«Türkmenistanda daşary ýurt dillerini okatmagy kämilleşdirmegiň Konsepsiýasyna» laýyklykda Döwletmämmet Azady adyndaky Türkmen milli dünýä dilleri institutynda ýaşlara daşary ýurt dilleri döwrebap öwredilýär. Biziň institutymyzda bu Konsepsiýany durmuşa geçirmek boýunça utgaşdyryjy merkez hökmünde ýörite düzülen meýilnama esasynda işleri alyp barýar. Ýurdumyzda dil ugurly ýokary okuw mekdepleriniň diller kafedralarynyň ýolbaşçylarynyň gatnaşmagynda okuw-usulyýet maslahatlary yzygiderli geçirilýär we nobatdaky wezipeler kesgitlenýär.
Häzirki döwürde institutda dünýä dilleriniň on üçüsi, şol sanda BMG-niň resmi dilleriniň altysy boýunça dilçi hünärmenler taýýarlanylýar. 2019 — 2020-nji okuw ýylyndan başlap, türkmen dili we edebiýaty hünäri boýunça ýokary bilimli hünärmenler taýýarlanyp başlandy.
