"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Ze­mi­niň ýa­ra­şy­gy

Bil­şi­miz ýa­ly, 16-njy mart­da hormatly Prezidentimiziň we Milli Liderimiziň gat­naş­ma­gyn­da ýur­du­myz­da äh­li­halk bag ek­mek möw­sü­mi­niň no­bat­da­ky tap­gy­ry­na ba­dal­ga be­ril­di. Köp­çü­lik­le­ýin bag na­hal­la­ry­nyň ekil­me­gi adam­za­dyň dur­mu­şyn­da he­mi­şe wa­jyp ha­sap­la­ny­lyp ge­lin­ýär. Alym­la­ryň hem-de hü­när­men­le­riň tas­syk­la­mak­la­ry­na gö­rä, şä­her­le­riň we beý­le­ki ilat­ly ýer­le­riň tö­we­re­gin­de, ulag ýol­la­ry­nyň ýa­ka­la­ryn­da, şy­pa­ha­na­la­ryň çäk­le­rin­de sa­ýa­ly bag­la­ryň ekil­me­gi daş­ky gur­şa­wyň aras­sa­ly­gy­ny, ho­wa­nyň ha­pa­lan­ma­gy­nyň öňü­niň alyn­ma­gy­ny üp­jün ed­ýär, mu­nuň bol­sa adam­la­ryň sag­ly­gy­na oňyn tä­si­ri­niň ulu­dy­gy öz-özün­den düş­nük­li­dir. Säh­ra gi­ňiş­lik­le­rin­de bag na­hal­la­ry­nyň ekil­me­gi­niň ilat­ly ýer­le­ri ep­gek­den we to­zan­ly ýel­ler­den go­ra­mak­da äh­mi­ýe­ti örän ulu­dyr. Gür bag­la­ryň sil suw­la­ry­nyň tä­si­ri­ni pe­selt­mek­de we umu­man, amat­ly ho­wa gur­şa­wy­ny eme­le ge­tir­mek­de äh­mi­ýet­li­di­gi­ni bel­le­mek ge­rek. Suw aka­ba­la­ry­nyň ke­nar­la­ry­na sa­ýa­ly bag­la­ryň ekil­me­gi top­ra­gy we ke­na­ry ber­kit­mek­de mö­hüm ha­sap­la­nyl­ýar. Ýur­du­my­zyň dag etek­le­rin­de ar­ça­la­ryň ekil­me­gi­ne mö­hüm äh­mi­ýet be­ril­ýär.

23 Mart 2024

Garaşsyzlyk

Bag ek­me­giň so­ga­by

Hä­zir­ki dö­wür­de ýur­du­myz­da eko­lo­gi­ýa ta­lap­la­ryn­dan ugur al­nyp, her bir des­ga­nyň tö­we­re­gi ýa­şyl zo­lak­la­ra, bag­la­ra bü­ren­ýär. To­kaý zo­lak­la­ry­nyň dö­re­dil­me­gi­niň ne­ti­je­sin­de ho­wa­nyň dü­zü­mi hem go­wu­lan­ýar. Gah­ry­man Ar­ka­da­gy­my­zyň bin­ýa­dy­ny go­ýan hem-de Ar­ka­dag­ly Ser­da­ry­my­zyň do­wam et­dir­ýän eko­lo­gi­ýa sy­ýa­sa­ty­nyň öze­nin­de jem­gy­ýe­tiň sag­dyn ösü­şi­ni te­bi­gy gur­şaw bi­len saz­laş­dyr­mak üçin ýur­du­my­zy ba­gy-bos­san­ly­ga öwür­mek ar­ka­ly adam­la­ryň dur­muş şert­le­ri­ni go­wu­lan­dyr­mak, sag­ly­gy­ny go­ra­mak ba­ra­da­ky ala­da­lar dur­ýar. Ber­ka­rar döw­le­tiň tä­ze eý­ýa­my­nyň Galkynyşy döw­rün­de hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da gö­zel te­bi­ga­ty­my­zy go­ra­ma­ga, ýur­du­my­zy ba­gy-bos­san­ly­ga öwür­mä­ge uly äh­mi­ýet be­ril­ýär. Soň­ky ýyl­lar­da paý­tag­ty­myz Aş­ga­bat­da we we­la­ýat­la­ry­myz­da şä­her­le­riň­dir oba­la­ryň gör­kü­ne görk goş­ýan, ho­wa­nyň dü­zü­mi­ni kis­lo­rod bi­len baý­laş­dyr­ýan, yn­san sag­ly­gy­ny ber­kid­ýän agaç­lar köp­çü­lik­le­ýin ekil­ýär. «Ýa­şyl süz­güç» bo­lup hyz­mat ed­ýän bag­la­ryň ho­wa­da­ky to­zan, çaň, tüs­se, gu­rum, zy­ýan­ly gaz­lar ýa­ly dür­li gör­nüş­li ga­lyn­dy­la­ry­ny özün­de sak­lap gal­ýan­dyk­la­ry we zy­ýan­syz­lan­dyr­ýan­dyk­la­ry su­but edi­len­ hakykatdyr.

