"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Hereketiň sazlaşygy — ak ýollaryň ýaraşygy

«Ýol hereketiniň howpsuzlygy — ömrümiziň rahatlygy» atly biraýlygyň çäklerinde Türkmenistanyň Magtymguly adyndaky Ýaşlar guramasynyň welaýat geňeşi welaýat bedenterbiýe we sport baradaky Baş müdirligi, welaýat Polisiýa müdirligi, Balkanabat şäheriniň polisiýa bölümi bilen bilelikde şäherdäki 25-nji orta mekdebiň mejlisler jaýynda  «Hereketiň sazlaşygy — ak ýollaryň ýaraşygy» diýen at  bilen wagyz-nesihat çäresini geçirdi.  Ýaşlaryň, çagalaryň arasynda ýol hereketiniň düzgünlerini wagyz etmek, olaryň bu ugurdaky düşünjelerini kämilleşdirmek maksady bilen geçirilen çärede çykyş edenler ýol hereketiniň düzgünlerini berjaý etmekligiň ynsan saglygyny, ömrüniň rahatlygyny goramakda möhüm ähmiýete eýedigi barada gürrüň etdiler. «Ýollarymyzyň hemişe asuda bolmagy biziň özümize baglydyr. Köçelerde, ýollarda hereket etmegiň düzgünlerini dürli usullardan, tärlerden peýdalanyp, çagalara öwretmegimiziň olaryň asuda, abadan durmuşyny üpjün etmekde mynasyp orny bardyr» diýip, çykyş edenler belläp geçdiler.

18 Sentýabr 2024

Jemgyýet

Wagyz-nesihat çäresi

Türkmenistanyň Demokratik partiýasynyň Gyzylarbat etrap komiteti beýleki jemgyýetçilik guramalary,  etrabyň polisiýa bölümi bilen   bilelikde welaýat maliýe-ykdysady orta hünär okuw mekdebinde okaýan talyplaryň arasynda «Ýollarymyz asuda, illerimiz aman bolsun!» atly wagyz-nesihat çäresini geçirdi. Onda çykyş edenler biraýlygyň dowamynda guralýan wagyz-ündew işleriniň ýollarda howpsuz hereketi üpjün etmekde uly ähmiýete eýedigi, awtoulag sürüjileri bilen bir hatarda, pyýada ýolagçylaryň hem elmydama ünsli bolmaklydyklary, ýol hereketiniň düzgünlerini pugta  berjaý etmelidikleri barada gürrüň etdiler.

18 Sentýabr 2024

Jemgyýet

Ýolyşyk — biziň dostumyz

Sarahs etrabyndaky 13-nji orta mekdepde «Ýolyşyk — biziň dostumyz» ady bilen başlangyç synp mekdep okuwçylarynyň arasynda bäsleşik geçirildi. «Ýol hereketiniň howpsuzlygy — ömrümiziň rahatlygy» atly biraýlyk mynasybetli guralan bäsleşigiň esasy maksady ýaş nesliň ýol hereketiniň düzgün-kadalary boýunça sowatlylygyny ýokarlandyrmakdan we bu babatdaky düşünjesini doly açyp görkezmekden ybarat boldy. Bäsleşigi etrap polisiýa bölüminiň polisiýanyň ýol gözegçiligi bölümçesi, etrabyň bilim bölümi hem-de jemgyýetçilik guramalary bilelikde gurap, oňa etrabyň mekdeplerinden toparlar gatnaşdy. Gyzykly geçen bäsleşik ýol hereketiniň ýaş gözegçileriniň arasyndan iň başarjaň toparlary ýüze çykardy. Şeýlelikde, etrapdaky 21-nji orta mekdebiň topary ýeňiji boldy.

