"Balkan" welaýat gazeti

Esaslandyryjysy: Balkan welaýatynyň häkimligi
Salgysy: Balkanabat şäheri, 145-nji ýaşaýyş jaý toplumy, 1
Telefon belgileri: 6-37-06, 6-07-92, 6-07-96
Email: balkan-gazeti@sanly.tm

Gazeti PDF görnüşinde ýükläp almak

Habarlar

Watanymyzyň Garaşsyzlygy — gülläp ösüşleriň kepili

19-njy sentýabrda paýtagtymyzda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi öz işine başlady. Köpugurly gözden geçiriliş «Garagum» myhmanhanasynyň arkasynda gurnalan sergi meýdançasynda ýaýbaňlandyryldy. Döredijilik toparlary, bagşy-sazandalar sergä gatnaşyjylary we myhmanlary berkarar Watanymyzy wasp edýän aýdym-sazly çykyşlar bilen mübäreklediler. Serginiň açylyş dabarasyna Hökümet agzalary, Mejlisiň Başlygy, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň, welaýatlaryň, Aşgabat we Arkadag şäheriniň häkimlikleriniň wekilleri, daşary ýurtlaryň hem-de halkara guramalaryň Türkmenistanda işleýän diplomatik wekilhanalarynyň ýolbaşçylary, jemgyýetçilik birleşikleriniň, köpçülikleýin habar beriş serişdeleriniň, ýurdumyzyň işewür toparlarynyň wekilleri gatnaşdylar.

7 sagat öň

Garaşsyzlyk

Hormatly Prezidentimiziň kabul etmegi

19-njy sentýabrda hormatly Prezidentimiz Serdar Berdimuhamedow Yslam ösüş bankynyň (YÖB) ýolbaşçysy Muhammad Al Jasseri kabul etdi. Döwlet Baştutanymyz Yslam ösüş bankynyň ýolbaşçysyny mähirli mübärekläp, onuň Aşgabada şu gezekki saparynyň dowamynda geçiriljek duşuşyklaryň ikitaraplaýyn ykdysady hyzmatdaşlygy ösdürmek babatda pikir alyşmaga ýardam berjekdigine ynam bildirdi.

7 sagat öň

Syýasat

Oba hojalyk pudagy döwlet syýasatynyň ileri tutulýan ugrudyr

19-njy sentýabrda paýtagtymyzda «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahat hem-de onuň çäklerinde Türkmenistanyň oba hojalyk pudagynda gazanylanlaryň sergisi açyldy. «Ýyldyz» myhmanhanasynda geçirilýän forum Türkmenistanyň, Russiýa Federasiýasynyň, Belarusuň, Gazagystanyň, Gyrgyzystanyň, Özbegistanyň, Täjigistanyň we beýleki döwletleriň ugurdaş ministrlikleriniň, pudaklaýyn dolandyryş edaralarynyň, ylmy-barlag, önümçilik merkezleriniň, Garaşsyz Döwletleriň Arkalaşygynyň Ýerine ýetiriji komitetiniň wekillerini bir ýere jemledi. Forumyň çäklerinde myhmanlar Türkmenistanyň Ylymlar akademiýasynyň Halkara ylmy-tehnologiýa parkynda guralan sergä baryp gördüler. Sergi türkmen oba hojalykçylarynyň üstünliklerini aýdyň şöhlelendirmek bilen, ýurdumyzyň oba hojalyk pudagynyň mümkinçilikleri, importyň ornuny tutýan, eksport ugurly ýokary hilli önümleriň önümçiligi ulgamynda mümkinçilikleri artdyrmak üçin döredilýän şertler bilen tanyşdyrýar. Onda möhüm ähmiýetli oba hojalyk ekinleriniň genofondy, türkmen seçgiçi alymlarynyň irginsiz zähmetiniň miwesi bolup durýan, ýerli toprak-howa şertlerine laýyk gelýän bugdaý tohumlarynyň görnüşleriniň nusgalary bilen hem tanşyp bolýar.

