Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

«Ömürleriň manysy söýgi, mähir, yhlasdyr»

Oguljennet ÇARYÝEWA,Gurbanguly Berdimuhamedow adyndaky çagalar sagaldyş-dikeldiş merkeziniň lukmany: — Ýakynda Milli Liderimiziň «akylly» şähere iş saparynyň dowamynda merkezimizde çagalaryň saglygyny dikeltmek boýunça geçirilmeli işleriň meýilnamasyny tassyklady. Şol jähetden şu günler merkezimizde meýilnama laýyklykda tapgyrlaýyn dikeldiş bejergileri dowam edýär. Biz merkezimizde ýurdumyzyň çar künjeginden ýüz tutýan mümkinçiligi çäkli, kömege mätäç çagalary Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň serişdeleriniň hasabyna saglyklaryny dikeltmäge ýardam edýäris. Olaryň ene-atalary bilen ýakyn aragatnaşykda bolup, çagalarynyň kesellerine görä, degişli maslahatlary berip, olary her üç aýdan lukmançylyk barlaglaryndan geçmäge çagyrýarys we gözegçilikde saklaýarys. Merkezimiziň insklýuziw çagalar bagynyň çagalaryny lukmançylyk barlaglaryndan geçirip, degişli sagaldyş-dikeldiş işlerini geçirýäris. Ýaş nesliň sagdynlygy ugrunda giň gerimli işleri alyp barýan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy diňe bir Watanymyzda däl, eýsem, dostlukly ýurtlaryň çagalaryna hem ýardam goluny uzadyp, goldaw berýändigi hem bellenilmäge mynasypdyr.

10 Oktýabr 2024

Baş baýlygyň baýramyna

Düýn Olimpiýa şäherçesiniň «Başa-baş söweş sungaty» sport toplumynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisi we ylmy maslahaty öz işine başlady. Ýurdumyzda giňden bellenilýän Saglygy goraýyş we derman senagaty işgärleriniň gününe bagyşlanan bu halkara çäre 9 — 12-nji oktýabr aralygynda dowam eder. Ýokary guramaçylyk derejesinde geçirilýän halkara sergide sebitde deňi-taýy bolmadyk Arkadag şäheriniň degişli ulgamlarynyň diwarlyklary özboluşly bezeg aýratynlyklary bilen köpleriň ünsüni çekdi. Onda Arkadag şäheriniň Saglygy goraýyş müdirliginiň, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hem-de «Arkadag Medisina Klasteri Menejment» kärhanasynyň sergi diwarlyklary bar. Olarda görkezilýän Gahryman Arkadagymyzyň kitaplary, hususan-da, «Türkmenistanyň dermanlyk ösümlikleri» atly köp jiltli ylmy-ensiklopedik kitaby, «akylly» şäheriň saglygy goraýyş edaralarynda alnyp barylýan döwrebap işler we onuň kämil mümkinçiliklerini açyp görkezýän wideoşekiller, çagalar we ulular üçin niýetlenen iýmitler, lukmançylyk serişdeleri sergä gatnaşyjylarda uly gyzyklanma döredýär.

10 Oktýabr 2024

Ylmy-ensiklopedik neşiriň XVI jildi

9-njy oktýabrda Türkmenistanyň Saglygy goraýyş we derman senagaty ministrliginiň mejlisler zalynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitabynyň XVI jildiniň tanyşdyrylyş dabarasy geçirildi. Dabara saglygy goraýyş, bilim we sport ulgamlarynyň, köpçülikleýin habar beriş serişdeleriniň wekilleri hem-de talyp ýaşlar gatnaşdylar. Binanyň giň eýwanynda Ylymlar akademiýasynyň akademigi, lukmançylyk ylymlarynyň doktory, professor Gahryman Arkadagymyzyň türkmen edebiýatyny, bilim-ylym ulgamyny, halkymyzyň milliligini, däp-dessurlaryny, durmuşyny baýlaşdyran dürli ýyllarda çap edilen gymmatly eserleri, ylmy işleri, şeýle hem «Türkmenistanyň dermanlyk ösümlikleri» atly düýpli ylmy kitabynda beýan edilýän dermanlyk ösümliklerinden taýýarlanylan melhemlik çaýlaryň we suwlaryň dürli görnüşleri ýerleşdirilipdir.

