Arkadagly Serdarymyz döwletimiziň azyk bolçulygyny üpjün etmek, halkymyzyň azyk harytlaryna bolan isleglerini kanagatlandyrmak baradaky meseleleri ileri tutulýan wezipeleriň hatarynda goýýar. Şu işleri üstünlikli durmuşa geçirmekde hususy ulgamyň wekilleriniň öňünde-de uly wezipeler goýulýar. Häzirki döwürde ýurdumyzda azyk bolçulygyny döretmekde hususy ulgamyň paýy barha artýar. Bu ugurda Türkmenistanyň Senagatçylar we telekeçiler birleşmesiniň agzasy (telekeçi Begenç Orazowa degişli ) «Täze Aý» haryt nyşanly et we şöhlat hem-de ýarym taýýar önümleri öndürýän kärhanada alnyp barylýan işler bellenilmäge mynasypdyr.
2005-nji ýylda esaslandyrylan «Täze Aý» haryt nyşanly şöhlat we beýleki azyk önümlerini öndürýän bölümde taýýarlanylýan ýokary hilli we ekologiýa taýdan arassa, halkara hil ülňülerine laýyk gelýän önümler ýurdumyzda azyk bolçulygyny döretmäge ýardam edýär. Olar elýeterli bahasy bilen tapawutlanyp, daşary ýurtlardan getirilýän harytlaryň ornuny tutýar. Kärhanada «Täze Aý» haryt nyşanly et we şöhlat, ýarym taýýar önümler bolan hamyr we börek, manty ýaly önümleriň uly tapgyry öndürilýär.