18 Sentýabr 2024

Jemgyýet

Biraýlyga bagyşlanan duşuşyk

Gökdepe etrabynyň Yzgant şäherçesiniň Berdimuhamet Annaýew adyndaky ýöriteleşdirilen 27-nji orta mekdepde «Ýol hereketiniň howpsuzlygy — ömrümiziň rahatlygy» atly biraýlygyň çäginde «Ýolumyz asuda — ilimiz abadan» ady bilen wagyz-nesihat duşuşygy geçirildi. Ony Türkmenistanyň Magtymguly adyndaky Ýaşlar guramasynyň welaýat we Gökdepe etrap Geňeşleri, beýleki jemgyýetçilik guramalary, Gökdepe etrap polisiýa bölüminiň polisiýanyň ýol gözegçiligi bölümçesi bilelikde gurady. Mekdep okuwçylarynyň arasynda geçirilen duşuşykda çykyş edenler hormatly Prezidentimiziň başlangyjy boýunça ýurdumyzda yglan edilen «Ýol hereketiniň howpsuzlygy — ömrümiziň rahatlygy» atly biraýlygyň çäginde alnyp barylýan çäreler we olaryň ähmiýeti dogrusynda giňişleýin gürrüň etdiler, okuwçy ýaşlara köçe-ýol hereketiniň kadalaryny, ýoldan geçmegiň düzgünlerini giňişleýin düşündirdiler.

18 Sentýabr 2024

Jemgyýet

Garaşsyzlygyň saýrak bilbilleri

Kaka etrabyndaky 10-njy çagalar bagynda “Garaşsyzlygyň saýrak bilbilleri” atly aýdym-saz bäsleşigi geçirildi. Watanymyzyň mukaddes Garaşsyzlygynyň 33 ýyllyk şanly baýramy mynasybetli geçirilen bäsleşige etrapdaky çagalar baglaryndan mekdebe taýýarlaýyş toparlarynyň körpelerinden düzülen toparlar gatnaşdy. Aýdym-saz sungatyna höwesli, ruhubelent, giň dünýägaraýyşly çagalary ýüze çykarmak, olaryň milli mirasymyza söýgüsini artdyrmak, şeýle-de ýurdumyzyň naýbaşy toýuny dabaralandyrmak maksady bilen geçirilen bäsleşik örän täsirleri döretdi. Onuň şertlerine laýyklykda, körpeler gözel Watanymyzy, bagtyýar çagalygy wasp edýän aýdym-sazlary, tanslary ýerine ýetirdiler. Etrap bilim bölümi hem-de ylym we bilim işgärleriniň kärdeşler arkalaşygynyň etrap Geňeşi tarapyndan guralan bäsleşikde 5-nji çagalar bagynyň folklor topary ýeňiji boldy.

18 Sentýabr 2024

Jemgyýet

Ýol hereketiniň howpsuzlygyny berjaý edeliň!

Türkmenistanyň Kärdeşler arkalaşyklarynyň Kaka etrap birleşmesiniň, etrap bilim bölüminiň, Ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda etrapdaky 17-nji orta mekdepde wagyz-nesihat duşuşygy geçirildi. “Ýol hereketiniň howpsuzlygyny berjaý edeliň!” ady bilen geçen duşuşykda ynsan ömrüne we saglygyna howp salyp biljek ýol-ulag hadysalarynyň döremezligi, ýol-ulag hadysalaryndan bolýan heläkçilikleriň öňüni almak, ýolda ýöräniňde seresap bolmak barada giňişleýin gürrüň edildi. “Ýol hereketiniň howpsuzlygy—ömrümiziň rahatlygy” atly biraýlyga bagyşlanan duşuşykda okuwçy ýaşlara ýol hereketiniň düzgün-kadalaryna eýermek boýunça gymmatly maslahatlar berildi. Duşuşyga gatnaşanlar hormatly Prezidentimiziň, Gahryman Arkadagymyzyň döwletli tutumlaryna rowaçlyklary arzuw etdiler.