10 Oktýabr 2024

Ýokary hilli, ýokumly

Hormatly Prezidentimiz Serdar BERDIMUHAMEDOW: — Ýurdumyzda «Arkadag Medisina Klasteri Menejment» kärhanasynyň döredilmegi bilen, dürli görnüşli lukmançylyk serişdeleriniň önümçiligi ýola goýuldy. Saglygy goraýyş ulgamynda yzygiderli ulanylýan, ekologik taýdan arassa ýerli çig mallardan öndürilýän bu önümler geljekde dünýä bazarlarynda uly orny eýelär.

10 Oktýabr 2024

Saglyk ulgamynda kanunçylyk-hukuk binýady

Il saglygyny ýurt baýlygyna deňelýän Türkmenistan döwletimizde her bir adamyň saglygy we onuň durmuş-ýaşaýyş şertleri barada uly aladalar edilýär. Ýurdumyzda adam döwletiň baýlygy hasaplanýar, onuň saglygy bolsa döwlet üçin möhüm we wajypdyr. Garaşsyzlyk ýyllarynda «Raýatlaryň saglygynyň goralmagy hakynda», «Ganyň donorlygy hakynda», «Şypahana işi hakynda», «Adam bedeniniň agzalarynyň we dokumalarynyň transplatasiýasy hakynda», «Ýokanç keselleriň öňüni almak hakynda», «Ýokanç däl keselleriň öňüni almak we olara garşy göreşmek hakynda» Türkmenistanyň Kanunlary kabul edildi. Diýarymyzda saglygy goraýyş ulgamynyň ähli ugurlary bilen birlikde şypahana ulgamynda hem oňyn özgertmeler amala aşyrylýar. Şeýle özgertmeleriň netijesinde şypahanalaryň durky täzelenýär, olar dünýä ülňülerine laýyk getirilýär we ýokary derejede täzeçil lukmançylyk enjamlary bilen enjamlaşdyrylýar. «Şypahana işi hakynda» Türkmenistanyň Kanuny şypahana işi babatda döwlet syýasatynyň ýörelgelerini kesgitleýär hem-de Türkmenistanda tebigy bejeriş serişdeleriniň we şypahanalaryň öwrenilmegi, peýdalanylmagy, ösdürilmegi, şeýle hem goralmagy çygryndaky gatnaşyklar düzgünleşdirilýär.

10 Oktýabr 2024

Saglyk kelamy

Akyldar şahyrymyz Magtymguly Pyragynyň şahyrana döredijiliginde sagdynlyk, ruhubelentlik, sagdyn durmuş ýörelgeleri ilkinji nobatda goýlupdyr. Şahyr adam saglygynyň gymmaty, öz saglygyňy gorap saklamak, dürli kesellere getirip biljek zyýanly endiklerden daşda durmak barada pikir ýöredipdir. Iň esasy belläp geçmeli zat hem, şol pikirleriň häzirki zaman lukmançylyk ylmynyň nukdaýnazaryna gabat gelýänligidir. Dana şahyrymyz durmuşyň hözirini görüp ýaşamak üçin sagdynlygy zerur hasaplapdyr. Ol:

10 Oktýabr 2024

Halkyň saglygy hakynda alada döwletiň baş wezipesidir

Häzirki wagtda Gahryman Arkadagymyzyň, Arkadagly Gahryman Serdarymyzyň döwletimiziň hem-de jemgyýetimiziň baş baýlygy bolan adam hakyndaky aladany hem-de onuň jan saglygyny gorap saklamak baradaky taýsyz tagallalary halkymyzda uly buýsanç döredýär. Şunuň bilen baglylykda Ýurdumyzyň dürli künjeklerinde döwrebap lukmançylyk merkezleri, şypahanalar ulgamy, sport toplumlary, sport mekdepleri, atçylyk-sport toplumlary döredilýär. Ynha, bu gün hem 9-njy oktýabrda Gahryman Arkadagymyzyň gatnaşmagynda paýtagtymyz Aşgabatda 400 orunlyk Halkara sagaldyş-dikeldiş hem-de 250 orunlyk Halkara fiziologiýa ylmy-kliniki merkezleri halkymyza hyzmat edip başlady. Halkara sagaldyş-dikeldiş merkezi 7 gatdan ybarat bolup, onda 20-den gowrak bölümler hereket edýär. Şonuň bilen baglylykda Kinezoterapiýa we gidroterapiýa bölüminiň wertual reabilitasiýa otaglary hem-de ol ýerde gurnalan Karen enjamlar toplumy iň ýokary kämil tehnogiýalar bilen üpjün edilendir. Onuň Ikinji gatynda Ablitasiýa bölüminiň 3D dinamiki lokomotor terapiýa otaglary ýerleşip, bu ýerde iň ýokary döwrebap lukmançylyk  enjamlary oturdylan. Mundan başga-da iň kämil enjamlary öz içine alýan Ortopediýa bölümi hereket edip, onda ulular üçin ýörite reabilitasiýa zallary häzirki wagtda halkyň hyzmatyndadyr.