7 sagat öň

Hyzmatdaşlyk

Bildirişler

Türkmenbaşy şäherindäki 14-nji orta mekdep tarapyndan 2019-njy ýylda Farid Zahid ogly Agaýewiň adyna berlen A 1835000 belgili orta bilim hakynda şahadatnamanyň ýitirilendigi habar berilýär.***Türkmenbaşy etrabynyň ýaşaýjysy Durdymämmet Isadurdyýewiç Hakberdiýewiň awtoulagynyň tehniki pasportynyň, AT 6252 BN döwlet belgisiniň, TM 2672754 belgili sürüjilik şahadatnamasynyň ýitirilendigi habar berilýär.***Balkanabat säheriniň Gumdag şäherçesindäki 28-nji orta mekdep tarapyndan 2001-nji ýylda Irina Anwarowna Wasilýewanyň adyna berlen A 0183907 belgili orta bilim hakynda şahadatnamanyň ýitirilendigi habar berilýär.***Türkmenbaşy şäheriniň ýaşaýjysy Telman Mamed ogly Aliýewiň awtoulagynyň tehniki pasportynyň, TM1885427 belgili sürüjilik şahadatnamasynyň ýitirilendigi habar berilýär.***Türkmenistanyň Goranmak ministrliginiň Beýik Saparmyrat Türkmenbaşy adyndaky Harby instituty tarapyndan 2017-nji ýylda Agajan Döwrangulyýewiç Hudaýberdiýewiň adyna berlen Ý 086607 belgili diplomda atasynyň adynyň nädogry ýazylandygy, hasap-synag sanawnamasyndan göçürmesiniň ýitirilendigi habar berilýär.***Balkanabat şäheriniň Uzboý şäherçesindäki 4-nji orta mekdep tarapyndan 1993-nji ýylda Begenç Jumageldiýewiç Sädiýewiň adyna berlen 248994 belgili sekizýyllyk bilim hakynda şahadatnamanyň ýitirilendigi habar berilýär.***Garrygala etrabyndaky 21-nji profess

1 gün öň

Bildirişler, bäsleşikler

Türkmenistanyň Garaşsyzlygynyň 33 ýyllygy mynasybetli guralýan ýurdumyzyň ykdysady üstünlikleriniň sergisine gatnaşyjylara

 Hormatly sergä gatnaşyjylar! Gadyrly myhmanlar! Sizi Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda Türkmenistanyň Garaşsyzlygynyň 33 ýyllygy mynasybetli guralýan ýurdumyzyň ykdysady üstünlikleriniň sergisiniň öz işine başlamagy bilen tüýs ýürekden gutlaýaryn. Bu serginiň Garaşsyzlygyň aýdyň ýolunda ykdysadyýetimiziň gazanýan uly üstünlikleriniň özboluşly görkezijisine öwrüljekdigine, ata Watanymyzyň hemmetaraplaýyn ösüşini giňden ýaýmakda möhüm orny eýelejekdigine berk ynanýaryn.

1 gün öň

Syýasat

Türkmenistanyň oba hojalygynyň gazananlaryna bagyşlanan sergä hem-de «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahata gatnaşyjylara

 Hormatly halkara ylmy maslahata we sergä gatnaşyjylar! Sizi Garaşsyz, hemişelik Bitarap döwletimiziň mukaddes Garaşsyzlygynyň şanly 33 ýyllyk toýunyň öň ýanynda geçirilýän, Türkmenistanyň oba hojalygynyň gazananlaryna bagyşlanan serginiň hem-de «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahatyň öz işine başlamagy bilen tüýs ýürekden gutlaýaryn.

1 gün öň

Syýasat

Türkmenistanyň Prezidenti Serdar Berdimuhamedowyň “Merkezi Aziýa — Germaniýa” formatyndaky ýokary derejeli ikinji duşuşykdaky ÇYKYŞY

(Astana şäheri, 2024-nji ýylyň 17-nji sentýabry) Hormatly jenap Federal Kansler! Hormatly Merkezi Aziýa döwletleriniň Baştutanlary! Hanymlar we jenaplar! Wekiliýetleriň agzalary!

2 gün öň

Syýasat

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky ÇYKYŞY

Eziz watandaşlar! Hormatly adamlar! Gadyrly myhmanlar! Şu gün iki ýurduň durmuşynda taryhy waka bolup geçýär. Bu gün Türkmenistanyň we Owganystanyň özara gatnaşyklarynyň sene ýazgysyna şanly sahypa bolup girer. Biz Arkadagly Gahryman Serdarymyzyň ak patasy bilen ençeme iri möçberli taslamalaryň iş ýüzünde üstünlikli amala aşyrylýandygynyň şaýady bolýarys.

