Türkmeniň milli gymmatlyklary halkyň ýüzüniň tuwagydyr. Şol milli gymmatlyklarymyz nesilden-nesle geçirilip gelinýär. Türkmeniň ak öýleri-de milli gymmatlyklarymyzyň biridir. Bilşimiz ýaly, türkmeniň ak öýleri öz taryhyny gadymy döwürlerden alyp gaýdýar. Oguz öýleri şol döwürde tegelek we ýarym tegelek görnüşinde, Aý şekilinde hatar-hatar bolup küren tutup oturypdyrlar. Bu görnüş soňky türkmen obalarynyň keşbinde hem dowam edipdir.
Sökülip-düzülýan ak öýler özünin amatlylygy, gurluşynyň özboluşlylygy bilen beýleki milletleriňkiden tapawutlanýar.
