Türkmenmetbugat

"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Baharda açylýar ýaşyl maýsalar

21-22-nji martda ýurdumyzda Milli bahar baýramy — Halkara Nowruz güni giňden bellenilýär. Bu günki gün Ahal welaýatynyň Ak bugdaý etrabynyň çägindäki «Nowruz ýaýlasynda» Ahal welaýaty hem-de Aşgabat şäheri boýunça Halkara Nowruz güni mynasybetli baýramçylyk dabaralarynyň geçirilmegi baýramçylygyň şowhunyny goşalandyrýar. Bu gün ýurdumyzyň Balkan, Daşoguz, Lebap we Mary welaýatlary, Arkadag şäherinde «Türkmeniň ak öýi» binalarynyň öňündäki baýramçylyk meýdançalarynda geçirilýän dabaralar bolsa türkmen halkynyň medeni mirasynyň köpöwüşginlilidigine ýene-de bir gezek şaýatlyk edýär. Hormatly Prezidentimiz Serdar Berdimuhamedowyň Milli bahar baýramy - Halkara Nowruz güni mynasybetli türkmen halkyna Gutlagynda nygtaýşy ýaly, Gündogar halklarynyň durmuşynda aýratyn orny eýeleýän Nowruz ynsanperwerligiň, agzybirligiň hem-de dost-doganlygyň baýramydyr. 

21 Mart 2024

Tebigatyň täzeleniş toýy

Ruhy atamyz Magtymguly Pyragynyň «Jahan peýda» şygrynda taryp edilen, älem-jahana «reň kyldyrýan», «bijanlar jana gelýän» Täze gün — Nowruz geldi. Birleşen Milletler Guramasynyň ykrar etmegi bilen, 2010-njy ýyldan bäri halkara baýram hasaplanýan Nowruz halkymyzyň milli baýramy hökmünde hem dabaraly bellenilýär. Luw ýylynyň, «Pähim-paýhas ummany Magtymguly Pyragy» ýylynyň ajaýyp baharyny garşy alan ilimizde bu ýylky Nowruzyň tutumy-da, dabarasy-da uludan. Hormatly Prezidentimiz Serdar Berdimuhamedowyň Milli bahar baýramy mynasybetli türkmen halkyna Gutlagy ildeşlerimiziň toý ruhuny has-da belende göterdi. Pasyllaryň ählisi-de öz ýerinde gerekli hem arzyly. Hemmesine-de taýynlyk görlüp garaşylýar. Olaryň biriniň tamamlanyp, beýlekisine geçileni hemişe äşgär bildirip hem durmaýar, ýöne bahar babatda hemme zat başgaça. Tebigatyň, durmuşyň täzelenişini, ynsan ruhunyň galkynyşyny, duýgularyň terlenip, ýaşaýşa höwesiň artyşyny alamatlandyrýan baharyň garşylanylyşy-da bir başga. Güýz gussaly, sary lybasa bürenen, gyş gelenden soň, reňkleri has-da garyplaşan tebigat birneme ýüreklerimizi gysdyrýarmy ýa gazaby bilen surnukdyrýarmy, garaz, adamlar hiç bir pasla bahara garaşylyşy ýaly garaşmaýarlar. Gijeleri kimin uzak gyşy gysgaltmak, bölüp-bölüp ýeňilräk geçirmek isleýän ýaly, adamlar gyşy garagyş, uly çille, kiçi çille, giçki garagyş ýaly möwsümlere bölýärler.

21 Mart 2024

Magtymguly şaýolundaky «Arkaç»

Waspyny söz bilen beýan edip bolmajak gözelligi öz gözleriň bilen synlamak maslahat berilýär. Ine, ýakynda paýtagtymyzda açylyp, «Pähim-paýhas ummany Magtymguly Pyragy» ýylynyň baharynda Magtymguly şaýoluna özboluşly bezeg beren «Arkaç» söwda-dynç alyş merkezi hakynda söz açylanda hem, ildeşlerimize: «Özüňiz baryp görüň!» diýesiň gelýär. Özi-de bu döwrebap merkeze häzirki Nowruz günlerinde baryp görmegiň täsiri başgaça. Işewürlik merkezli we ýerasty duralgaly bu iri binalar toplumynyň gurluşygyny Türkmenistanyň Senagatçylar we telekeçiler birleşmesiniň agzasy «Ussat» hususy kärhanasy alyp bardy. Birleşmäniň gurluşyk bölüminiň baş hünärmeni Hudaýguly Bugraýew bu barada şeýle gürrüň berdi:

