"Güneş" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-68, 38-61-70, 38-61-59
Email: gunesh_tm@sanly.tm

Gazeti PDF görnüşinde ýükläp almak

Habarlar

Har­by tür­gen­ler ýo­ka­ry ne­ti­je­le­re eýe bol­du­lar

«Türkmenistan — parahatçylygyň we ynanyşmagyň Watany» ýylynda ýurdumyzda sporty we bedenterbiýe hereketlerini giňişleýin wagyz etmekde hem-de ony ösen derejä ýetirmekde ähli ulgamlarda uly işler alnyp barylýar. Ýaşlaryň arasynda ýygy-ýygydan geçirilýän sport bäsleşikleri bolsa, aýdanlarymyza aýdyň subutnamadyr. Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynyň harby türgenleri şu ýylyň maý aýynda sportuň ýeňil atletika görnüşi boýunça geçirilen ýaryşlarda, ýokary okuw mekdepleriniň talyp ýaşlarynyň arasynda guralan XII uniwersiadada üstünlikli çykyş edip, baýrakly orunlara mynasyp boldular. Türgenlerimiziň fiziki häsiýetlerini ýüze çykaryp, erjellik bilen gazanan üstünlikleri barada aýdanymyzda, ýeňil atletikanyň uzynlygyna bökmek görnüşi boýunça harby talyp Kerim Abdyýew 2-nji, 4x100 estafeta görnüşi boýunça harby talyplar Allanur Hümmilow, Begenç Beşimow, Nowruz Saburow, Kerim Abdyýew dagy 2-nji, 400 metr aralyga ylgamak boýunça harby talyplar Maksat Saparow 2-nji, Abdyrahman Nurgeldiýew 3-nji orny eýelemegi başardylar.

16 Iýun 2021

Sport

Sporta bolan belent söýgi

Berkarar döwletimiziň bagtyýarlyk döwründe hormatly Prezidentimiziň baştutanlygynda köpçülikleýin bedenterbiýäni, sporty ösdürmäge uly üns berilýär. Gahryman Arkadagymyzyň şahsy göreldesi bilen ýurdumyzda sportuň dürli görnüşleri ýaýbaňlandyrylýar, sagdyn durmuş ýörelgesi alnyp barylýar. Ýaşlary sporta höweslendirmek maksady esasynda sportuň dürli görnüşleri bilen meşgullanmaga ähli şertler döredilýär. Sagdyn bedende sagdyn ruhuň emele gelmegi üçin sport bilen meşgullanmak zerur bolup durýar. Çünki, sport bilen meşgullanýan adam sagdyn hem berk bedenli, ruhubelent bolýar. Ekologiki taýdan arassa, howpsuz ulag hasaplanýan welosipedli gezelenç etmek adamyň saglygy üçin diýseň peýdalydyr. Dürli keselleriň öňüni almakda, ýürek-damar, dem alyş, daýanç-hereket, nerw, immun ulgamlarynyň işini gowulandyrmakda, artyk agramy aýyrmakda peýdalydyr.

16 Iýun 2021

Sport

Önüm­çi­lik maşk­la­ry

Önüm­çi­lik maşk­la­ry — bu işe bo­lan uky­by ýo­kar­lan­dyr­mak, sag­ly­gy ber­kit­mek we ýa­daw­ly­gyň öňü­ni al­mak mak­sa­dy bi­len iş ýe­rin­de ýe­ri­ne ýe­ti­ril­ýän, önüm­çi­li­giň gün ter­ti­bi­ne gi­ri­zi­len maşk­lar top­lu­my­dyr. Önüm­çi­li­giň do­wa­myn­da oňaý­syz tä­sir­le­ri azald­ýan we işe ukyp­ly­ly­gy ýo­kar­lan­dyr­ýan maşk­la­ry zäh­met to­par­la­ry­na gö­rä saý­la­nyl­ýar.Bi­rin­ji zäh­met to­pa­ry­na nerw ul­ga­my­nyň iş­jeň­lik de­re­je­si­ne, gö­rüş ul­ga­my­na ag­ram sal­ýan, az he­re­ket­ler­de uly ün­si ta­lap ed­ýän we bir­meň­zeş iş he­re­ket­li hü­när­le­r, ýag­ny üz­nük­siz önüm­çi­lik ha­ta­ryn­da zäh­met çek­ýän­ler, ope­ra­tor­lar, ti­kin­çi­ler, sort­laý­jy­lar, ow­nuk bö­lek­li önüm­le­ri gap­laý­jy­lar, prog­ram­mist­ler, in­že­ner-teh­no­log­lar, gö­zeg­çi­ler, trans­port-lo­gis­ti­ka hü­när­men­le­ri, äti­ýaç­lan­dy­ryş ul­ga­my­nyň iş­gär­le­ri de­giş­li­dir.Bu maşk­lar ýü­rek-da­mar, dem alyş ul­gam­la­ry­nyň iş­jeň­li­gi­ni ýo­kar­lan­dy­ryp, esa­sy myş­sa to­par­la­ry­ny he­re­ket­len­dir­ýär. Bi­rin­ji zäh­met to­pa­ry­na de­giş­li bo­lan önüm­çi­lik maşk­lar top­lu­my