23 Mart 2024

Garaşsyzlyk

Yl­ham çeş­me­si

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de umu­ma­dam­zat me­de­ni ösü­şi­niň göw­her ga­şy­na öw­rü­len hem-de kök­le­ri müň­ýyl­lyk­la­ra ara­laş­ýan mad­dy we ru­hy gym­mat­lyk­la­ry­my­zy, baý me­de­ni­ýe­ti­mi­zi öw­ren­mä­ge aý­ra­tyn äh­mi­ýet be­ril­ýär. Mu­ny üs­tü­miz­dä­ki ýy­lyň «Pä­him-paý­has um­ma­ny Mag­tym­gu­ly Py­ra­gy» ýy­ly diý­lip yg­lan edil­me­gi hem aň­ry­ýa­ny bi­len tas­syk­la­ýar. Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy my­na­sy­bet­li «Pä­him-paý­has um­ma­ny Mag­tym­gu­ly Py­ra­gy» ýy­lyn­da döw­le­ti­miz­de we da­şa­ry ýurt­lar­da dür­li ugur­ly çä­re­ler has-da da­ba­ra­ly ge­çi­ril­ýär. Köp san­ly mas­la­hat­lar, dö­re­di­ji­lik du­şu­şyk­la­ry­dyr bäs­le­şik­ler, şa­hy­ryň dür­li dil­ler­de ne­şir edi­len ki­tap­la­ry­nyň ta­nyş­dy­ry­lyş da­ba­ra­la­ry, ser­gi­ler, kon­sert­ler, sah­na oýun­la­ry, çe­per we do­ku­men­tal ki­no­film­ler, Mag­tym­gu­ly Py­ra­gy­nyň dur­muş ýo­lu­na, fi­lo­so­fik ga­ra­ýyş­la­ry­na we dö­re­di­ji­lik mi­ra­sy­na ba­gyş­la­nan ki­tap­la­ryň we ýy­gyn­dy­la­ryň ne­şir edil­me­gi bar­ha go­laý­la­ýan baý­ram­çy­ly­ga gaý­ta­lan­ma­jak öwüş­gin çaý­ýar.

23 Mart 2024

Garaşsyzlyk

Welaýatlardan habarlar

Golaýda TKA-nyň Balkan welaýat birleşmesiniň hem-de jemgyýetçilik guramalarynyň bilelikde guramagynda Magtymguly Pyragynyň doglan gününiň 300 ýyllygy mynasybetli «Magtymguly, sözüň bilene sözdür» atly wagyz-nesihat duşuşygy geçirildi. Oňa ylym we bilim ulgamynyň işgärleri gatnaşdylar. Duşuşykda nygtalyşy ýaly, «Pähim-paýhas ummany Magtymguly Pyragy» ýylynda Gündogaryň beýik akyldar şahyrynyň doglan gününiň 300 ýyllygynyň dünýä jemgyýetçiligi bilen bilelikde bellenilmegi buýsançlydyr. Nusgawy şahyrymyz Magtymguly Pyragynyň ölmez-ýitmez döredijiligini arşa götermek ugrunda edýän taýsyz tagallalary üçin Gahryman Arkadagymyza we Arkadagly Gahryman Serdarymyza çäksiz alkyş aýdýarys.