21 Mart 2024

«Täze güni» buşlaýan sene

Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda türkmen halkynyň her bir güni toý-baýramlara beslenýär. Bu gün bolsa türkmen halky asyrlaryň dowamynda uly dabaralar bilen bellenilýän Milli bahar baýramyna — Halkara Nowruz gününe barýar. Nowruz baýramynyň taryhy ähmiýeti barada hormatly Arkadagymyz: «Asyrlaryň jümmüşinden gözbaş alyp gaýdýan Nowruz baýramy täzelenişe we döredijilige, parahatçylykly durmuşa ruhlandyrýar, hoşniýetli goňşuçylygy we birek-birege hormat goýmagy pugtalandyrýar» diýip belleýär. Nowruz baýramynyň döreýiş taryhy örän gyzyklydyr. «Nowruz» sözi «Täze gün» diýmegi aňladýar. Ýagny «now — täze», «ruz — gün» diýmekdir.

20 Mart 2024

Belent sepgitler dowamat-dowam

Mundan iki gün ozal Arkadagly Gahryman Serdarly ýyllarymyzyň üçünjisine gadam goýduk. Döwlet Baştutanymyzyň geçirilen ählihalk saýlawlarynda ýeňiş gazanyp, Türkmenistanyň Prezidenti hökmünde kasam kabul eden şanly senesine 19-njy martda iki ýyl doldy. Şondan bäri bu sene Garaşsyz, baky Bitarap Türkmenistanyň bagtyýar raýatlary hökmünde biziň üçin iň ýakymly, iň şanly günleriň birine öwrüldi. Çünki güneşli Diýarymyzda Gahryman Arkadagymyzyň aýdyň ýoluny, döwletlilik ýörelgesini üstünlikli dowam etdirýän Arkadagly Gahryman Serdarymyzyň ýolbaşçylygynda ýetilen belent sepgitler her birimiziň göwnümizde tagt gurdy. Iki ýyl goja taryh bilen deňeşdirilende uly möhlet däl. Ýöne Arkadagly Gahryman Serdarly ýyllarymyzyň halkymyza, şol sanda dünýä giňişligine bagyşlan eşretleri öz nury bilen asyrlary ýagtyldyp biljek derejede kämil. Bu ýyllara Gahryman Arkadagymyzyň Türkmenistanyň Halk Maslahatynyň Başlygy, Arkadagly Gahryman Serdarymyzyň bolsa Türkmenistanyň Prezidenti hökmünde alyp baran sazlaşykly işleri ýakymyny çaýýar.

20 Mart 2024

Geljek şu günden başlanýar

Galkynyşly döwrümizde maşgala haýyrly, Watana gerekli, ile-güne peýdaly ýaşlary kemala getirmek möhüm mesele bolup durýar. Belent maksatlara ynam bilen ýetmek üçin ata-babalarymyzdan miras galan terbiýe mekdebine daýanylýar. Eždatlarymyz bu möhüm işe heniz perzent dünýä inmänkä girişipdirler. Munuň üçin maşgalada agzybirlik, sagdyn ýaşaýyş berkarar edilipdir. Körpeliginden maşgala mekdebiniň «terbiýeçilik derslerini» geçen çagalar soňy bilen jemgyýetçilik gatnaşyklaryna garylyp-gatyşyp gidipdiler. Bu ýagdaý ýaşlaryň kämil şahsyýetler bolup ýetişmeklerinde ähmiýetli bolupdyr. Çagalara beýik döwrümizde mynasyp bilim-terbiýe bermek, olaryň sagdyn we bagtyýar ösmeklerini gazanmak hormatly Prezidentimiziň üstünlikli amala aşyrýan uly döwlet syýasatynyň esasy ugurlarynyň biridir. Peder ýoluna wepaly Arkadagly Gahryman Serdarymyz ýurdumyzyň geljegi bolan ýaşlary hossarlyk aladasy bilen gurşap alýar. Şu ýylymyzyň bosagasynda döwlet Baştutanymyz halkymyza ýiti zehininden dörän «Ýaşlar — Watanyň daýanjy» atly ilkinji eserini sowgat etdi. Adyndan belli bolşy ýaly, bu ajaýyp kitap ýaşlara, olaryň durmuşyna, şu gününe we geljegine bagyşlanandyr. Hormatly Prezidentimiz çuňňur manyly eseriň eýýäm ilkinji sahypasynda: «Biz ýaşlara Watanymyzyň geljegini gurujylar hökmünde garaýarys. Belent maksatlara ýetmekde ýurdumyzyň ýaş nesillerine aýratyn bil baglaýarys» diýip ýazmak bilen, ýaş nesle bildi