16 Iýun 2021

Sport

Sagdyn nesil — sagdyn jemgyýet

Sagdyn adam durmuşa, ýaşaýşa höwesli, ruhubelent bolýar. «Sagdyn bedende — sagdyn ruh» ýörelgesi beden we ruhy sagdynlygyň sazlaşygynyň ündewi bolup ýaňlanýar. Bu şygary baýdak edinip, paýtagtymyzda we ýurdumyzyň sebitlerinde dürli sport we medeni çäreler yzygiderli geçirilýär, saglyk bilen bagly wagyz-nesihat işleri alnyp barylýar. Şeýle bolansoň, sagdynlygyň we ruhubelentligiň ýurdy hasaplanýan Türkmenistanda adam saglygy hakdaky alada her bir tutumly başlangyjyň özenini emele getirýär. Il-günümiz «Saglyk bolsa, beglik bolar», «Saglygym — baş baýlygym», «Giň bolsaň, kem bolmaz, saglykdan özge dem bolmaz», «Az iýen tebip gözlemez», «Iýeniň — az, saglygyň — saz», «Ähli zadyň sakasy — saglyk» ýaly parasatly pähimlere uýup, nesillere saglygyň gadyryny bilip ýaşamagy, işlemegi, döretmegi ündäpdir.

16 Iýun 2021

Sport

Çempionlar unudylmaýar

Ýadyňyzdadyr, hormatly Prezidentimiz agyr atletikaçy gyz Ýulduz Jumabaýewa 2018-nji ýyldaky dünýä çempionatynyň altyn medalyny gowşuranda, Altymyrat Orazdurdyýew, Marat Nyýazow ýaly, dünýä meşhur türgenlerimizi uly hormat bilen ýatlady. Milli Liderimiziň aýdyşy ýaly, olaryň sport äleminde gazanan üstünlikleri bu günki nesiller üçin görelde mekdebidir. Ussat türkmen agyr atletikaçysy Altymyrat Orazdurdyýew barada dürli dillerde onlarça makala ýazyldy. Onuň haýsy ýyllarda dünýäniň, haýsy ýyllarda Ýewropanyň, haçan Aziýanyň çempiony bolandygyny, belki, okyjylarymyz bizden has gowy bilýändirler. Şu ýazgylara girişmezden ozal, biz türkmeniň pälwan gerçegi barada ýazylan makalalaryň birnäçesine göz gezdirdik. «Dokuz doganyň biri, alty ogluň iň körpesi», «kakasy aradan çykandan 40 gün geçenden soň dünýä inen», «ilkinji tälimçisi ― öz agasy onuň müçesini kiçi görüp, birbada rugsat bermändir», «1981-nji ýylda agyr atletika bilen ymykly meşgullanyp başlap, bary-ýogy sekiz ýyldan soň dünýäniň çempiony bolan»... Altymyrat Orazdurdyýew baradaky her bir gürrüň bu gün gyzykly erteki ýaly diňlenilýär. Bu gürrüňleriň, ýazylanlaryň içinde bihaly ýok. Şolaryň ählisinden hem Altymyrat Orazdurdyýewiň özüniň türkmendigine bolan belent buýsanjyny duýmak bolýar. Bu türkmen gerçeginde Olimpiýa oýunlarynyň medalyny gazanmaga hem mümkinçilik döräpdir. Käbir sebäplere görä, oňa bu üstünlik

16 Iýun 2021

Sport

Sport. Sport. Sport.