18 Sentýabr 2024

Jemgyýet

Syrly dünýä

Türkmen zenanlarynyň syrly dünýäsiniň açaryny el halysyndan gözleseň bolar. Ene-mamalarymyzyň çeper elleriniň başarnygy bilen dörän türkmen halylarynda okalmadyk syrlar kän. Gahryman Arkadagymyz: «Asyrlaryň dowamynda türkmen halysyna «Syrlardan dokalan gözellik» diýip at beripdirler» diýýär. Milli Liderimiziň «Janly rowaýat», «Arşyň nepisligi» ýaly ajaýyp eserlerini okanyňda, gadymy oguz zenanlarynyň haly nagyşlarynyň arasynda gizlän syrlarynyň üstünden barýarsyň. Halynyň syrly nagyşlarynda ene-mamalarymyzyň köňül arzuwlary bilen birlikde, Oguz han atamyzyň tagmalaryny, nyşanlaryny, aw guşlarynyň şekilini görmek bolýar. Asyrlar aşan gadymy nusgalar biziň günlerimize çenli gelip ýetip, Döwlet baýdagymyzyň ýüzündäki bäş sany haly gölüniň nagyşlarynda hem Oguz han atamyzyň öz milletine sargyt eden nyşanlarynyň birnäçesi bar. Ýeri gelende bellesek, «Pähim-paýhas ummany Magtymguly Pyragy» ýylynda paýtagtymyzda geçirilen «Türkmen-hytaý zenanlarynyň dünýäsi» atly maslahatda guralan amaly-haşam sungatynyň we muzeý gymmatlyklarynyň sergisinde ýüpek halylaryň bölümindäki Pazyryk halysy hemmäniň ünsüni özüne çekdi. Tapylanyna iki asyr geçen Pazyryk halysy dünýäde iň gadymy haly nusgalarynyň biri. Onuň asyl nusgasy Altaý daglarynyň baýyrlaryndan tapylýar. Bu täsin tapyndy dünýäniň alymlarynda, arheologlarynda, taryhçylarynda, syýahatçylarynda, ýazyjydyr žurnalistlerinde uly g

18 Sentýabr 2024

Jemgyýet

Ýol asuda — il abadan

«Ýol hereketiniň howpsuzlygy — ömrümiziň rahatlygy» atly biraýlyk «Pähim-paýhas ummany Magtymguly Pyragy» ýylynda hem guramaçylykly geçirilýär. Geçirilýän söhbetdeşliklere, duşuşyklara we maslahatlara bilim-terbiýeçilik edaralarynyň işgärleri-de işjeň gatnaşýarlar. Orta mekdeplerde bilim alýan okuwçylaryň arasynda «Ýol hereketiniň ýaş gözegçileri», «Ýolyşyk — biziň dostumyz!», «Ýaşyl yşyk» ýaly bäsleşikleri geçirmek asylly däbe öwrüldi. Biraýlygyň dowamynda ýol hereketiniň howpsuzlygyny düşündirmek, köçe-ýol hereketiniň düzgünlerini doly we dogry berjaý etmek bilen baglanyşykly wagyz-nesihat duşuşyklary, ýolyşygyň düzgünleridir ähmiýetini açyp görkezýän dürli çäreler giňden ýaýbaňlandyrylýar. Ýol hereketiniň howpsuzlygyny üpjün etmek boýunça döwlet syýasaty birnäçe esasy ugry özüne birikdirýär. Ýerüsti ulaglaryň ähli görnüşleri boýunça we ýol hojalygynda işi düzgünleşdirmek, ýol hereketiniň howpsuzlygyny üpjün etmegiň meseleleri babatda bellenilen tertipde kadalaşdyryjy hukuk namalaryny işläp düzmek hem-de tassyklamak, bu babatdaky çäreleri maddy-tehniki, maliýe taýdan üpjün etmek, ulag serişdeleriniň sürüjilerini taýýarlamagy, gaýtadan taýýarlamagy, raýatlara ýol hereketiniň kadalaryny hem-de talaplaryny öwretmegi guramak hökmanydyr. Ýol hereketiniň howpsuzlygyny lukmançylyk taýdan üpjün etmek boýunça toplumlaýyn çäreleri geçirmek, howpsuzlyk bilen baglanyşykly