9 Oktýabr 2024

Aziýanyň merjeni — bagtyýarlyk merkezi

Düýn, has takygy, 9-njy oktýabrda Aşgabatda Türkmenistanyň Saglygy goraýyş we derman senagaty ministrliginiň, Bilim ministrliginiň, Bedenterbiýe we sport baradaky döwlet komitetiniň, Söwda-senagat edarasynyň guramagynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergi öz işine başlady. Ol hormatly Prezidentimiziň foruma gatnaşyjylara iberen Gutlagynyň okalmagy bilen açyldy. Döwlet Baştutanymyz öz Gutlagynda «Biz «Saglyk» Döwlet maksatnamasyny üstünlikli durmuşa geçirmek bilen, halkara gatnaşyklaryň gerimini giňeldip, bu ugurda toplan tejribämizi üstünlikli baýlaşdyrýarys» diýip nygtaýar. Däp bolşy ýaly, sergi Saglygy goraýyş we derman senagaty ministrliginiň pawilýony bilen açyldy. Onda ýurdumyzda birnäçe ýokanç keselleri aradan aýyrmakda bitirilen hyzmatlaryň ykrar edilýändigini tassyklaýan halkara güwänamalaryň nusgalary ýerleşdirilipdir.

9 Oktýabr 2024

Täze binalaryň öwüşgini

Düýn paýtagtymyzda türkmen halkynyň Milli Lideri Gahryman Arkadagymyzyň gatnaşmagynda Halkara fiziologiýa ylmy-kliniki we Halkara sagaldyş-dikeldiş merkezleriniň açylyş dabarasy boldy. Saglygy goraýyş we derman senagaty işgärleriniň gününiň öňüsyrasynda ulanylmaga berlen döwrebap desgalar hünär baýramçylygy mynasybetli bu ulgamyň işgärleri hem-de ähli halkymyz üçin ajaýyp sowgat boldy.

9 Oktýabr 2024

Il saglygynyň goragynda

«Pähim-paýhas ummany Magtymguly Pyragy» ýylynda halkymyz mukaddes Garaşsyzlygymyzyň 33 ýyllyk toýuny uly zähmet üstünlikleri bilen garşylady. Şunda lukmançylygyň ähli ugurlarynda gazanylan üstünlikler, ýetilen sepgitler raýatlaryň saglygyny goramaga, berilýän lukmançylyk kömekleriniň hil taýdan ýokarlandyrylmagyna gönükdirilendir. Ýurdumyzda lukmançylygyň trawmatologiýa we ortopediýa ugry uly ösüşlere eýe boldy. Köpugurly hassahanalaryň ýokary tehnologiýaly enjamlar bilen üpjün edilmegi näsaglara tiz wagtda, ýokary hilli lukmançylyk kömegini bermäge uly mümkinçilik döretdi. Lukmanlaryň daşary döwletlerde kämilleşdiriş okuwlaryny geçmekleri täze döwrebap bejergi usullaryny amaly lukmançylyga ornaşdyrmaga ýardam berdi. Şikesleri bejeriş halkara merkeziniň lukmanlary welaýat köpugurly hassahanalaryň trawmatologiýa bölümlerinde yzygiderli iş saparlarynda bolup, ýerli lukmanlar bilen tejribe alyşýarlar. Şikesleri bejeriş halkara merkeziniň ortopediýa bölümi ýurdumyzda bogunlara dessin bejergi geçirmegiň metodik merkezi bolup hyzmat edýär we bölümde tejribeli lukmanlar ýaş ortoped lukmanlara ilkinji kämilleşdiriş okuwlaryny geçýärler we olara amallary özbaşdak ýerine ýetirmek öwredilýär. Şikesleri bejeriş halkara merkezinde sanly ulgam arkaly teleköprüler ýola goýlup, bu ugurdaky işler has-da ösdürilýär. Ýerli lukmanlar tarapyndan uzak aralykdan näsaglara berilýän maslahatlar yzygid