2 gün öň

Syýasat

Gatnaşyklary pugtalandyrmakda täze möhüm tapgyr

17-nji sentýabrda hormatly Prezidentimiz Serdar Berdimuhamedow Merkezi Aziýa döwletleriniň Baştutanlarynyň Germaniýa Federatiw Respublikasynyň Federal Kansleri Olaf Şols bilen Astanada geçirilýän ikinji duşuşygyna gatnaşmak üçin Gazagystan Respublikasyna iş sapary bilen ugrady. Aşgabadyň Halkara howa menzilinde döwlet Baştutanymyzy resmi adamlar ugratdylar.

2 gün öň

Syýasat

Beýik ynam, belent maksat aýdyň ertäň güwäsidir

Halypa şahyrymyz Türkmenistanyň Gahrymany Gözel Şagulyýewa özüniň ajaýyp şygyrlarynyň birinde: «Mert ýigit mert ärden öner, //Hemem ýagty pälden öner» diýende, müň keren mamla. Hormatly Prezidentimiziň peder göreldesine eýerip, ähli ukyp-başarnygyny, zehinini, güýç-gaýratyny halkyna, Watanyna bagyş etmegi il içre nusgalyk maşgalanyň nesilden-nesle geçip, dowam edip gelýän asylly ýörelgeleriniň nobatdaky aýdyň ýüze çykmasyna öwrüldi. Munuň özi ýurdumyzyň raýatlarynyň erk-isleginiň netijesidir. «Ýagşy ogul — il abraýy» diýen pähime eýerýän türkmen halky 2022-nji ýylyň nurana bahar paslynda özüniň mundan beýläkki ykbalyny Arkadagly Gahryman Serdarymyza ynandy. Şol taryhy döwürden bäri geçilen menzil bagtyýar halkymyzyň juda dürs ýoly saýlap alandygyny görkezdi. Gahryman Arkadagymyzyň başyny başlan taryhy özgertmelerini, döreden dünýä nusgalyk ýol-ýörelgesini dowamat-dowam etmegi özüniň baş maksady hökmünde kesgitlän hormatly Prezidentimiz halkyň asuda we abadan durmuşynyň hem-de röwşen geljeginiň bähbidine türkmen döwletiniň gülläp ösmegi üçin turuwbaşdan täze -täze başlangyçlara badalga berdi.

2 gün öň

Garaşsyzlyk

Raýat jemgyýetiniň kämil mekdebi

Halk Maslahaty: demokratiýa, döwletlilik, jebislik Şanly Garaşsyzlygynyň 33 ýyllygyny uly ruhubelentlikde garşylaýan berkarar Watanymyzyň okgunly ösüşini hem-de merdana halkymyzyň ýokary durmuş derejesini üpjün etmek hormatly Prezidentimiz Arkadagly Gahryman Serdarymyzyň döwlet syýasatynyň baş maksadydyr. Türkmen halkynyň Milli Lideri Gahryman Arkadagymyzyň «Döwlet adam üçindir!» diýen baş taglymatynyň mynasyp dowamy bolup, Arkadagly Gahryman Serdarymyz tarapyndan yglan edilen «Watan diňe halky bilen Watandyr! Döwlet diňe halky bilen döwletdir!» diýen esasy ýörelgämiziň çäklerinde üstünliklere beslenýän taryhy tutumlaryň özeninde şeýle asylly maksatlar jemlenendir. Bu döwletli maksadyň hemişe rowaçlyklara beslenmeginde Türkmenistanyň Halk Maslahatynyň orny örän uludyr. Sebäbi halkyň bähbitlerine wekilçilik edýän bu ýokary wekilçilikli edara Berkarar döwletiň täze eýýamynyň Galkynyşy döwrüniň ýurdumyzy durmuş-ykdysady taýdan durnukly ösdürmek boýunça uzak möhletleýin maksatnamalarynda kesgitlenilen wezipeleri amala aşyrmakda jemgyýetçilik pikirini diňlemek hem-de şolar esasynda oňyn çözgütleri kabul etmek ýaly kämil durmuş ýörelgelerine daýanýar. Munuň üçin bu ýokary wekilçilikli edaranyň ýerlerde ýerli wekilçilikli edaralary bolan welaýat, etrap hem-de şäher halk maslahatlary hereket edýär. Ýokary wekilçilikli edaranyň hukuk ýagdaýyny kesgitleýän «Türkmenistanyň H