18 Sentýabr 2024

Jemgyýet

Dünýä türkmenleriniň döwletli maslahaty

Her ýyl şanly Garaşsyzlyk baýramymyzyň toýlanýan günlerinde gaýry ýurtda ýaşasalar-da, ýürekleri şu topraga örklenen türkmen doganlarymyz eziz Diýarymyzda geçirilýän toý-baýramlara gatnaşmaga, toý şatlygymyzy paýlaşmaga gelýärler. Ine, «Pähim-paýhas ummany Magtymguly Pyragy» ýylynda hem, däp bolşy ýaly, ýurdumyzyň baş baýramçylygy bolan döwlet Garaşsyzlygymyzyň 33 ýyllyk toýunyň öňüsyrasynda gözel paýtagtymyz Aşgabat şäherinde geçirilen Dünýä türkmenleriniň ynsanperwer birleşiginiň XXV maslahatyna dünýäniň dürli döwletlerinde ýaşaýan türkmen ildeşlerimiziň ençemesiniň gatnaşmagy ählimizi begendirdi. Dünýäniň dürli ýurtlarynda ýaşaýan hem zähmet çekýän türkmen watandaşlarymyz bilen köpugurly gatnaşyklary ösdürmek işi Berkarar döwletiň täze eýýamynyň Galkynyşy döwründe has hem işjeňleşýär. Garaşsyz Türkmenistanyň gazanýan üstünlikleri dünýäniň islendik künjeginde ýaşaýan türkmeni guwandyrýar. Olar eziz Watanymyzyň ösüşine öz goşantlaryny goşmagy mukaddes borçlary hasaplaýarlar. Dünýä türkmenleri ata Watanymyzyň batly gadamlaryna buýsanmak bilen, milli gymmatlyklarymyzy, Garaşsyzlyk ýyllary içinde gazananlarymyzy Ýer ýüzüne ýaýbaňlandyrmaga öz saldamly goşantlaryny goşýarlar. Häzirki wagtda dünýäniň 14 ýurdunda Dünýä türkmenleriniň ynsanperwer birleşiginiň 27 bölümi hereket edýär. Birleşigiň düzümine toparlaýyn agzalaryň hem-de şahsy agzalaryň, şol sanda daşary ýurtlarda ýaşaýan

17 Sentýabr 2024

Jemgyýet

Diýarymyzyň ösüşlerine guwanýarys

«Pähim-paýhas ummany Magtymguly Pyragy» ýylynda mukaddes Garaşsyzlygymyzyň 33 ýyllyk şanly baýramy il agzybirliginde uludan bellenip geçilýär. Şonuň bilen baglylykda, şu günler Türkmenistanyň Demokratik partiýasynyň Ak bugdaý etrap komitetiniň işgärleri etrabyň edara-kärhanalarynda, guramalarynda guraýan wagyz-nesihat duşuşyklarynda, dabaraly maslahatlarda, «tegelek stoluň» başyndaky söhbetdeşliklerde we beýleki baý many-mazmunly çärelerde Türkmenistanyň Garaşsyzlyk gününiň giňden dabaralandyrylmagynyň ähmiýeti, Watanymyzda amala aşyrylan taryhy işler barada giňişleýin söhbet açýarlar. Watanymyzyň baş toýunyň öňüsyrasynda ýurdumyzy gurşap alan dabaralar, öňdäki taryhy wakalar dogrusyndaky gürrüňler ildeşlerimizde uly gyzyklanma döredýär. Türkmenistan bilen Owganystanyň arasyndaky nebit-gaz, energetika, ulag-logistika we aragatnaşyk pudaklaryna degişli iri taslamalarynyň açylyş we gurluşyk işlerine badalga bermek dabarasy taryhy ähmiýetli şöhratly wakalaryň hatarynda agzalmaga mynasypdyr. Şanly toýumyzyň öňüsyrasyndaky bu wakalaryň bütin dünýä jemgyýetçiliginde hem uly gyzyklanma döredendigi şübhesizdir. Ýene-de sanlyja günden merjen şäherimiz Aşgabatda boljak Türkmenistanyň Halk Maslahatynyň nobatdaky mejlisi hem ýurdumyzyň jemgyýetçilik-syýasy durmuşynda ähmiýetli wakalaryň birine öwrüler. Türkmenistanyň Demokratik partiýasynyň Ak bugdaý etrap komitetiniň işgärleri şeýle taryh