Ussat türgenler ýetişýär Tagtabazar etrabynyň sport we ýaşlar syýasaty bölüminiň sport mekdebinde sportuň 7 görnüşi boýunça tälim berilýär. Sport mekdebinde ussat tälimçi Agzamguly Gurbangeldiýew ýaş woleýbolçy türgenleriň 30-a golaýyna tälim berýär. Mekdebiň ýaş woleýbolçy türgenleri etrap, welaýat boýunça guralýan ýaryşlarda baýrakly orunlary eýeläp gelýärler.

14 Iýun 2021

Sport

Güýçlüler öňe saýlandy

Gökdere jülgesindäki «Bagtyýar nesiller» çagalar dynç alyş-sagaldyş merkezinde sport ýaryşlary geçirildi. «Türkmenistan» Ýaşlar bedenterbiýe-sport guramasynyň welaýat bölüminiň, Türkmenistanyň Magtymguly adyndaky Ýaşlar guramasynyň welaýat Geňeşiniň hem-de Türkmenistanyň Gyzyl Ýarymaý Milli jemgyýetiniň welaýat bölüminiň bilelikdäki meýilnamasy esasynda geçirilen ýaryşlara merkezde dynç alyp, saglygyny berkidýän çagalar gatnaşdy. Mekdep okuwçylarynyň dynç alyş günleriniň manyly we netijeli geçmegini, sagdyn durmuş ýörelgelerine eýermegini gazanmak, sport-sagaldyş hereketlerine bolan höwesini ýokarlandyrmak we sportda tapawutlanýan ýaşlary höweslendirmek maksady bilen geçirilen ýaryşlara gyzyklanma ýokary boldy. Şaşka, futbol, woleýbol, ýeňil atletika ýaly görnüşler boýunça guralan ýaryşlara toparlaryň birnäçesi goşuldy.

10 Iýun 2021

Sport

Türkmen futbolçylarynyň üstünligi

Türkmenistanyň futbol boýunça milli ýygyndysy Dünýä çempionaty — 2022-niň ikinji saýlama tapgyryny ýeňiş bilen tamamlady. Aziýa yklymy boýunça saýlama duşuşyklaryň «H» toparçasynda ýaryşan türkmen futbolçylary düýn — 9-njy iýunda Liwanyň ýygyndysyndan 3:2 hasabynda üstün çykyp, janköýerlerini begendirdi. Ýeri gelende aýtsak, Ýer ýüzüni gurşap alan koronawirus pandemiýasy sebäpli saýlama tapgyryň ahyrky duşuşyklary merkezleşdirilen görnüşde geçirildi. Şeýlelikde, Aziýanyň Futbol konfederasiýasy «H» toparçanyň duşuşyklaryny Koreýa Respublikasynda geçirmek kararyna geldi. Şol karara laýyklykda, türkmen futbolçylary toparçadaky soňky iki duşuşygyny bu döwletde geçirdi. Olaryň ilkinjisinde ýer eýelerinden asgyn gelen ildeşlerimiz ikinji duşuşykda toparçada öňdäki iki ornuň birini eýelän bäsdeşini — Liwanyň ýygyndysyny ýeňmegi başardy. Duşuşykda biziň ýygyndymyzyň pökgülerini 59-njy minutda Zafar Babajanow, 85-nji minutda Güýçmyrat Annagulyýew, goşmaça wagtyň 1-nji minudynda Altymyrat Annadurdyýew geçirdi.