20 Mart 2024

Gözelligiň yşky

Gözelligiň yşky, dünýäň röwşeniNowruz geldi bu bagtyýar Diýara.Nura besläp Ýeriň-Gögüň göwsüniNowruz geldi bu bagtyýar Diýara. Joşlar-siller — gara gyşyň gaýdymy, Sähra-gollar — gözelligiň baýdagy,Bu owazlar alaýazyň aýdymy:— Nowruz geldi bu bagtyýar Diýara.

20 Mart 2024

Nowruzym

Bagtyýar döwürde bagtyýar ileBagt täjini geýip, gel sen, Nowruzym!Şamçyrag şuglaly nurana ýolaÝakymyňy çaýyp, gel sen, Nowruzym! Aksyn rysgal çeşmesiniň bulagy,Sowamasyn toý gazannyň gulagy,Pälwanlar tutluşsyn çyzgap bilegi,Şatlyga beslenip, gel sen, Nowruzym!

20 Mart 2024

Ülkämizde Nowruz bu gün, toý bu gün

Pasly-baharyň gelmegi bilen türkmen tebigaty gaýtadan janlanyp, gök begrese beslendi. Sähra-çöllerimizde, dag-düzlerimizde açylan al-elwan güller gözelligi, müşk-anbar ysy bilen hemmeleri maýyl edýär. Degre-daşymyzyň şeýle ajaýyp keşbe giren çagynda-da ýurdumyzda Milli bahar baýramy — Halkara Nowruz güni uludan toýlanylýar. Bu gün nurana baýramyň ilkinji güni. Güneşli ülkämiziň çar künjeginde bolşy ýaly, Lebap ilinde-de baýramçylyk mynasybetli toý-dabaralara giň gerim berilýär. Ýakyn Gündogar we Merkezi Aziýa ýurtlarynda uly meşhurlyga eýe bolan Nowruz iň gadymy baýramlaryň biridir. Onuň mundan müňlerçe ýyl ozal, baryp Awesta döwürlerinde dörändigine taryhy maglumatlar şaýatlyk edýär. Däp bolup gelşi ýaly, Nowruz gije bilen gündiziň ýazky deňleşýän güni bellenilýär. Iňňän irki döwürlerden biri Aziýa yklymynyň käbir döwletlerinde şol gün täze ýylyň ilkinji güni hasaplanylýar. Gündogaryň meşhur akyldary Abureýhan Biruny «Öten nesilleriň ýadygärlikleri» atly ylmy-pelsepewi eserinde bu barada: «Horasanyň ilaty özleriniň ýylynyň dünýäniň ýaradylan mahalynda başlanandygyny, onuň Ferwerdin aýynyň — ilkinji aýyň Hurmuz güni, haçan-da Günüň älemiň deňagramlylyk nokadynda, asmanyň ortarasynda ýerleşen mahalynda bolandygyny tassyklaýar» diýip belleýär.