9 Oktýabr 2024

Başymyzyň täji

Hormatly Prezidentimiziň parasatly baştutanlygynda milli saglygy goraýyş ulgamy uly ösüşlere beslenýär. «Saglyk» Döwlet maksatnamasynyň üstünlikli durmuşa geçirilmegi halkymyza lukmançylyk hyzmatlaryndan netijeli peýdalanmaga giň mümkinçilikleri döretdi. Ýurdumyzda gurlan we gurulýan häzirki zaman hassahanalary, bejeriş-anyklaýyş hem-de saglygy dikeldiş merkezleri halkymyza ýokary derejede hyzmat edýär. Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitaby bolsa saglygy goraýyşda şu güne çenli döredilen iň kämil we naýbaşy eser bolup durýar. Bu kitapda howasy jana şypaly, her damja suwy derde derman, her ýapragy, oty müň derde melhem, her gysym topragy süňňe ýokumly türkmen tebigatynda bitýän dermanlyk ösümlikler dolulygyna beýan edilýär. Olaryň dermanlyk täsiri lukmançylyk ylmy nukdaýnazaryndan giňişleýin teswirlenýär. Paýhasly pederlerimiz bolsa «Iň kämil bagt — bedeniňde saglyk, Watanyňda asudalyk bolmagydyr» diýip, aýdyp geçipdirler. Halkymyzyň bagtyýarlygy, sagdynlygy, abadan durmuşy üçin ähli mümkinçilikleri döredýän Gahryman Arkadagymyzyň, Arkadagly Gahryman Serdarymyzyň il-ýurt bähbitli beýik işleri hemişe rowaç, dowamat-dowam bolsun!

9 Oktýabr 2024

Eşretli ýaşaýşyň höziri

Berkarar Diýarymyzyň saglygy goraýyş ulgamynyň ylmy we hukuk esaslaryny pugtalandyrmak, şäherlerimizde we obalarymyzda adam saglygy baradaky aladany has-da güýçlendirmek hormatly Prezidentimiziň öňe sürýän döwlet syýasatynyň esasy ugurlarynyň biridir. Gahryman Arkadagymyzyň taýsyz tagallasynyň netijesinde gysga döwrüň içinde paýtagtymyzda we welaýatdyr etrap merkezlerinde ýokary lukmançylyk enjamlary bilen üpjün edilen döwrebap saglygy goraýyş edaralarynyň ençemesi gurlup ulanmaga berildi. Ýurdumyzda hereket edýän onlarça şypahana, kämil tehnologiýanyň soňky gazananlary bilen üpjün edilen hassahanalardyr saglyk öýleri, ajaýyp dynç alyş merkezleriniň biri bolan «Awaza» milli syýahatçylyk zolagy häzirki wagtda halkymyza ýokary derejede hyzmat edýär. Gojaman Köpetdagyň eteginde ýerleşýän Arkadag şäherinde Gurbanguly Berdimuhamedow adyndaky çagalar sagaldyş-dikeldiş merkeziniň, Saçly Dursunowa adyndaky lukmançylyk orta hünär okuw mekdebiniň açylmagy hem il-ýurt babatdaky belent maksatlardan gözbaş alýar. Arkadag şäherinde «Arkadag Medisina Klasteri Menejment» kärhanasynyň işe girizilmegini lukmanlarymyz uly buýsanç bilen kabul etdi. Bu kärhananyň döredilmegi bilen dürli görnüşli lukmançylyk serişdeleriniň önümçiligi ýola goýuldy. Häzirki wagtda paýtagtymyzda Halkara pediatriýa, Halkara onkologiýa ylmy-kliniki merkezleriniň we Stomatologiýa merkeziniň gurluşygy ýokary depginlerde do