10 Iýun 2021

Sport

Ruhubelentligiň mekany

Gahryman Arkadagymyzyň baştutanlygynda adam we onuň saglygy hakyndaky alada döwlet syýasatynyň esasy ugurlarynyň biri bolup durýar. Ýurdumyzda bedenterbiýäni we sporty ösdürmek, jemgyýetimizde sagdyn durmuş ýörelgelerini ornaşdyrmak babatynda alnyp barylýan ägirt uly işler özüniň oňyn netijelerini berýär. Häzirki döwürde ýurdumyzda Halkara Olimpiýa komiteti we sport federasiýalary bilen ýygjam gatnaşyk alnyp barylýar, sportuň köp görnüşleri, şol sanda welosiped sporty barha uly ösüşlere eýe bolýar. Paýtagtymyz Aşgabadyň gözelligine gözellik goşýan ajaýyp Olimpiýa şäherçesi diňe bir halkymyzyň sagdyn durmuş ýörelgelerine eýerýänliginiň nyşany däl-de, eýsem, halkymyzyň sporta bolan söýgüsiniň hem nyşanydyr. Bu ýerde 2017-nji ýylyň sentýabrynda Ýapyk binalarda we söweş sungaty boýunça V Aziýa oýunlary, 2018-nji ýylyň noýabrynda bolsa Agyr atletika boýunça dünýä çempionaty üstünlikli geçirildi.

9 Iýun 2021

Sport

Eýranly türkmen russiýada ýylyň futbolçysy boldy

«Zenit» futbol klubunyň hüjümçisi, eýranly türkmen Serdar Azmun 2020 — 2021-nji ýylyň möwsüminde Russiýanyň Premýer ligasynyň iň gowy futbolçysy diýlip yglan edildi. Geçirilen ses berlişikde 76 utuk toplan eýranly türkmen ýigidi birinji orny eýeledi. Ol geçen möwsümde topary bilen 24 duşuşyga gatnaşyp, 19 gezek tapawutlanypdy. Şeýle hem bassyr üçünji gezek Russiýanyň çempiony boldy. Ýylyň iň gowy futbolçysyna berlen seslerde 61 utuk bilen ikinji orna «Zenitden» Artýom Dzýuba, 51 utuk bilen üçünji orna «Soçiden» Kristian Noboa mynasyp boldy. Ses berlişige Tinkoff ― RPL-niň baş tälimçileri, kapitanlary, Russiýanyň milli ýygyndysynyň baş tälimçisi Stanislaw Çerçesow we «Matç Premýer» teleýaýlymynyň sport teswirçileri gatnaşdylar.

8 Iýun 2021

Sport

Maradona — dünýä futbolynyň ägirdi

«Futbolyň Mikelanjelosy», «Altyn oglanjyk» diýen lakamlar bilen derejelenen, dünýä futbolynda gaýtalanmajak yz goýmagy başaran argentinaly Diýego Maradona, bilşimiz ýaly, geçen ýylyň noýabrynda, 60 ýaşandan soň kän wagt geçmänkä aradan çykdy. XX asyryň iň güýçli üç futbolçysynyň biri diýlip ykrar edilen, «The Times» gazeti tarapyndan bolsa dünýä çempionatlarynyň taryhyndaky iň güýçli futbolçy diýlip saýlanan dünýä futbolynyň ägirdi Maradona hakynda aýdylanlar okyjylarymyzy biparh goýmaz diýip pikir edýäris. Fransisko Korneho,

7 Iýun 2021

Sport

Ylgaw bäsleşikleri

Balkan sement zawodynyň kärdeşler arkalaşygynyň ilkinji guramasy tarapyndan bu kärhananyň işgärleriniň arasynda 100 metr aralyga ylgamak boýunça geçirilen ýaryşlar sagdyn durmuş ýörelgesine eýerýänleriň barha köpelýändiginiň, sport çäreleriniň ýurdumyzyň ähli ulgamlaryny gurşap alandygynyň özboluşly subutnamasyna öwrüldi. Gyzykly geçen ýaryşyň netijesi boýunça erkekleriň arasynda Annadurdy Garabaýew birinji, Şatlyk Gurbanow ikinji, Akmyrat Salyhberdiýew üçünji orunlary eýelediler.

7 Iýun 2021

Sport

Görlüp-eşidilmedik şertnama

Sportda iň köp gazanç edýän türgenler amerikan futbolynyň wekilleri bolup durýarlar. Sportuň bu görnüşiniň ussatlarynyň biri bolan Patrik Mahoumsyň «Kanzas-Siti Çifs» topary bilen baglaşan şertnamasy hem muňa ikirjiňlenmäge ýer goýmady. 503 million dollara barabar bolan bu şertnama dünýä sportunda iň gymmat bahaly şertnama hökmünde taryha girdi. Amerikanyň milli futbol ligasynyň resmi saýtynda habar berlişi ýaly, Patrik Mahoums diňe bir dünýäniň iň ýokary hak alýan türgeni bolmak bilen çäklenmän, eýsem, amerikan futbolyny oýnaýanlaryň arasynda ýarym milliarddan geçýän möçberde şertnama baglaşan ilkinji oýunçydyr.