22 Mart 2024

Garaşsyzlyk

Ynsanperwerligiň baýramy

Gahryman Arkadagymyzyň, Arkadagly Gahryman Serdarymyzyň amala aşyrýan il-ýurt bähbitli işleriniň netijesinde Halkara Nowruz güni bu ýyl hem şatlyk-şowhunly dabaralara beslendi. Gözbaşyny gadymy döwürlerden alyp gaýdýan bu baýram Türkmenistanda döwlet derejesinde bellenilýär. Ynsanperwerligi we hoşniýetliligi özünde jemleýän Milli bahar baýramy bu gün müňýyllyklaryň jümmüşinden gözbaş alyp gaýdýan çeşmelerimize dolanyp gelmegiň, gadymy däp-dessurlarymyzy döwrebap ösdürmegiň nyşanyna öwrüldi. Halkymyz bu gadymy baýramy guwanç we buýsanç duýgusy bilen garşy aldy. Älem-jahanyň täze görke girip başlaýan pursadynda bellenilýän bu baýram tebigatyň ynsanlar bilen sazlaşygynyň, gözelligiň, şadyýanlygyň baýramy bolup, kalplara nur çaýýar. Gahryman Arkadagymyzyň, hormatly Prezidentimiziň tagallalary netijesinde Berkarar döwletiň täze eýýamynyň Galkynyşy döwründe Nowruz baýramynyň halkara derejesine eýe bolmagy halkymyzyň ruhuny göterip, ony täze zähmet üstünliklerine ruhlandyrýar.

22 Mart 2024

Garaşsyzlyk

Nowruz gelipdir

Läle-reýhan bolup, dünýä ýaz bolup,Türkmen topragyna Nowruz gelipdir. Seni garşylaýas bagtyýar bolup,Türkmen topragyna Nowruz gelipdir. Açdy gapymyzy täze dogan Gün,Ýaşyl ýaýlalarmyz täzeläp durkun,Toý lybasyn geýip şaýlanýar her kim,Türkmen topragyna Nowruz gelipdir.

22 Mart 2024

Garaşsyzlyk

Şanly senä döredijilik sowgady

19-njy martda hormatly Prezidentimiz Serdar Berdimuhamedowyň wezipä girişmeginiň iki ýyllygy mynasybetli «Aşgabat» aýdym-saz merkezinde sungat ussatlarynyň konserti boldy. Konserte Mejlisiň, Hökümetiň we Halk Maslahatynyň agzalary, ministrlikleriň, pudaklaýyn dolandyryş edaralarynyň, jemgyýetçilik guramalarynyň, Türkmenistandaky diplomatik wekilhanalaryň we halkara guramalaryň ýolbaşçylarydyr wekilleri, il sylagly ýaşulular, ylmy-döredijilik intelligensiýasynyň, ýokary okuw mekdepleriniň, köpçülikleýin habar beriş serişdeleriniň wekilleri, talyplar gatnaşdy.

22 Mart 2024

Garaşsyzlyk

Göwünler gül açdy nurly Nowruzda

«Pähim-paýhas ummany Magtymguly Pyragy» ýylynda ýurdumyzda her bir sene şatlyk-şowhuna, ruhubelentlige beslenýär. Munuň şeýledigini Milli bahar baýramynyň — Halkara Nowruz gününiň dabaralary aýdyňlygy bilen subut etdi. Welaýat we Balkanabat şäher häkimlikleriniň, welaýat medeniýet müdirliginiň, Türkmenistanyň Zenanlar birleşiginiň welaýat bölüminiň bilelikde guramaklarynda «Türkmeniň ak öýi» binasynyň öňündäki meýdançada geçirilen baýramçylyk dabarasy ýokary guramaçylyk derejesine eýe boldy. Uly ruhubelentlige beslenen dabara il sylagly ýaşulularyň, kümüş saçly eneleriň, medeniýet, saglygy goraýyş we bilim ulgamlarynyň işgärleriniň, talyp ýaşlaryň, mekdep okuwçylarynyň we bagtyýar körpeleriň gatnaşmaklarynda baýramçylyk ýörişi bilen başlandy. Türkmeniň altyganat ak öýleriniň hatary, nepis halylar düşelen telärler, olaryň daş-töwereginde guralan dürli mazmunly çäreler bu ýere gelenlere egsilmejek ruhy lezzet paýlady.