20 Mart 2024

Baharyň reňbe-reň röwşi

Çärjew etrabynyň Kölaryk geňeşliginde ýaşap geçen, şol obada ilkinji bolup bägül ösdürip ýetişdiren Rejepgül Hojanepesowa ýaşlygyndan gülleri örän gowy görüpdir. Ol 1977 — 1978-nji ýyllarda howlusynda tages, astra, çigildem ýaly bezeg gülleriniň dürli görnüşini ekmegi ýola goýupdyr. Soňabaka ol güýmenjesiniň gerimini giňeldip, bägül ösdürip ýetişdirmeklige has-da yhlasly çemeleşipdir. Şol döwürler hem edil häzirki ýaly bu ajaýyp gülleriň hyrydary köp bolup, tutuş oba bägül ösdürip ýetişdirmegi makul bilýär. Ýeri gelende belläp geçsek, Kölaryk geňeşliginde iki öýden bir öýüň melleginde bägül ösdürilip ýetişdirilýär. Häzirki wagtda Rejepgül enäniň ogly Myrat we agtygy Abdyrahman bägülleri ýetişdirmegi dowam etdirýärler. Bu işi ymykly ele alan Abdyrahman aga onuň inçe syrlaryny kakasyndan öwrendi. Biz Myrat agalara myhmançylyga baranymyzda, ilki bilen, howlynyň içindäki ýyladyşhanalardaky gözelliklere gözümiz düşdi. Zerewşan güller daş-töwerege gözellik paýlaýar. Olar edil dünýäniň ähli owadanlygyny özlerinde jemlän ýaly ajaýyp.

20 Mart 2024

Enelerimiz üýtgeşik gudratdyr

Eziz Diýarymyzda enelerimize bolan çäksiz söýgi her ädimde duýulýar. Gahryman Arkadagymyz: «Bize her bir sözi mekdep bolan enelerimiz üýtgeşik gudratdyr» diýip belleýär. Hakykatdan-da görelde mekdebine öwrülen enelerimiz dünýä ýylylyk çaýýan mähribanlarymyzdyr. Hojambaz etrabynyň Beşir şäherçesiniň ýaşaýjysy, 97 ýaşy arka atan Akjagül Durdyýewa hem şeýle eneleriň biri hökmünde ildeşlerimiziň arasynda uly hormat-sylagdan paýlydyr. Mährem enäniň 4 ogly, 3 gyzy, 30 agtygy, 77 çowlugy, 8 ýuwlugy bar. Şeýle uly bagta eýe ene häzirki wagtda bagtyýar durmuşyň hözirini görmek bilen, söýüp, söýlüp ýaşaýar.

20 Mart 2024

Ýurdumyzyň eksport mümkinçilikleri artýar

Ýurdumyzda amala aşyrylýan beýik işler «Ata Watanymyzy mundan beýläk-de gülledip ösdürmek biziň baş maksadymyzdyr» diýip nygtaýan hormatly Prezidentimiziň parasatly ýolbaşçylygynda şol belent maksada abraý bilen ýetilýändiginiň aýdyň güwäsi bolup dabaralanýar. Döwletimiziň ykdysady kuwwatyny has-da pugtalandyrmakda, halkymyzyň ýaşaýyş-durmuş derejesini öňküden-de gowulandyrmakda ajaýyp zamanamyzda durmuşa geçirilýän işleriň köp babatda dünýä nusgalykdygy guwandyryjydyr. Şu ýylyň 9-njy fewralynda geçiren Ministrler Kabinetiniň giňişleýin mejlisinde Arkadagly Gahryman Serdarymyz 2023-nji ýylda ýurdumyzda öndürilen önümleriň eksport edilen möçberiniň 11,4 milliard amerikan dollaryna barabar bolandygyny aýratyn belläp geçdi. Bu bolsa döwletimiziň eksport mümkinçilikleriniň giň gerime eýe bolýandygyny görkezip, «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» öňde goýlan wezipeleriň ýokary depginde amala aşyrylýandygynyň kepili bolup durýar.