7 Iýun 2021

Sport

Konkur barada kelam agyz

Atçylyk sportunyň iň kyn we gyzykly görnüşleriniň biri bolup durýan konkur öz gözbaşyny XIX asyryň 50-nji ýyllaryndan alyp gaýdýar. Şonda Parižde geçen sergileriň birinde ilkinji gezek atlaryň beýiklikden böküp geçmegi boýunça ýaryş guralyp, sportuň bu täze görnüşine «Konkur-tppik» diýen at berilýär. *  *  *

7 Iýun 2021

Sport

«Atasy üç ýaşynda, ogly bazara gider» (Janköýeriň ýazgylaryndan)

«Üzüm» diýýäňizmi?! Belki, şeýledir?! Ylalaşmanam duramok. Ýöne, geliň, bu mataly özüne mahsus ýeňillikli sowallar arkaly çözmäge synanyşalyň! JANLYMY, JANSYZ?!

7 Iýun 2021

Sport

Halkara ýaryşlaryň mekany

Gahryman Arkadagymyzyň halkymyzyň saglygyny berkitmek boýunça amala aşyrýan beýik işleri, ilkinji nobatda, döwletimiziň ýöredýän durmuş syýasatyna, onuň kanunçylyk taýdan üpjün edilişine, lukmançylyk hyzmatlarynyň ugurlaryny kämilleşdirmäge her bir ynsanyň aň-düşünjesine, sagdyn durmuş ýörelgelerini we endiklerini, ruhy hem-de ahlak gymmatlyklaryny kemala getirmäge esaslanýar. Häzirki wagtda ýurdumyzda köpçülikleýin bedenterbiýäniň we sportuň ösdürilmegine, ugurdaş düzümleriň döwrebaplaşdyrylmagyna we giňeldilmegine gönükdirilen maksatnamalar üstünlikli durmuşa geçirilýär. Mähriban Arkadagymyz paýtagtymyzyň çäginde bar bolan sport meýdançalary, stadionlary netijeli peýdalanmak, ýaşyna garamazdan, her bir adamyň, aýratyn-da, ýaşlaryň sportuň dürli görnüşleri bilen meşgullanmaklary üçin zerur mümkinçilikleri üpjün etmegi möhüm wezipeleriň hatarynda kesgitledi. Hut şu belent maksatlardan ugur alnyp, ýurdumyzyň künjekleriniň ählisinde köpsanly desgalar — iri sport we atçylyk sport toplumlary, stadionlar, sport mekdepleri hem-de şypahanalar guruldy. Olar halkara ölçeglerine doly laýyk gelýär.

7 Iýun 2021

Sport

Ýaryş çekeleşikli geçdi

Sarahs etrabyndaky «Döwletabatgazçykaryş» müdirliginde zähmet çekýän ýaşlaryň arasynda «Sagdyn bedende — sagdyn ruh» ady bilen welosiped ýaryşy geçirildi. «Türkmenistan — parahatçylygyň we ynanyşmagyň Watany» ýyly mynasybetli guralan ýaryşa müdirlikde zähmet çekýän ýaşlar gatnaşdy. Şöhratly Garaşsyzlygymyzyň 30 ýyllyk toýuny dabaralandyrmak, ýaşlary sport-sagaldyş hereketlerine, köpçülikleýin bedenterbiýä çekmek hem-de olaryň sporta höweslerini artdyrmak maksady bilen geçirilen ýaryş oňa gatnaşyjylar üçin özboluşly synaga öwrüldi. Olar ýaryşda bellenilen aralygy geçmek bilen, welosiped sportuny özlerine hemra edinendiklerini we bu ugurda barha taplanýandyklaryny görkezdiler.