22 Mart 2024

Garaşsyzlyk

Dost-doganlygyň, parahatçylygyň we döredijiligiň baýramy

Türkmenistanda Milli bahar baýramy — Halkara Nowruz güni bellenilýär Ahal welaýaty, 21-nji mart (TDH). Türkmen halky Milli bahar baýramy — Halkara Nowruz gününi ýokary ruhubelentlik bilen garşylady. Şu günler ýurdumyzyň ähli künjeklerinde halkymyzyň agzybirligini we jebisligini, asyrlaryň dowamynda kemala gelen paýhasly, özboluşly däp-dessurlara ygrarlylygy alamatlandyrýan dabaralar giňden ýaýbaňlandyrylýar. Nesilden-nesle geçip gelýän bu däpler häzirki wagtda täze mazmuna eýe bolýar.

22 Mart 2024

Garaşsyzlyk

Halklary jebisleşdirýän täze gün

Düýn Milli bahar baýramy — Halkara Nowruz güni mynasybetli Ahal welaýatynyň Ak bugdaý etrabyndaky «Nowruz ýaýlasynda» geçirilen dabaralar ýokary ruhubelentlige, şatlyk-şowhuna beslendi. Baýramçylyk meýdançasynda ýaýbaňlandyrylan folklor-etnografiýa toparlarynyň çykyşlary, belentden ýaňlanan aýdym-sazlar halkymyzyň bagtyýarlygynyň, Watanymyzyň gülläp ösüşleriniň özboluşly beýanyna öwrülip, olarda ata-babalarymyzyň nusgalyk däp-dessurlary öz beýanyny tapdy. Biz hem baýramçylyk dabaralaryna gatnaşan myhmanlar bilen söhbetdeş bolup, olaryň ýurdumyzda Nowruz baýramynyň bellenilişi baradaky gürrüňlerini ýazga geçirdik.

22 Mart 2024

Garaşsyzlyk

Nah ýüplüge isleg uly

Türkmenabadyň pamyk egriji kärhanasynda ýylyň başyndan bäri nah ýüplügiň 929,5 tonnadan gowragy öndürildi. Bu görkeziji fabrikde şu ýylyň geçen iki aýynda önüm öndürmek boýunça meýilnamanyň 104 göterime golaý berjaý edilendigine şaýatlyk edýär. Dünýäniň ösen döwletleriniň häzirki zaman tehnologiýalary ornaşdyrylan kärhanada öndürilýän, taýýar görnüşdäki fiziki agramy bir kilograma barabar bolan nah ýüplügiň 34/1 belgili görnüşi has geçginli önümleriň hatarynda orun alýar. Ol ýokary hilliligi, inçeligi bilen tapawutlanýar. Şeýlelikde, bu görnüşdäki nah ýüplük ýurdumyzyň dokma toplumlary we daşary ýurtly sargytçylar tarapyndan ýokary islegden peýdalanýar. Önümçilik düzüminde nah ýüplügi sargytçylara wagtynda we ýokary hilli taýýarlap, bökdençsiz ýetirmek üçin işçi-hünärmenleriň 150-ä golaýy gije-gündiziň dowamynda üç iş çalşygynda tutanýerli zähmet çekýär. Kärhananyň önümleriniň ýurdumyzyň önüm öndürijilerine hem-de Russiýa Federasiýasyna, Türkiýe we Belarus Respublikalaryna eksport edilmegi önümçilik depgininiň barha ýokarlanmagyna şert döredýär.