9 Oktýabr 2024

Saglyk — başymyzyň täji

Şu gün ýurdumyzda Türkmenistanyň Saglygy goraýyş we derman senagaty işgärleriniň güni bellenilýär. Bu nurana baýramyň bellenilýän gününde welaýatymyzyň saglygy goraýyş ulgamynda alnyp barylýan işler we ýetilýän sepgitler dogrusynda söhbet etmek diýseň ýakymly. Ýurdumyzyň Gündogar sebitinde hem bu ugurda taryha altyn harplar bilen ýazylaýmaly işler alnyp barylýar. Tutuş Merkezi Aziýa sebitinde deňi-taýy bolmadyk welaýat köpugurly hassahanasynda watandaşlarymyza ýokary hilli lukmançylyk hyzmatlary guralýar. Bu ýerde dünýäniň iň öňdebaryjy tehnologiýalaryny we usullaryny ulanmak arkaly ildeşlerimize ýokary derejede hyzmat edilýär. Hut şu ýylyň özünde hem hassahananyň ozaldan bar bolan döwrebap lukmançylyk enjamlarynyň üsti ýetirildi. Has takygy, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň serişdeleriniň hasabyna Germaniýa Federatiw Respublikasynyň «B.Braun» kompaniýasynyň iki sany «Dialog+» kysymly gemodializ enjamy satyn alnyp berildi. Häzirki wagtda bu enjamlaryň doly işe girizilmegi ildeşlerimize berlen saglyk serpaýydyr. Arkadag şäherinde işläp başlan «Arkadag Medisina Klasteri Menejment» kärhanasynda öndürilen lukmançylyk enjamlarynyň, lybaslarynyň uly tapgyrynyň gelip gowuşmagy hem bu saglyk merkezindäki lukmanlar üçin şanly ýylyň iň ajaýyp sowgatlarynyň biri boldy.

9 Oktýabr 2024

Il saglygy ileri

Gahryman Arkadagymyzyň we Arkadagly Gahryman Serdarymyzyň taýsyz tagallalary bilen il-ulsumyzyň saglygy baradaky mesele döwlet syýasatymyzyň ileri tutulýan ugurlarynyň hatarynda öňe sürülýär, ýurdumyzyň saglygy goraýyş ulgamynyň maddy-enjamlaýyn binýady dünýäniň iň kämil enjamlary bilen yzygiderli baýlaşdyrylýar. Ähli sebitlerimizde we oba-kentlerimizde hem döwrebap saglygy goraýyş-anyklaýyş, «Ene mähri» merkezleri we köpugurly hassahanalar hereket edýär. Bular — ýurdumyzda il saglygynyň ähli zatdan ileri tutulýandygynyň anyk subutnamasydyr. Gahryman Arkadagymyz ýakynda geçirilen Türkmenistanyň Halk Maslahatynyň nobatdaky mejlisinde ynsanperwer ýörelgelere daýanýan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işi barada durup geçmek bilen, ýurdumyzda gaznanyň serişdeleriniň hasabyna köpsanly çaganyň saglygynyň dikeldilendigini we bu ynsanperwer işiň mundan beýläk hem dowam etdiriljekdigini belläp geçdi. Döredilenine üç ýyl bolan gaznanyň amala aşyrýan sogaply işleriniň abraý-mertebe bilen dünýä dolmagy aýratyn buýsandyryjy ýagdaýdyr.

9 Oktýabr 2024

Täze merkez ― täze mümkinçilikler

Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde soňky ýyllarda welaýatymyzda gurlup, ulanylmaga berlen döwrebap saglyk merkezleri barmak büküp sanardan has kän. Arkadagly Gahryman Serdarymyz Türkmenistanyň Halk Maslahatynyň nobatdaky mejlisinde ýurdumyzda köpsanly täze saglyk merkezleriniň, şol sanda, Mary, Balkan we Lebap welaýatlarynda halkara derejeli onkologiýa merkezleriniň guruljakdygyny buşlady. Bu hoş habary diýseň uly şatlyk bilen garşyladyk. Tutuş dünýäde onkologiýa kesellerine garşy ýiti göreş alnyp barylýar. Häzirki wagtda biziň ýurdumyzda hem halkara derejeli onkologiýa merkezi we hassahanalaryň birnäçesi hereket edýär. Ýakyn geljekde bolsa olaryň üsti täze merkezleriň ýene üçüsi bilen ýetiriler. Şol merkezleriň biri hem biziň welaýatymyzda gurlar. Şeýlelikde bizde onkologiýa kesellerini bejermekde has-da uly mümkinçilikler dörär. Munuň özi, saglygy goraýyş işgärleri we ildeşlerimiz üçin uly sowgatdyr.

