Telekeçilige giň ýol!
Hormatly Prezidentimiziň milli ykdysadyýetiň dürli ulgamlarynda telekeçilik işjeňligini ähli taraplaýyn goldamak, hususy eýeçilikdäki kiçi we orta kärhanalaryň öndürýän harytlarynyň görnüşlerini hem-de möçberlerini artdyrmak, olaryň bäsdeşlige ukyplylygyny gazanmak we goşmaça iş orunlaryny döretmek maksady bilen kabul edýän taryhy çözgütleri telekeçileri has belent sepgitlere ruhlandyrýar. Muňa Gyzylarbat etrabynyň çäginde ýerleşýän, Türkmenistanyň Senagatçylar we telekeçiler birleşmesiniň agzasy «Kämilligiň gözbaşy» hojalyk jemgyýetiniň maldarçylyk toplumynda bitirilýän işler hem aýdyň güwä geçýär.