22 Mart 2024

Garaşsyzlyk

Sport — saglygyň gözbaşy

Gahryman Arkadagymyzyň ynsan saglygyny goramak, sagdyn durmuş ýörelgelerini jemgyýete giňden ornaşdyrmak, agzybirlikde uly üstünlikleri gazanmak, ynanyşmagy berkitmek babatdaky umumadamzat ähmiýetli taglymatlaryndan gözbaş alýan ýurdumyzyň sport syýasaty parahatçylygyň ilçisi bolup, dünýä dostluk nuruny saçýar. Alym Arkadagymyz «Sport dostluga, saglyga we gözellige tarap ýoldur» atly eserinde:  «Biziň eziz Diýarymyzyň geljegini has-da rowaçlandyrmak hakyndaky düýpli aladalarymyzyň esasynda Watanymyza iňňän uly söýgimiz, tutanýerlilik hem-de maksadaokgunlylyk bilen ýaýbaňlandyran beýik ynsanperwer ýörelgelerimiz bardyr. Şular hem sagdyn durmuşy söýmäge, bagtyýar ýaşaýşy kemala getirmäge, dostluga hem-de agzybirlige gönükdirilen tutumly maksatnamalarymyzy durmuşa geçirmegimiziň esasy şertidir» diýip, dünýäde Ösüş arkaly parahatçylygy gazanmakda sport diplomatiýasynyň ähmiýetini nygtaýar.

21 Mart 2024

Garaşsyzlyk

Garaşsyz, hemişelik Bitarap Türkmenistanyň ähli halkyna

Hormatly adamlar!Gadyrly watandaşlar! Sizi «Pähim-paýhas ummany Magtymguly Pyragy» ýylynda toý-baýramlara beslenip gelen Milli bahar baýramy — Halkara Nowruz güni bilen tüýs ýürekden gutlaýaryn. Milli bahar baýramy mynasybetli geçirilýän baýramçylyk dabaralarynyň watandaşlarymyzy döwletimiziň gülläp ösmegine gönükdirilen belent maksatly işlere galkyndyrjakdygyna, baý medeni mirasymyzy, milli gymmatlyklarymyzy dünýä ýaýmakda möhüm ähmiýete eýe boljakdygyna berk ynanýaryn.

21 Mart 2024

Garaşsyzlyk

Gahryman Serdarym!

“Şu döwrümize, döwranymyza, eşretli eýýamymyza döneýin!” diýip ýöne ýere kän gaýtalaýan däldirin. Sebäbi bu owazda hoşluk bar, joşgun bar, ýaşaýşa uly höwes bar. Bu ajaýyp döwür ykballaradyr, bagtyň daş ýarmasydyr. Ynsan ömründe hiç mahal bolmadyk zamandyr bu. Gadyry-gymmaty, sarpasy-sylagy ýürekleriň töründedir. Bu bagtyýar günleriň bina bolmagynyň sakasynda Milli Liderimiz Gahryman Arkadagymyzyň durandygy ählimize aýan hakykat. Beýik işlere badalga bermek bilen birlikde, olary dowamata ýollamagam bar. Yzyňa eýerjek, ösüşlere täze öwüşgin berjek nesil gerek. Ine, şonda ýurt galkynýar, Haktarapyn ýalkanýar.

21 Mart 2024

Garaşsyzlyk

Aksakgallar Geňeşi — medeni-taryhy nukdaýnazar

Türkmen halkynyň Milli Lideri, Gahryman Arkadagymyzyň hem-de Arkadagly Gahryman Serdarymyzyň yzygiderli tagallalary bilen pajarlap ösýän döwletimiziň halkara, diplomatik gatnaşyklardaky üstünlikleri, ýurdumyzyň syýasy durmuşyndaky wakalar, halkyň hem döwletiň şu günki güni bilen bir hatarda, geçmiş hem geljek bilen baglanyşyklydyr. Bu bolsa syýasy taýdan-da, durmuş-ykdysady, medeni nukdaýnazardan-da örän ähmiýetlidir. Golaýda paýtagtymyzda bolup geçen Türki Döwletleriň Guramasynyň Aksakgallar geňeşiniň 15-nji mejlisinde eden çykyşynda Gahryman Arkadagymyz dürli ugurlar, şol bir wagtda taryh, medeniýet babatda düýpli, wajyp meseleleri gozgady. Bu babatda Gahryman Arkadagymyz Türkiýäniň «TRT Haber» teleýaýlymynyň ýolbaşçysy Ahmet Görmeze beren interwýusynda: «Türki Döwletleriň köpugurly hyzmatdaşlygy taryhy şertler bilen baglydyr. Munuň biziň halklarymyzyň dil, medeni we milli taýdan umumylygy, asyrlaryň dowamynda ykballarynyň baglanyşykly bolandygy bilen kesgitlenendigini men ençeme gezek belläpdim» diýip nygtamagynyň aňyrsynda örän giň geçmiş ummany ýaýylyp ýatandyr. Ýagny kowumdaş halklar bolan türkmen hem-de türki halklarynyň arasyndaky dostluk-doganlygyň, syýasy we medeni gatnaşyklaryň kökleri geçmiş-wagt ummanyna tarap uzalyp gidýär. Taryh halklaryň heňňamlaryň dowamynda geçen ýolunyň aýnasydyr. Türkmen halky bilen beýleki türki halklary özara birleşdirip duran zat bolsa,

