TKA-nyň welaýat birleşmesiniň energetika, awiasiýa we aragatnaşyk pudaklarynyň KA-nyň Daşoguz şäher guramalarynyň bilelikde guramagynda «Türkmenistanyň Halk Maslahaty — jebisligiň mizemez sütüni» atly maslahat geçirildi. TKA-nyň welaýat birleşmesiniň mejlisler zalynda geçirilen maslahata KA-nyň işjeň agzalary ýokary ruhubelentlik bilen gatnaşdylar.
Dabaraly maslahatda TKA-nyň welaýat birleşmesiniň başlygynyň orunbasary Arslan Taganow, guramaçylyk we medeni-köpçülik işleri bölüminiň esasy hünärmeni Güljemal Nazarowa, pudaklaýyn utgaşdyryjysy Şemşat Çaryýewa, Daşoguz halkara howa menziliniň KA-nyň ilkinji guramasynyň başlygy Halmyrat Babaýew, «Daşoguzenergogurluşyk» kärhanasynyň KA-nyň ilkinji guramasynyň başlygy Çynar Hallyýewa, «Daşoguzpoçta» welaýat kärhanasynyň KA-nyň ilkinji guramasynyň başlygy Arazbike Söýünowa dagy çykyş etdiler.
