Tomus paslynda halkymyz tarapyndan uly höwes bilen satyn alynýan buzgaýmaklary öndürmekde Saýat etrabynyň Sakar şäheriniň Garamahmyt geňeşliginde ýerleşýän «Enaý» haryt nyşanly süýt önümlerini öndürýän hususy önümçiligindehem işler gyzgalaňly alnyp barylýar.
Türkmenistanyň Senagatçylar we telekeçiler birleşmesiniň agzasy, işewür zenan Jümägül Annaýewa degişli bolan hususy önümçilikde indi 14 ýyldan bäri dürli görnüşli, dürli tagamly buzgaýmaklary öndürmek bilen meşgullanylýar. Bu ýerde öndürilýän wanil tagamly, şokolad örtükli «Şadyýan», «Gawun», «Garpyz», «Bally dünýä», «Garlawaç», «Seniň üçin» atly buzgaýmaklar ilat arasynda uly islegden peýdalanýar.