21 Mart 2024

Garaşsyzlyk

Bag ekmek — bakylyga goşant

Türkmen halky asyrlaryň dowamynda tebigata aýawly çemeleşmegiň we onuň bilen sazlaşykly ýaşamagyň özboluşly ýörelgelerini kemala getiripdir. Berkarar döwletiň täze eýýamynyň Galkynyşy döwründe amala aşyrylýan ýurdumyzyň ekologiýa syýasaty şeýle asylly ýörelgelere esaslanýar. 16-njy martda hormatly Prezidentimiz Serdar Berdimuhamedowyň gatnaşmagynda Diýarymyzda ählihalk bag ekmek möwsüminiň nobatdaky tapgyryna badalga berlip, onuň dowamynda tutuş ýurdumyz boýunça müňlerçe düýp agaç nahallarynyň ekilmegi hem bu hakykatyň aýdyň şöhlelenmesidir. Ir bilen Magtymguly Pyragy medeni-seýilgäh toplumynyň ýanyna gelende, hormatly Prezidentimizi Mejlisiň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň, daşary döwletleriň we halkara guramalaryň ýurdumyzda işleýän diplomatik wekilhanalarynyň ýolbaşçylary, Aşgabat şäheriniň häkimi hem-de beýleki dabara gatnaşyjylar mähirli garşyladylar. Ýurdumyzyň meşhur artistleriniň, milli saz sungatynyň ussatlarynyň çykyşlary baýramçylyk ýagdaýyny emele getirip, dabara gatnaşyjylarda uly ruhubelentlik döretdi.

21 Mart 2024

Garaşsyzlyk

Ýaşulularyň göreldesi doganlyk halklaryň gymmatly ýörelgesidir

12-nji martda türkmen halkynyň Milli Lideri, Türkmenistanyň Halk Maslahatynyň Başlygy, Türki Döwletleriň Guramasynyň (TDG) Aksakgallar geňeşiniň agzasy Gurbanguly Berdimuhamedowyň başlyklyk etmeginde paýtagtymyzda Türki Döwletleriň Guramasynyň maslahat beriji edarasy bolan Aksakgallar geňeşiniň 15-nji mejlisiniň geçirilmegi bu gurama bilen köpugurly hyzmatdaşlygy ösdürmek meselelerinde Türkmenistanyň işjeň orny eýeleýändiginiň aýdyň beýany boldy. Onuň çäklerinde 11-nji martda kiçi düzümdäki duşuşyk hem guraldy. Türkmen halkynyň Milli Lideri nobatdaky mejlisiň türki döwletleriň arasynda alnyp barylýan syýasy-diplomatik, söwda-ykdysady, medeni-ynsanperwer ugurlardaky gatnaşyklaryň netijeliligini mundan beýläk-de ýokarlandyrmaga ýardam etjekdigine ynam bildirip, onuň hyzmatdaşlygy giň ugurlar boýunça baýlaşdyrmak bilen bagly meseleleri ara alyp maslahatlaşmak hem-de bu babatda pikir-garaýyşlary beýan etmek nukdaýnazaryndan peýdaly boljakdygyny belledi. Soňra mejlisde Türki Döwletleriň Guramasynyň Aksakgallar geňeşiniň başlygy Binali Ýyldyrym çykyş edip, guramanyň Aksakgallar geňeşiniň mejlisiniň ilkinji gezek TDG-de synçynyň derejesine eýe bolan döwletde geçirilýändigini aýtdy. Nygtalyşy ýaly, Türki Döwletleriň Guramasyna agza we synçy ýurtlaryň arasyndaky ysnyşykly hyzmatdaşlyk onuň işine saldamly goşant goşýar.