2 gün öň

Jemgyýet

Halkymyzyň gadymy ýörelgesi dowamat-dowam

Garaşsyz, baky Bitarap Türkmenistan döwletimiz durmuş-ykdysady ösüşiň belentliklerine tarap batly depginde öňe barýar. Ýurdumyzda ýetilen belent sepgitler, taryhy wakalar halkymyzy guwandyryp, ýeňişli menzillere ruhlandyrýar. Gahryman Arkadagymyzyň, Arkadagly Gahryman Serdarymyzyň ata Watanymyzy mundan beýläk-de ösdürmäge gönükdirilen tutumly işleri gün-günden rowaçlanýar. Döwletimiziň ykdysady kuwwaty ýylsaýyn ýokarlanyp, ähli ugurlarda amala aşyrylýan düýpli özgertmeler oňat netijesini berýär. Bilşimiz ýaly, pederlerimiziň döwletlilik ýörelgelerinden ugur alnyp, ýylyň-ýylyna mukaddes Garaşsyzlygymyzyň şanly toýunyň öňüsyrasynda Türkmenistanyň Halk Maslahatynyň mejlisiniň geçirilmegi asylly däbe öwrüldi. Bu döwletli maslahatyň geçirilmegi milli demokratiýamyzyň, asyrlar aşyp gelýän ýol-ýörelgelerimiziň dabaralanmagydyr.

2 gün öň

Jemgyýet

Taryhy ähmiýete eýe bolar

Ösüşlere beslenýän döwrümizde döwletimizi we jemgyýetimizi mundan beýläk-de demokratiýalaşdyrmak, raýatlaryň hukuklaryny, azatlyklaryny goramak, halkymyzyň ýaşaýyş-durmuş derejesini has-da ýokarlandyrmak babatda düýpli özgertmeler amala aşyrylýar. Bu özgertmeler hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen taglymatynyň üstünlikli durmuşa geçirilýändigini görkezýär. Jemgyýetimiziň bitewüligini, agzybirligini we jebisligini, ýurdumyzyň geljekki ösüşleriniň binýadyny berkitmekde Türkmenistanyň Halk Maslahatyna möhüm orun degişlidir. Halk Maslahatynyň işini kadaly alyp barmak üçin onuň hemişelik hereket edýän Prezidiumynyň döredilmegi aýratyn ähmiýetlidir. Prezidium Türkmenistanyň Halk Maslahatynyň mejlislerine taýýarlyk görmek boýunça işi guraýar, onuň mejlisleriniň gün tertibiniň taslamasyna meseleleri girizmek hakynda çözgütleri kabul edýär we öz ygtyýarlyklaryna degişli beýleki meseleleri çözýär.

2 gün öň

Jemgyýet

Galkynyşly gadamlaryň gözbaşynda Garaşsyzlyk

Mukaddes Garaşsyzlygymyzyň şanly 33 ýyllygyna Berkarar döwletiň täze eýýamynyň Galkynyşy döwründe döredýän, gurýan, bedew batly ösüşler bilen okgunly öňe barýan mähriban halkymyz mukaddes ýurt Garaşsyzlygymyzyň şanly toýuny uly dabaralara besläp, mynasyp garşy alýar. Döwlet Garaşsyzlygymyz indi 33 ýyl bäri ösüşdir özgerişlerden doly röwşen ýollarymyza, bagtyýar geljegimize nurly şuglasyny saçýar.

2 gün öň

Garaşsyzlyk

Garaşsyz, Bitarap Türkmenistanym!

At-owazaň älem içre ýaýrandyr,Garaşsyz, Bitarap Türkmenistanym!Ösüşlerňe dünýä ýüzi haýrandyr,Garaşsyz, Bitarap Türkmenistanym! Eziz Watan, sen owadan, görkana,Ýaş nesiller ýaýnaýarlar erkana,Günleriň beslenýär şöhrata-şana,Garaşsyz, Bitarap Türkmenistanym!

