Türkmenistanyň Gyzyl kitabynyň sanawyna girizilen alaja gaplaňlar ýurdumyzda seýrek duş gelýän ýyrtyjy jandardyr. Olaryň göwresi uly bolup, bedeniniň uzynlygy 1metr 30-1metr 80 santimetre, guýruklarynyň uzynlygy hem 1metr 20 santimetre barabardyr. Alaja gaplaňlaryň bedeni süýnmek, çeýe, aýaklary uzyn, syratly bolýar. Öň aýaklary berdaşly we ýaýbaň penjeli, sütügi gytyk, gara ýa-da goňur halka görnüşli tegmilli agymtyl-çal reňklidir.
Alaja gaplaňlar, esasan, giň derelerde, seýrek arçalyklarda we pes daglyk ýerlerde (Günorta-Günbatar Köpetdagda), Bathyzda, Ýeroýulanduz çöketliginde, Gyzyljarda we pisseliklerde ýaşaýarlar.
