Häzirki ajaýyp döwrümizde durmuşa geçirilýän beýik işler halkyň bähbidinden gözbaş alýar. Berkarar döwletiň täze eýýamynyň Galkynyşy döwründe halkymyzyň agzybirlik, döwletlilik ýörelgeleri mynasyp ösdürilýär.
Ýurdumyzda amala aşyrylýan giň gerimli özgertmeler ata Watanymyzyň durmuş-ykdysady taýdan ösüşiniň, halkymyzyň abadançylygynyň, bagtyýar durmuşynyň we röwşen geljeginiň bähbidine gönükdirilendir. Uzakmöhletleýin esasda üstünlikli durmuşa geçirilýän uly möçberli özgertmeleriň netijesinde ýurdumyzyň ykdysadyýeti beýik ösüşlere eýe bolýar. Halkymyz mukaddes Garaşsyzlygynyň 33 ýyllygyny uly şatlyk-şowhun bilen belleýär.