17 Sentýabr 2024

Jemgyýet

Joşguna beslendi

Babadaýhan etrabyndaky Babadaýhan dokma toplumynda mukaddes Garaşsyzlygymyzyň 33 ýyllyk şanly toýy mynasybetli «Garaşsyzlyk — buýsanjymyz, bagtymyz» ady bilen dabaraly maslahat geçirildi. Türkmenistanyň Dokma senagaty ministrliginiň, Türkmenistanyň Kärdeşler arkalaşyklarynyň Milli merkeziniň we Ahal welaýat birleşmesiniň, şeýle-de welaýat Medeniýet müdirliginiň bilelikde guramagynda bolan dabaraly maslahata dokma toplumynda zähmet çekýän gelin-gyzlar gatnaşdy. Maslahatda ýurt Garaşsyzlygy ýyllary içinde beýleki ugurlar bilen bir hatarda, dokma senagaty pudagynyň hem düýpgöter ösendigi, hormatly Prezidentimiziň taýsyz tagallalary netijesinde bu gün pudagyň önümçilik kuwwatynyň sazlaşykly ýokarlanýandygy, daşary ýurtlardan getirilýän dokma önümleriniň ornuny tutýan hem-de daşarky bazarlarda bäsdeşlige ukyply eksport ugurly önümleriň öndürilýän möçberleriniň artýandygy dogrusynda täsirli gürrüň edildi. Ruhubelentlikde geçen maslahatyň dowamynda Babadaýhan dokma toplumynyň işçi-hünärmenleriniň ýurdumyzyň ýeňil senagaty pudagynyň ösüşlerine goşýan saldamly goşantlary barada aýdylanlar gyzgyn garşylandy.

17 Sentýabr 2024

Jemgyýet

Şanly sene mynasybetli

Tejen etrap merkezindäki Medeniýet öýünde «tegelek stoluň» başynda geçirilen söhbetdeşlik Türkmenistanyň Magtymguly adyndaky Ýaşlar guramasynyň etrap Geňeşi tarapyndan guraldy. Ýaşlar guramasynyň işgärleriniň we işjeň agzalarynyň gatnaşmagynda bolan söhbetdeşlik mukaddes Garaşsyzlygymyzyň şanly 33 ýyllygyna bagyşlandy. «Tegelek stoluň» başyndaky söhbetdeşlikde Watanymyzyň Garaşsyzlyk ýyllarynda ýeten derejesi, dürli ugurlarda amala aşyrylan işler, ýetilen sepgitler barada gürrüň edilip, naýbaşy toýumyzyň bosagasynda ak mermerli paýtagtymyzda geçiriljek Türkmenistanyň Halk Maslahatynyň nobatdaky mejlisine taýýarlykly barmakda alnyp barylýan işleriň ähmiýetine üns çekildi. Çykyş edenler döwlet ähmiýetli meseleleri çözmekde, halkymyzyň agzybirligini, bitewüligini, jebisligini, abadançylygyny berkitmekde, döwletimiziň has-da kuwwatlanmagyna ýardam bermekde Türkmenistanyň Halk Maslahatynyň möhüm ornunyň bardygyny aýratyn belläp geçdiler.

