde, Balkan welaýatynyň Magtymguly etrabynyň Tutlygala, Gerkez we beýleki obalarynda geçdi. Şahyryň goşgularynda taryplap ýazan tebigatynyň gözelligi hakykatdanam şeýle. Bu täsin ýerler, beýikli-pesli, dürli şekilli, reňkli, gowakly daglar, gök öwsüp oturan baýyrlyklar, jeňňellikler Sumbar derýasy bilen ajaýyp gözelligi emele getirýär.
Meniň dana Pyragynyň şol aýak basan ýerleriniň gözelligi barada söz açasym geldi.