9 Oktýabr 2024

Ösüşlere saldamly goşant

Ýurdumyzda adam saglygyna gymmatly baýlyk hökmünde belent sarpa goýulýar. Saglygyň gadyryny bilmek gözbaşyny ata-babalarymyzdan alyp gaýdýan esasy ýörelgeleriň biridir. Gahryman Arkadagymyzyň, peder ýoluny mynasyp dowam etdirýän Arkadagly Gahryman Serdarymyzyň ýolbaşçylygynda ynsan saglygyny goramak ugrunda alnyp barylýan düýpli işler hem muňa aýdyň şaýatlyk edýär. Şol işleriň netijesinde ildeşlerimiziň saglygynyň goraglylygy ep-esli gowulandyryldy.

9 Oktýabr 2024

Gymmatly baýlygyň goragynda

Hormatly Prezidentimiz saglygy goraýyş ulgamyny hemmetaraplaýyn ösdürmäge aýratyn üns berýär. Häzirki wagtda ulgamda il saglygynyň goraglylygyny güýçlendirmekde uly üstünlikler gazanylýar. Şol sanda çagalaryň saglygyny goramak babatynda ýetilen sepgitler ählimizi begendirýär. Ýaş nesil hakyndaky alada hormatly Prezidentimiziň durmuşa geçirýän syýasatynyň ileri tutulýan ugurlarynyň biridir. Gahryman Arkadagymyzyň adyny göterýän Howandarlyga mätäç çagalara hemaýat bermek boýunça haýyr-sahawat gaznasy biziň welaýatymyzyň çagalarynyň hem alnyndan ak Gün bolup dogdy. Bu gün welaýatymyzyň iň çetki etraplarynyň hassahanalarynda hem gaznanyň serişdeleriniň hasabyna satyn alnan döwrebap «Tiz kömek» ulaglary ildeşlerimize hyzmat edýär. Welaýatymyzyň çagalarynyň 50-den gowragy gaznanyň serişdeleriniň hasabyna saglygyna gowuşdy. Türkmenistanda enäniň we çaganyň saglygyny goramak boýunça «Sagdyn ene — sagdyn çaga — sagdyn geljek» atly 2021 — 2025-nji ýyllar üçin Milli strategiýanyň we ony amala aşyrmak boýunça ýerine ýetirilmeli çäreleriň Meýilnamasynyň tassyklanylmagy bu ugurda alnyp barylýan işleriň has-da ilerlemegine itergi berýär.

9 Oktýabr 2024

Bahasyna ýetip bolmajak gymmatlyk

Şu gün Türkmenistanyň  saglygy goraýyş we derman senagaty işgärleriniň günüdir Milli saglygy goraýyş ulgamynyň ähli taraplaýyn ösüşi döwletiň we jemgyýetiň iň ýokary gymmatlygy bolan adamyň saglygyny goramak baradaky aladadan gözbaş alýar. Munuň özi ýurdumyzda «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir!» diýen ajaýyp taglymatlar bilen berk baglanyşykly bolup, halkyň sagdyn hem bagtyýar durmuşyny üpjün etmek baradaky aladanyň döwlet syýasatynda ileri tutulýandygyny görkezýär. «Saglygym — baş baýlygym», «Il saglygy — ýurt baýlygy», «Bar zadyň sakasy — saglyk», «Sag başym — soltan başym», «Akyldan artyk baýlyk ýok, saglykdan gymmat zat ýok» diýen ata-babalarymyzyň adam saglygyna bahasyna ýetip bolmajak baýlyk hökmünde belent sarpa goýmak, saglygyň gadyryny bilmek baradaky ýörelgeleri Berkarar döwletiň täze eýýamynyň Galkynyşy döwründe rowaçlyklara beslenýär. Döwletimizde ynsan saglygyny berkitmäge, keselleriň öňüni almaga, anyklamaga hem-de olary bejermäge niýetlenen desgalary, binalary gurmak, ulgamyň kanunçylyk-hukuk esaslaryny berkitmek, maddy-enjamlaýyn binýadyny pugtalandyrmak, derman senagatyny, netijeli sporty we köpçülikleýin bedenterbiýäni ösdürmek, sagdyn durmuş ýörelgelerini alyp barmak üçin möhüm şertleri döretmek, şypahana-dynç alyş ulgamyny kämilleşdirmek boýunça tutumly işleriň baş maksady adam we onuň bol