20 Mart 2024

Dost-doganlyk gatnaşyklary berkeýär

Ajaýyp döwrümizde abraýly sebit we halkara guramalaryň çäklerinde dostluk, hoşniýetli goňşuçylyk, özara bähbitlilik ýörelgelerine esaslanýan hyzmatdaşlyk yzygiderli ösdürilýär. Türkmen halkynyň Milli Lideri Gahryman Arkadagymyzyň başlyklyk etmeginde Aşgabat şäherinde geçirilen Türki Döwletleriň Guramasynyň Aksakgallar geňeşiniň 15-nji mejlisi munuň şeýledigini ýene bir gezek subut etdi. Halklaryň arasynda dost-doganlygy berkitmäge gönükdirilen forumyň ýurdumyzda geçirilmegi halkymyzy çäksiz begendirdi, buýsandyrdy. Munuň özi Garaşsyz, baky Bitarap Türkmenistan döwletimize bildirilen uly hormat hem ynamdyr. Özara netijeli we bähbitli hyzmatdaşlygy giňeltmekde, häzirki zaman jemgyýetini sazlaşykly ösdürmekde, halklaryň arasynda dost-doganlygy pugtalandyrmakda mejlisiň uly ähmiýetiniň bardygyny bellemek gerek. Onda Türki Döwletleriň Guramasynyň Aksakgallar geňeşiniň agzasy Gahryman Arkadagymyzyň eden taryhy çykyşy ýurdumyzyň oňyn garaýyşlary barada boldy. Şonuň ýaly-da, forumyň dowamynda Aksakgallar geňeşiniň işini kämilleşdirmek, Türki Döwletleriň Guramasynyň netijeliligini ýokarlandyrmak we doganlyk ýurtlarymyzyň arasyndaky hyzmatdaşlygy işjeňleşdirmek boýunça pikir alşyldy, köp sanly täzeçil garaýyşlar we anyk başlangyçlar beýan edildi. Bu ynsanperwer garaýyşlardyr başlangyçlar doganlyk halklaryň dostlugynyň, abadançylygynyň we gülläp ösüşiniň hem-de söwda-ykdysady, medeni, yns

20 Mart 2024

Bagtyýarlygyň nurana ýoly Arkadagly Gahryman Serdarymyzyň baştutanlygynda rowaçlyklara beslenýär

Gahryman Arkadagymyzyň başyny başlan taryhy özgertmeleriniň hormatly Prezidentimiz Serdar Berdimuhamedowyň parasatly ýolbaşçylygynda mynasyp dowam etdirilmegi bagtyýarlygyň nurana ýolunda nobatdaky täze üstünlikleriň özboluşly badalgasy boldy. 2022-nji ýylyň 19-njy martynda Türkmenistanyň Prezidenti wezipesine girişen Arkadagly Gahryman Serdarymyzyň amala aşyrýan beýik işleri örän gysga döwrüň içinde halkara ykrarnama eýe boldy. Iki ýylyň içinde gazanylan ägirt uly üstünliklerdir ýetilen belent sepgitler bu hakykaty bütin aýdyňlygy bilen subut edýär. Hormatly Prezidentimiz döwlet başyna geçen ilkinji gününden «Watan diňe halky bilen Watandyr! Döwlet diňe halky bilen döwletdir!» diýen şygary özüniň baş ýörelgesine öwrüp, ýurdumyzy durmuş-ykdysady taýdan ösdürmegi, halkymyzyň ýaşaýyş-durmuş derejesini mundan beýläk-de ýokarlandyrmagy we bütin dünýäde parahatçylygy hem-de özara ynanyşmagy berkitmegi esasy maksat edip goýdy. Şeýlelikde, örän gysga döwrüň içinde dünýäni haýrana goýan asyrlara barabar beýik işler bitirildi.

20 Mart 2024

Nowruz — täzelenişiň baýramy

21-22-nji mart — Milli bahar baýramy Bahar paslynyň gözelligine gözellik goşýan nurana baýram — täze günüň, täze ýylyň başlanýandygyny buşlaýan Nowruz tebigatyň täzeleniş baýramydyr. Merkezi Aziýa, Kawkaz, Ýakyn Gündogar halklarynda müňlerçe ýyllar bäri bellenilýän gadymy baýramlaryň biri bolan Nowruz türkmen halkynyň milli mirasyna, däp-dessuryna siňen we döwlet derejesinde giňden bellenip geçilýän şanly seneleriň biridir.