21 Mart 2024

Garaşsyzlyk

Arkadagly Gahryman Serdarymyz bilen belent maksatly menzillere!

Türkmenistanyň Prezidenti Serdar Berdimuhamedow: — Meniň maksadym Garaşsyzlygymyzyň we Bitaraplygymyzyň binýatlyk esaslaryny has-da kämilleşdirip, ýurdumyzy ynamly öňe alyp gitmekden ybaratdyr.

21 Mart 2024

Garaşsyzlyk

«Arkaç» — halkyň hyzmatynda

17-nji martda paýtagtymyzyň Magtymguly şaýolunyň ugrunda işewürlik merkezli we ýerasty awtoduralgaly «Arkaç» söwda-dynç alyş merkezi açyldy. Täze toplum işewürlik durmuşynyň ýene bir işjeň merkezine, guramaçylykly lomaý we bölek söwda amallarynyň ýerine ýetirilýän künjegine öwrüler. Umumy meýdany 4,7 gektara deň bolan çäkde ýerleşýän işewürlik merkezli we ýerasty awtoduralgaly «Arkaç» söwda-dynç alyş merkezi birnäçe köpugurly desgasy, merkezde ýerleşýän üç gatly binasy bilen bitewi binagärlik sazlaşygyny özünde jemleýär. Bu desgalar «Ussat» golçur kärhanasynyň hünärmenleri tarapyndan häzirki zaman inženerçilik-tehniki çözgütlere laýyklykda, ekologik taýdan arassa gurluşyk serişdelerini ulanmak arkaly guruldy. Toplumyň çäginde ýerleşýän 55 müň 377 inedördül metr meýdany bolan söwda-dynç alyş merkeziniň düzümine köp sanly desgalar, şol sanda harytlaryň we hyzmatlaryň dürli görnüşlerini hödürleýän supermarket girýär. Bu ýerde köp sanly dükanlardan başga-da, oýun meýdançalary, kinozallar, oýun awtomatly çagalar dynç alyş şäherjigi, restoran, kafe, toý mekany we beýlekiler bar.

21 Mart 2024

Garaşsyzlyk

Lebapda Nowruzyň şanyna uludan toý tutuldy

Bahar paslynyň gelmegi bilen türkmen tebigaty gök begrese, al-elwan güllere beslendi. Ynha, şanly ýylymyzyň şu ajap çagynda güneşli ülkämiziň çar künjeginde bolşy ýaly, Lebap ilinde-de Milli bahar baýramy uludan toýlanyldy. Türkmenabat şäheriniň görküne-görk goşup oturan «Türkmeniň ak öýi» binasynyň öňündäki bezemen meýdança welaýatymyz boýunça esasy baýramçylyk dabaralarynyň geçirilýän ýerine öwrüldi. Bu ýerde amaly-haşam sungatynyň, el işleriniň, oba hojalyk önümleriniň sergisi guraldy. Welaýatymyzyň sungat ussatlary ýörite taýýarlanylan konsert bilen çykyş etdiler. Olaryň ýerine ýetiren aýdym-sazlary, joşgunly tanslary Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde ýurdumyzda gazanylýan ösüşleriň, il agzybirliginiň, bosagadan ätläp gelen pasly-baharyň, Halkara Nowruz gününiň waspy bolup ýaňlandy. Welaýatymyzyň folklor toparlary kökleri asyrlaryň jümmüşine uzap gidýän Nowruz baýramy bilen bagly däp-dessurlary, urp-adatlary janlandyryp, tomaşaçylara ruhy lezzet paýladylar.

21 Mart 2024

Garaşsyzlyk