6 Iýun 2021

Sport

Bütindünýä sport baýramy

Hormatly Prezidentimiziň parasatly başlangyjy bilen, 2018-nji ýylyň 12-nji aprelinde Birleşen Milletler Guramasynyň Baş Assambleýasynyň 72-nji sessiýasynyň 82-nji maslahatynda dünýäniň 56 döwletiniň awtordaşlygynda 3-nji iýun — Bütindünýä welosiped güni hakynda Kararnama (Rezolýusiýa) kabul edildi. Her ýylyň 3-nji iýunynyň Bütindünýä welosiped güni diýlip yglan edilmegi ýurdumyzyň parahatçylygy, dostlugy hem-de netijeli hyzmatdaşlygy pugtalandyrmak baradaky başlangyçlarynyň biragyzdan ykrar edilýändigine şaýatlyk edýär. Bu taryhy waka döwletimiziň halkara abraýynyň artýandygyna, onuň parahatçylyk söýüji, ynsanperwerlik we netijeli hyzmatdaşlyk ýörelgelerine ygrarlydygyny subut edýär. Şol ýylyň 1-nji iýunynda paýtagtymyzyň «Aşgabat» köpugurly stadionynda welosport boýunça geçirilen köpçülikleýin türgenleşik sapagyna 3 müň 246 sany welosiped söýüjileriň gatnaşmagy sportuň bu görnüşi boýunça dünýäde guralan iň köpçülikleýin okuw türgenleşigi hökmünde Ginnesiň Bütindünýä rekordlar kitabynda hasaba alyndy. Şeýle hem, 2019-njy ýylyň 1-nji iýunynda hormatly Prezidentimiziň halkymyza sowgat eden sebitde deňi-taýy bolmadyk Aşgabat Olimpiýa şäherçesiniň töwereginden 2019 sany welosipedçiniň gatnaşmagynda «Iň dowamly — bir nyzamly» welosipedli ýörişi geçirildi hem-de Ginnesiň Bütindünýä rekordlar kitabynda hasaba alyndy. Bu çäreleriň netijesi boýunça degişli şahadatnamalar türkmen

6 Iýun 2021

Sport

Sagdynlygyň we ruhubelentligiň baýramy

3-nji iýunda Türkmenistanda hormatly Prezidentimiz Gurbanguly Berdimuhamedowyň başlangyjy boýunça Birleşen Milletler Guramasynyň Baş Assambleýasynyň Kararnamasy bilen döredilen Bütindünýä welosiped güni giňden bellenildi. Şol gün milli Liderimiz Bütindünýä welosiped güni mynasybetli köpçülikleýin welosipedli ýörişe gatnaşdy.

4 Iýun 2021

Sport

Bagtyýar durmuşyň girewi

Welaýat häkimliginiň, welaýat sport we ýaşlar syýasaty Baş müdirliginiň, «Türkmenistan»  ýaşlar bedenterbiýe-sport guramasynyň welaýat bölüminiň, TMÝG-niň welaýat geňeşiniň, welaýat Polisiýa müdirliginiň bilelikde guramaklarynda Balkanabat nebitçilik orta hünär okuw mekdebiniň talyplarynyň arasynda maslahat geçirildi. Onda çykyş edenler ekologiýa taýdan arassa ulag bolan welosipediň ynsan saglygyna ýetirýän täsiriniň uludygy barada gürrüň etdiler. Welosipediň döreýiş taryhy, ekologiýa taýdan peýdalydygy barada aýdyp, ony sürmegiň adamyň ömrüni uzaldýandygyny, işe ukyplylygyny artdyrýandygyny, şähdini açyp, ruhuny has-da belende göterýändigini nygtadylar. Hormatly Prezidentimiziň döwlet hem-de il-ýurt bähbitli, umumadamzat ähmiýetli möhüm işleriniň örän köpdügine garamazdan, sportuň dürli görnüşleri, şol sanda welosiped sporty bilen meşgullanmaga wagt tapyp, halkymyza nusgalyk görelde bolup durýandygyny bellediler. Türkmen sportunyň hak howandary milli Liderimiziň janynyň sag, başynyň dik bolmagyny, il-halkyň bähbidini nazarlaýan beýik işleriniň üstünliklere beslenmegini arzuw etdiler.

4 Iýun 2021

Sport