9 Oktýabr 2024

Bagtyýarlygyň binýady

Hormatly Prezidentimiziň parasatly ýolbaşçylygynda ýurdumyzda «Il saglygy — ýurt baýlygy» diýen pähimden ugur alnyp, jemgyýetiň we döwletiň iň ýokary gymmatlygy bolan adamyň saglygyny goramakda, ilatyň saglyk ýagdaýyny gowulandyrmakda, keselleriň öňüni almakda we olary ýok etmekde, saglygy goraýyş we derman senagaty pudagyny dünýä derejesinde ösdürmekde uly işler amala aşyrylýar. Bu işleriň netijesinde ýurtda ilata edilýän lukmançylyk hyzmatlarynyň netijeliligi, hili, elýeterliligi ýokarlandy. Hereket edýän iri saglygy goraýyş edaralarynyň binalarynyň durky täzelendi we täze binalar guruldy, olar döwrebap lukmançylyk enjamlary, «Tiz kömek» awtoulaglary we beýleki serişdeler bilen üpjün edildi. Bir söz bilen aýdanymyzda, Gahryman Arkadagymyzyň we döwlet Baştutanymyzyň taýsyz tagallalary bilen ýurdumyzyň saglygy goraýyş ulgamy ägirt uly üstünliklere beslenip, dünýäniň ösen saglyk ylmynyň tejribesi bilen baglanyşdyrylyp, bejerişiň täze tehniki enjamlary bilen enjamlaşdyryldy we maddy-enjamlaýyn binýady berkidildi. Ýurdumyzda «Saglyk» Döwlet maksatnamasynyň çäklerinde saglygy goraýyş ulgamynda amala aşyrylýan düýpli özgertmeler ilatyň ýokary hilli lukmançylyk hyzmatlary bilen üpjün edilmegine şert döredýär. Munuň özi ýurdumyzyň raýatlarynyň saglygyny berkitmäge, ömür dowamlylygyny artdyrmaga mümkinçilik berýär. Ýurdumyzda uly ösüşlere eýe bolýan saglyk ulgamynda gazanylýan ajaýyp

9 Oktýabr 2024

Saglyk — bagtyň sakasy

Ýurdumyzda ynsan saglygyny goramak babatda tutumly işler durmuşa geçirilip, adam baradaky alada naýbaşy orunda goýulýar. Hut şu nukdaýnazardan, Gahryman Arkadagymyzyň, Arkadagly Gahryman Serdarymyzyň taýsyz tagallalary bilen döwletimizde saglyk maksatly desgalaryň ençemesi gurlup ulanmaga berilýär, köpçülikleýin bedenterbiýe-sport hereketi ösdürilýär, sagdyn durmuş ýörelgeleri jemgyýetimize giňden ornaşdyrylýar. Ata Watanymyzyň milli saglygy goraýyş ulgamynyň uly ösüşleri gazanmagyny, belent sepgitlere ýetmegini şol tutumly işleriň netijeleri hasaplamak bolar. Arkadagly Gahryman Serdarymyzyň: «Halkymyzyň saglygy, abadan we bagtyýar durmuşy biziň alyp barýan döwlet syýasatymyzyň ileri tutulýan ugurlarynyň biridir» diýip belleýşi ýaly, saglygy goraýyş düzümleriniň işleri döwrebap derejede  kämilleşdirilýär, ylmyň gazananlaryna daýanýan öňdebaryjy tehnologiýalar bilen üpjün edilýär. Ýurdumyzda «Arkadag Medisina Klasteri Menejment» kärhanasynyň döredilmegi munuň subutnamasydyr. Saglygy goraýyş ulgamynda ulanylýan, ekologik taýdan arassa ýerli çig mallardan lukmançylyk serişdelerini öndürmäge niýetlenen kärhana degişli önümlere bolan islegleri kanagatlandyrmakda uly ähmiýete eýedir.

9 Oktýabr 2024

‹
1
2
...
15
16
17
18
19
20
21
...
397
398
›