Merdana ata-babalarymyzyň «Çyn bedewler meýdanynda bellidir» diýen parasatly sözleri arkaly türkmen durmuşynda onuň tutýan orny täsirli beýan edilipdir. Halkymyz bedew atyna söýgüsini mydama kalbynyň töründe saklapdyr. At döwletliligiň nyşany hasaplanypdyr. Türkmenleriň gadymy senenamasynda on iki ýylyň her ýyly biri ýylky ýylydyr. Bu ýyl abadançylygyň, rysgal-berekediň, ösüşiň ýyly hasaplanypdyr. Gadymy döwürden bäri ata-babalarymyz aty bolan öýi döwletli, rysgal-bereketli hasaplapdyr.
Türkmen toýlarynda atly oýunlar toýuň şowhunyny has-da artdyrypdyr. Adamlarda parahat durmuşa, sporta bolan höwesi döredipdir.