17 Sentýabr 2024

Jemgyýet

Dost-doganlygyň nusgasy

Mukaddes Garaşsyzlygymyzyň 33 ýyllyk toýunyň toýlanýan günlerinde ýurdumyzyň dürli künjeklerinde dabaralar geçirilýär. Şeýle şanly dabaralaryň biri hem ýakynda geçirilen Dünýä türkmenleriniň ynsanperwer birleşiginiň nobatdaky ХХV maslahatydyr. Şanly Garaşsyzlyk gününiň öňüsyrasynda geçirilen maslahatyň işine daşary döwletleriň birnäçesinde kowçum bolup ýaşaýan türkmenleriň wekilleri hem-de Diýarymyzyň ähli sebitlerinden wekiliýetler gatnaşdylar. Munuň özi baş baýramymyzyň dabarasyny has-da belende göterýär. Dünýäniň dürli ýurtlaryndan gelen doganlarymyzy bir maslahata jemlemek asylly däbe öwrüldi. Maslahatyň öňüsyrasynda halkymyzyň baý medeni mirasynyň, geçmişiniň, özboluşly däp-dessurlarynyň köpöwüşginliligini görkezýän şekillendiriş we amaly-haşam sungaty eserleriniň sergisi ýaýbaňlandyryldy. Bu bolsa milli gymmatlyklara belent sarpany, şöhratly geçmişimize buýsanjy beýan edýär. Hormatly Prezidentimiziň maslahata gatnaşyjylara iberen Gutlagy uly üns bilen diňlenildi. Hormatly Prezidentimiziň Gutlagynda şeýle bellenilýär: «Berkarar döwletiň täze eýýamynyň Galkynyşy döwründe Garaşsyzlygynyň 33 ýyllygyny toýlaýan ata Watanymyz döwletli tutumlar, asylly başlangyçlar we aýdyň maksatlar bilen ynamly öňe barýar. «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir!» diýen ýörelgelerimiz esasynda ýurdumyzda taryhy işler durmuşa geçirilip, uly ö

17 Sentýabr 2024

Jemgyýet

Ýollar asuda — durmuş abadan

Ýurdumyzda her ýyl geçirilýän «Ýol hereketiniň howpsuzlygy — ömrümiziň rahatlygy» atly biraýlyk sürüjileriň hem-de pyýadalaryň abadançylygynyň, ýollaryň abatlygynyň üpjün edilmeginde uly ähmiýete eýedir. Ýurdumyzyň Garaşsyzlygy ýyllary içinde köçedir ýollarda howpsuz hereket höküm sürer ýaly, Diýarymyzyň ähli künjeklerindäki ýollarda abadanlaşdyryş işleri geçirildi, täze, giň ýollaryň, pyýadalaryň rahat hereket etmegi üçin ýanýodalaryň gurluşyklary depginli alnyp baryldy. Ýollarda ulag hem-de ýolagçy gatnawlarynyň kadaly, sazlaşykly bolmagy üçin awtomobil ýollarynda degişli belgileriň goýulmagy, olaryň ýeterlik derejede yşyklandyrylmagy, wideo gözegçilik enjamlarynyň oturdylmagy, pyýadalara niýetlenen ýerasty we ýerüsti geçelgeleriň gurulmagy ýol hereketiniň howpsuz bolmagy üçin esasy şertlerdir. «Ýol hereketiniň howpsuzlygy — ömrümiziň rahatlygy» atly biraýlygyň meýilnamasyna laýyklykda, okuwçylaryň arasynda geçirilýän wagyz-nesihat çäreleri-de özüniň oňyn netijesini berýär. Olarda ýurdumyzyň polisiýanyň ýol gözegçiligi gullugynyň işgärleriniň ýol-hereketiniň howpsuzlygy, düzgünleri, ýolda özüňi alyp barmagyň kadalary barada degerli maslahatlar berilýär. Ýaşlaryň, mekdep okuwçylaryň hem-de kiçi ýaşly çagalaryň ýol hereketiniň kadalaryny doly we dogry berjaý etmeklerini wagyz-nesihat etmekde bilim işgärleriniň alyp barýan wagyz-nesihat çäreleri uly ähmiýete eýedir. Ýola çykyla

