Şygryýet bossany
Bentler Üstünlik getirýän yhlas bolýandyr,Täk-täk çitimlerden palas bolýandyr,Ynsan zähmet çekip rysgyn gazanýar,Şeýdip ähli dertden halas bolýandyr.* * *Geregiň görjek bol öňe seredip,Ataş gör, ot saýgar doňa seredip,Oduň içindäki buzy görüp bor,Yhlas ediberseň siňe seredip.* * *Düşünene durmuş durşuna many,Aňsat düşünmersiň emgemän jany,Syryny açarsyň, ornuň taparsyň,Halal zähmet çekip gazansaň nany.* * *Işleýşiňe görä berip peýdany,Bek hasap ýöreder zähmet meýdany.Boş haltaly gaýdar bolsady eken,Hasyl bilen sylar işläp haýdany.* * *Boýuň kelteligi aýyp zat däldir,Diliň kelte bolsa ýamany şoldur.Gögeren agaja zyýan ýetirme,Barlygňy başarsaň bag ekip bildir.* * *Şeýle rowaýat bar: Bir bölek külçe,Ajygyp iýene duýlanmyş balça.Anyk ödediňmi zähmetiň bilen,Iýeniň hasabyn bil, dogry ölçe.* * *Gül açmaga şulaň bary gerekdir,Zemin mähri, günüň nury gerekdir.Ýer goýnunda köke gurp bermek üçin,Gyş aňzagy, buzy, gary gerekdir.* * *Zähmet çekip öýüň düzedibergin,Eşretini görüp hezil edibergin.Ýene-de ýagdaýňy bilip aýagňyÝorganyňa görä uzadybergin.* * *Ynsan işläp derin saçyp gün görýär, Guşlar al-asmanda uçup gün görýär, Mekan eýläp gizlin, çola kertleri,Keýik, umga ylgap, gaçyp gün görýär.