20 Mart 2024

Gujagy gülli bahar

Bereketli türkmen topragyna ýylyň her bir pasly özboluşly owadanlygy, gaýtalanmajak gözellikleri bilen gelýär. Ýazyň nurana seneleriniň biri bolan Nowruz baýramy hem daş-töweregimizi ýaşyl dona büräp, gül-gülälege besläp, gözel görkli tebigatymyza bolan söýgiňi artdyrýar. Berkarar döwletiň täze eýýamynyň Galkynyşy döwründe Milli bahar baýramyny — Halkara Nowruz gününi halkymyz ýokary ruhubelentlikde şatlyk-şowhun bilen garşy alýar. Ençeme asyrlaryň jümmüşinden biziň günlerimize gelip ýeten, dost-doganlygyň, agzybirligiň, rysgal-berekediň baýramçylygy bolan Milli bahar baýramy adamlara şatlyk eçilýär we gözelligi, hoşniýetliligi, ynsanperwerligi özünde jemleýär.  Ýurdumyzda bellenilýän baýramçylyklaryň ählisi özüne mahsus bolan milli aýratynlyklary bilen tapawutlanýar. Türkmen halkynyň Milli bahar baýramy — Halkara Nowruz güni bilen baglanyşykly däp-dessurlary, toý tagamlary öz gözbaşyny gadymy döwürlerden alyp gaýdýar. Ata-babalarymyzdan miras galan şol däp-dessurlarymyz häzirki döwürde täze many-mazmun, kämil öwüşginler bilen has-da ösdürilýär. Halkymyz Nowruzda däp bolan tagamy — semenini bişirip, baýramçylygy garşylaýar. Adamlar biri-birlerini ýazyň gelmegi hem-de ajaýyp baýram bilen gutlap, ýylyň rysgal-bereketli bolmagyny arzuw edýärler, daýhanlarymyz ýagşy arzuw-niýetler bilen topraga tohum sepip, täze hasylyň düýbüni tutmaga ykjam girişýärler. Bu bolsa Nowruzyň hal

20 Mart 2024

Dünýämizi, durmuşymyzy gözelleşdirýän gün

Gündogar senenamasyna laýyklykda, gyşyň gutaryp, ýazyň başlanýan döwründe bellenilýän Nowruz, rowaýatlara görä, Nuh pygamberiň döwründen bäri meşhurdyr. Gadymy Horezmiň, Marguşyň, Parfiýanyň, Nusaýyň, Dehistanyň ilaty Nowruzy öz döwrüniň iň uly baýramlarynyň biri hökmünde dabaralandyrypdyr. Baýrama taýýarlyk arassaçylyk we serenjam işlerinden başlanypdyr. Öýler abatlanypdyr, tamlaryň daşy suwalypdyr, öýlerde üzärlik tütedilipdir. Oba adamlary ýaşulularyň baştutanlygynda pil, kätmen ýaly zähmet gurallaryny alyp, ýowar edip, köçeleri, meýdanlary arassalapdyrlar, tertibe salypdyrlar, aryklary, ýaplary arçapdyrlar, Oguz hanyň wesýetine eýerip, nahal oturdypdyrlar. Umuman, Nowruzda haýyr işleriň, döwletli tutumlaryň binýady goýlupdyr. Milli bahar baýramynyň — Halkara Nowruz gününiň golaýlaşýan günlerinde hormatly Prezidentimiziň ilkinji bag nahalyny oturtmagy bilen ak pata berlen ählihalk bag ekmek dabarasy ýurdumyzyň durmuşynda uly ähmiýetli wakadyr. Oňa Diýarymyzyň ähli sebitleriniň ýaşaýjylary uly ruhubelentlik bilen gatnaşdylar. Dürli kärlerde zähmet çekýän raýatlardyr talyp ýaşlar baharyň hoştap howasynda, aýdym-sazyň owazy astynda bag nahallaryny oturtdylar.