17 Sentýabr 2024

Jemgyýet

Wagyz-nesihat işleri geçirilýär

Tejen etrap polisiýa bölüminiň polisiýanyň ýol gözegçiligi bölümçesiniň wekilleri bolup, «Ýol hereketiniň howpsuzlygy — ömrümiziň rahatlygy» atly biraýlyk mynasybetli sürüjilerdir pyýadalaryň arasynda wagyz-nesihat işlerini giň gerim bilen alyp barýarys. Etrabymyzyň bilim-terbiýeçilik ojaklarynda ýaş nesliň arasynda guraýan wagyz-nesihat duşuşyklarymyzyň netijeliligini gazanmakda aýratyn tagalla edýäris. Biraýlygyň badalga alan gününden bäri etrabymyzdaky umumybilim berýän orta mekdepleriň we çagalar baglarynyň aglabasynda wagyz-nesihat işleri geçirildi. Olaryň çäginde ýol hereketiniň howpsuzlygyna bagyşlanan mekdep burçlary, diwarlyklar taýýarlandy, orta mekdepleriň we mekdebe çenli çagalar edaralarynyň binýadyndaky okuw-tälim beriş meýdançalarynda gyzykly çäreler guraldy. Munuň özi ýaş nesliň ýol hereketiniň düzgünleri boýunça düşünjesiniň, sowatlylygynyň artmagyna oňyn täsirini ýetirdi. «Ýol abat—il abat» diýen ýörelgeden ugur alyp geçirýän düşündiriş işlerimiz sagdyn durmuşyň rowaçlanýan ýurdy bolan eziz Watanymyzyň ak ýollarynda ýol-ulag hadysalarynyň öňüniň alynmagynda örän ähmiýetli bolup durýar.

17 Sentýabr 2024

Jemgyýet

Düzgün-kadalar düşündirildi

Ak bugdaý etrabyndaky ýöriteleşdirilen 45-nji, 46-njy orta mekdeplerde «Ýol hereketiniň howpsuzlygy — ömrümiziň rahatlygy» atly biraýlyk mynasybetli geçirilen wagyz-nesihat duşuşyklary diýseň täsirli boldy. Etrap polisiýa bölüminiň polisiýanyň ýol gözegçilik bölümçesi, «Türkmenistan» Ýaşlar bedenterbiýe-sport guramasynyň welaýat bölümi hem-de etrap bilim bölümi tarapyndan guralan duşuşyklaryň esasy maksady ýol hereketiniň kada-düzgünlerini ýaş nesle düşündirmekden we olaryň bu ugurdaky sowatlylygyny ýokarlandyrmakdan ybarat boldy. Duşuşyklarda «Ýol hereketiniň howpsuzlygy — ömrümiziň rahatlygy» atly biraýlygyň geçirilmeginiň ähmiýeti barada gürrüň edildi. Onuň barşynda ýoluň pyýadalar üçin niýetlenen ýerlerinden, ýanýodalardan, ýerasty geçelgelerden, ýolyşygyň bar ýerinde ýoldan geçmegiň düzgünleri boýunça ýaşlara öwüt-ündewler aýdyldy.

17 Sentýabr 2024

Jemgyýet

Ýollarymyz asuda bolsun!

Arkadagly Gahryman Serdarymyzyň parasatly baştutanlygynda ýurdumyzda raýatlarymyzyň saglygyny goramak, berkitmek bilen bir hatarda ynsan saglygyna zyýan ýetirip bilýän hadysalaryň öňüni almaga gönükdirilen çäreler yzygiderli geçirilýär. Şolaryň biri-de, her ýylyň sentýabr aýynda geçirilýän «Ýol hereketiniň howpsuzlygy — ömrümiziň rahatlygy» atly köpçülikleýin çäredir. Bilşimiz ýaly, gün-günden pajarlap ösýän Türkmenistan döwletimizde ähli ugurlardaky ösüşler, özgertmeler bilen bir hatarda awtoulaglaryň sany gün-günden artýar, netijede, ýol hereketiň düzgünleri barha kämilleşdirilýär. Sürüjileriň we pyýadalaryň ýol hereketiniň düzgünlerini berjaý etmekleri üçin dürli çäreler, wagyz-nesihat işler geçirilip durulýar. Ýol-ulag hadysalarynyň öňüni almak üçin zerur çäreler işlenip taýýarlanylýar, dürli usullar arkaly ýerlerde, edara-kärhanalarda, jemgyýetçilikde, maşgalada, her bir raýatyň aňyna ýeter ýaly habar beriş serişdeleri bolan teleýaýlymyň, radionyň, metbugatyň üsti bilen giňişleýin wagyz-nesihat işleri, gürrüňdeşlikler, söhbetdeşlikler geçirilýär. Amala aşyrylýan çäreleriň netijesinde ýol hereketiniň howpsuzlygy belli bir derejede üpjün edilýär hem-de oňat netijeler gazanylýar.