2 gün öň

Garaşsyzlyk

Parahatçylyga, hoşniýetli goňşuçylyga gönükdirilen hyzmatdaşlyk

Taryhy ösüşleriň gazanylýan zamanasynda dost-doganlyk gatnaşyklary rowaçlyga beslenip, halkymyzyň köküni asyrlardan alyp gaýdýan hoşniýetli goňşuçylyk ýörelgeleri täze many-mazmuna eýe bolýar. Muny berkarar ýurdumyzyň durmuşyndaky taryhy wakalar bütin aýdyňlygy bilen subut edýär. Dünýä döwletleri bilen dürli ugurlarda ýola goýlan hyzmatdaşlyk gatnaşyklary dost-doganlyk däplerine esaslanmak we halklaryň bähbidinden ugur almak bilen, hyzmatdaşlygyň täze sahypalaryny açýar. Esasynda dost-doganlyk, ynanyşmak we birek-birege hormat goýmak ýörelgeleri bolan gatnaşyklaryň halklaryň dostlaşmagyna hem-de ýurtlaryň gülläp ösmegine şert döredýändigini belläp geçmek gerek. Serhetabat — Turgundy demir ýol geçelgesiniň türkmen-owgan serhedindäki uzynlygy 177 metrlik demir ýol köprüsiniň açylyş, «Şatlyk-1» gaz gysyjy desgasynyň düýbüni tutmak, Türkmenistan — Owganystan — Pakistan — Hindistan transmilli gaz geçirijisiniň taslamasynyň Arkadagyň ak ýoly bilen Serhetabat — Hyrat gaz geçirijisiniň, Serhetabat — Hyrat optiki-süýümli aragatnaşyk geçirijisiniň, «Turgundy» demir ýol bekediniň «gury portunda» ammarlar toplumynyň, Turgundy — Hyrat demir ýolunyň birinji tapgyrynyň Turgundy — Sanabar böleginiň gurluşyk işlerine badalga bermek, Türkmenistan — Owganystan — Pakistan elektrik geçirijisiniň taslamasynyň birinji tapgyryny durmuşa geçirmegiň çäklerinde Owganystanyň Hyrat welaýatynda ýerleşýän «N

2 gün öň

Hyzmatdaşlyk

At-abraýy arşa galýan «akylly» şäher

Ýurdumyzyň bedew batly ösüşler bilen öňe barýandygyna, ykdysady kuwwatynyň gitdigiçe artýandygyna, halkymyzyň ýaşaýyş-durmuş derejesiniň barha ýokarlanýandygyna geçen ýylyň 29-njy iýunynda halkara jemgyýetçilik ýene bir ýola aýdyň göz ýetiripdi. Hemmämize mälim bolşy ýaly, şol şanly günde taryhy waka bolup geçip, kanun esasynda döwlet ähmiýetli şäher diýen aýratyn hukuk derejesine eýe bolan, Gahryman Arkadagymyzyň paýhasy bilen dörän nusgalyk Arkadag şäheriniň medeni-durmuş we beýleki maksatly desgalaryň 336-syny özünde jemleýän birinji tapgyrynyň açylyş dabarasy dünýä ýaň salypdy. Şonda sebitdäki ilkinji «akylly» şäheriň halkara sylaglaryň 21-sine mynasyp bolmagy her birimiziň buýsanjymyza buýsanç goşupdy.  Golaýda Koreýa Respublikasynyň Seul şäherinde geçirilen «World Smart City Expo» atly halkara serginiň çäklerinde Arkadag şäheriniň ýörite baýraklaryň 3-sine mynasyp bolmagy hem mukaddes Garaşsyzlygymyzyň şanly 33 ýyllyk baýramyna ýokary ruhubelentlikde barýan bagtyýar halkymyzyň başyny göge ýetiren şanly waka bolup dabaralandy. Arkadag şäheriniň «Iň tapawutlanan «akylly» şäher», «Daşary ýurt «akylly» şäheri», «World Smart City Expo 2024» halkara sergisine goşan uly goşandy üçin» atly halkara sylaglara mynasyp bolmagy, özem  «Iň tapawutlanan «akylly» şäher» diýen baýrak bilen diňe Arkadag şäheriniň sylaglanmagy aýratyn buýsançlydyr.

2 gün öň

Garaşsyzlyk

Nur çaýýan «Çyrag» çyralary

Telekeçilige giň ýol! Milli ykdysadyýetimiziň hususy pudagynyň wekilleri ýurdumyzda kiçi we orta telekeçiligi ösdürmek, dürli ugurlarda olaryň eýeleýän ornuny yzygiderli giňeltmek babatda döwlet derejesinde edilýän aladalardan, döredilýän oňaýly şertlerden üstünlikli peýdalanýarlar. Munuň özi hususy işewürlerimize eziz Diýarymyzyň baý çig mal serişdelerine, zähmet gorlaryna esaslanýan önümçilikleri döretmekde uly tejribe toplamaga giň mümkinçilikleri döredýär. Haçan-da, Balkanabat şäheriniň Jebel şäherçesindäki senagat zolagynda öz önümçiligini üstünlikli ýola goýmagy başaran «Rysgally nesip» hojalyk jemgyýetiniň ýokary hilli elektrik çyralaryny öndürýän önümhanasynda alnyp barylýan netijeli işler bilen tanyş bolanyňda, şeýle buýsançly hakykata ýene bir ýola anyk göz ýetirýärsiň.