20 Mart 2024

Beýik işler rowaçlanýar

Milli Liderimiziň we hormatly Prezidentimiziň alyp barýan il-ýurt bähbitli beýik işleri «Pähim-paýhas ummany Magtymguly Pyragy» ýylynda hem uly üstünliklere, rowaçlyklara beslenýär. Bu üstünlikleri, rowaçlyklary täze-täze zähmet ýeňişleri bilen berkitmek üçin ildeşlerimiz yhlasly zähmet çekýärler. Ata Watanymyzyň daýanjy bolan ýaşlara häzirki wagtda uly ynam bildirilýär. Arkadagly Gahryman Serdarymyzyň: «Biziň alyp barýan syýasatymyz beýik maksada — Garaşsyz, Bitarap döwletimizi syýasy, ykdysady, hukuk we medeni taýdan berk binýatly, kuwwatly ýurda öwürmekden, halkymyzy bagtyýar, parahat, bolelin durmuşda ýaşatmakdan ybaratdyr. Agzybir halkymyz, şol sanda mähriban ýaşlarymyz hem ýurdumyzyň syýasy durnuklylygyny, okgunly öňe gitmegini, ähli pudaklaryň sazlaşykly ösüşini üpjün etmäge mynasyp goşantlaryny goşýarlar» diýen sözleri hem munuň aýdyň güwäsidir. ªol esasdan, ýurdumyzyň ykdysady kuwwatynyň has-da pugtalanyp, mundan beýläk-de gülläp ösmeginde türkmen ýaşlaryna uly orun degişli bolup durýar. Ýaşlar ýokary ahlakly, ynsanperwer, watansöýüji, berk bedenli, sagdyn ruhly, saýlap alan hünärleriniň hakyky eýeleri bolup ýetişmegi öz öňlerinde esasy maksat edinýärler. Gahryman Arkadagymyzyň «Döwlet adam üçindir!», Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen parasatly ýörelgeleriniň esasynda ýaş nesilleriň şol maksatlar

20 Mart 2024

Gözellik paýlaýan güller

Zenanlar we güller. Bular biri-birinden owadan. Gözellikde biri-birinden paý alan ýaly. Güllere seretseň, gül kimin näzik zenanlarymyz göz öňüňe gelýär. Hut şonuň üçinem türkmen halky gyzlaryny söýgüläp, olara gül bilen baglanyşykly atlary dakmagy halaýar. Ýazyň, baharyň, sähranyň ajaýyp güllerine meňzedilip, Ýazgül, Bahargül, Gülbahar, Sähragül, Aý ýaly owadan bolmagy arzuw edilip, Aýgül, Aýjemal, gülleriň özüne meňzedilip, Güller, Bägül, Gülälek... ýaly atlaryň dakylmagy munuň hakykatdan üzňe däldigine şaýatlyk edýär. Mundan başga-da, zenanlarymyzyň ýürek arzuwlaryny, yhlasyny siňdirip, hünärli ellerinden çykýan keşdedir nagyşlaryna gül bilen baglanyşykly atlaryň dakylmagy gülüň durmuşdaky ornuna baha bermekde subutnama bolup hyzmat edýär.

20 Mart 2024

Keselden özüňi gora!

Ýurdumyzda raýatlaryň saglygy we sagdyn durmuş ýörelgelerine eýermekleri barada uly aladalar edilýär. Muny durmuşa geçirilýän işlerden hem görmek bolýar.  Her ýylyň 24-nji martynda Bütindünýä inçekesele garşy göreş güni bellenip geçilýär. Bu keseli inçekesel bakteriýalary bolan mikroblar döredýär. Inçekesel adama bu keseli dörediji mikroblaryň ummasyz mukdarynyň bedene uzak wagtyň dowamynda yzygiderli düşüp durmagy netijesinde, şeýle hem bedeniň dürli sebäplere görä gowşan ýagdaýynda döräp biler. Inçekesel mikobakteriýalary beýleki mikroblara garanyňda, kislotalaryň, spirtiň täsirine, şeýle hem yssa, sowuga çydamlydyr. 190 gradus sowukdan 80 gradus gyzgyna çenli çydap bilýär. Emma suwda gaýnadylanda we Gün şöhlesiniň täsirine durnuksyzdyr. Nädogry iýmitlenmek, witamin ýetmezçiligi, sowuklamak, süýji keseli, spirtli içgileri içmek, çilimkeşlik, bedeniň goranyş güýçlerini gowşadýan beýleki sebäpler keseliň döremegine getirýär. Inçekeseliň döremeginiň ilkinji alamatlary adamda artykmaç ýadawlylyk, işdäniň tutulmagy, tiz-tiz derlemek, horlanmak ýaly ýagdaýlar bilen peýda bolýar.

20 Mart 2024

‹
1
2
...
69
70
71
72
73
74
75
...
561
562
›