17 Sentýabr 2024

Jemgyýet

Wagyz-nesihat çäreleri geçirilýär

Türkmen halkynyň Milli Lideri Gahryman Arkadagymyzyň başlangyjy bilen her ýylyň sentýabr aýynda geçirilmegi asylly däbe öwrülen «Ýol hereketiniň howpsuzlygy – ömrümiziň rahatlygy» atly biraýlyk «Pähim-paýhas ummany Magtymguly Pyragy» ýylynda hem giň gerimde ýaýbaňlandyrylýar. Şu günler biraýlygyň çäklerinde geçirilýän wagyz-nesihat çäreleri, gözükdiriji amaly okuwlar baý mazmuna eýe bolýar. «Ýol hereketiniň howpsuzlygy – ömrümiziň rahatlygy» atly biraýlyk mynasybetli Daşoguz garnizonynyň harby awtomobil gözegçiliginiň guramagynda welaýatyň çägindäki harby bölümleriň şahsy düzümleriniň we harby mekdebiň okuwçylarynyň arasynda wagyz-nesihat çäreleri yzygiderli geçirilýär. Şeýle mazmunly wagyz-nesihat çärelerinde köp gatnawly köçedir ýollaryň islendik ýerinden kesip geçmän, ýolyşyklaryň bar ýerinden, ýörite geçelgelerden geçmelidigi, ýol hereketiniň ähli düzgünlerini doly berjaý etmegiň zerurdygy hakynda düşündiriş işleri geçirilýär.

17 Sentýabr 2024

Jemgyýet

Täsirli gezelenç

Milli gymmatlyklarymyz — ýaş nesillerimize nusgalyk mekdep Ýakynda TMÝG-niň şäher geňeşiniň hem-de welaýat taryhy we ülkäni öwreniş muzeýiniň bilelikde guramagynda “Milli gymmatlyklarymyz — ýaş nesillerimize nusgalyk mekdep” atly gezelenç guraldy. Oňa TMÝG-niň şäher geňeşiniň we welaýat taryhy we ülkäni öwreniş muzeýiniň işgärleri, şäherimiziň edara-kärhanalarynda zähmet çekýän ýaşlar gatnaşdylar.

17 Sentýabr 2024

Jemgyýet

“Ýol hereketiniň howpsuzlygy – ömrümiziň rahatlygy” atly biraýlyk dowam edýär

Sagdyn durmuş bagtly geljegimiziň kepilidir Golaýda “Ýol hereketiniň howpsuzlygy — ömrümiziň rahatlygy” atly biraýlyk mynasybetli Baýramaly agrosenagat orta hünär okuw mekdebinde şäher häkimliginiň, welaýat gümrükhanasynyň, şäher prokuraturasynyň, şäher kazyýetiniň, şäheriň polisiýa bölüminiň, TZB-niň şäher bölüminiň, TMÝG-niň şäher geňeşiniň bilelikde guramagynda “Sagdyn durmuş bagtly geljegimiziň kepilidir” atly wagyz-nesihat duşuşygy geçirildi. Oňa şäher häkimliginiň, welaýat gümrükhanasynyň, şäher prokuraturasynyň, şäher kazyýetiniň, şäheriň polisiýa bölüminiň, TZB-niň şäher bölüminiň, TMÝG-niň şäher geňeşiniň işgärleri hem-de ýokarda ady agzalan orta hünär okuw mekdebiniň talyp ýaşlarydyr mugallymlary gatnaşdylar.

17 Sentýabr 2024

Jemgyýet