2 gün öň

Telekeçilik

Milli guwanjymyz

Agzybir halkymyz ajaýyp baýramy — mukaddes Garaşsyzlygymyzyň 33 ýyllygyny bellemäge uludan taýýarlyk görýär. Dabarasy has-da uludan tutulýan bu şanly toýy ýokary derejede, mynasyp zähmet sowgatlary bilen garşylamak ýurdumyzyň her bir raýatynyň baş maksadydyr. Şonuň üçinem «Pähim-paýhas ummany Magtymguly Pyragy» ýylynyň üstünliklere beslenýän buýsançly günlerinde önümçiligiň ähli pudaklarynda iş depginleri has-da ýokarlanyp, täze-täze zähmet ýeňişleri gazanylýar. Garaşsyzlyk ýyllary içinde ýurdumyz tanalmaz derejede özgerdi. Garaşsyz, hemişelik Bitarap Türkmenistan döwletimiz türkmen halkynyň Milli Lideri Gahryman Arkadagymyzyň öňdengörüjilikli başlangyçlary bilen gülläp ösüşiň aýdyň ýolunda röwşen geljege ynamly ugur aldy, jemgyýetimiz bütinleý özgerip, halkyň ýaşaýyş-durmuş derejesini ýokarlandyrmaga gönükdirilen il-ýurt bähbitli tutumly işlere badalga berildi. Şeýlelikde, häzirki döwürde durmuşymyzyň ähli ugurlarynda gazanylýan ägirt uly ösüşler dünýäni haýran edýär. Gahryman Arkadagymyzyň başyny başlan taryhy özgertmelerini üstünlikli dowam etdirýän hormatly Prezidentimiz Arkadagly Gahryman Serdarymyzyň ýadawsyz aladalary bilen Berkarar döwletiň täze eýýamynyň Galkynyşy döwründe milli ykdysadyýetimizi durnukly ösdürmek, ýurdumyzyň halkara abraýyny has-da belende götermek we adamlar üçin iň oňat durmuş şertlerini döretmek boýunça durmuşa geçirilýän işler barha rowaçlanýar.

2 gün öň

Garaşsyzlyk

Ykbalyň eçilen bagty

Türkmenistan döwletimiz hormatly Prezidentimiziň parasatly baştutanlygynda ösüşiň täze belentliklerine tarap ynamly öňe barýar. Paýtagtymyzda we ýurdumyzyň welaýatlarynda döwrebap durmuş maksatly binalar, ýaşaýyş jaý toplumlary we dynç alyş merkezleri, seýilgähler gurlup ulanmaga berilýär. Munuň özi ýurdumyzyň binagärlik keşbini gözelleşdirmek bilen birlikde, Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen baş ýörelgesiniň iş ýüzündäki aýdyň beýanydyr. Bir söz bilen aýdylanda, eziz Diýarymyzyň mukaddes Garaşsyzlygyny gazanandan bäri geçilen menzillere, ýetilen sepgitlere nazar aýlanymyzda, asyrlara barabar işleriň amala aşyrylandygyna göz ýetirmek bolýar. Döwlet Garaşsyzlygymyz biziň guwanjymyz hem buýsanjymyzdyr. Berkarar döwletimiziň mizemezliginiň, il-günümiziň agzybirliginiň we abadançylygynyň binýadydyr. Mukaddes Garaşsyzlygymyz ata-babalarymyzyň asyrlarboýy arzuwlan döwletliligini, baky bagtyýarlygyny berkarar etdi, erkana gurmaga, döretmäge aýdyň ýollary açdy. Bu gün her gysym topragy merdana halkymyzyň watansöýüjiligine, gahrymançylygyna, paýhas-parasatyna ýugrulan ata Watanymyzyň ähli ýerinde beýik işleriň rowaçlygy, raýatlarymyzyň bagtyýarlygy höküm sürýär.

2 gün öň

Garaşsyzlyk