Ak bugdaý etrabynyň çäginde, dag eteginiň çaý-çeşmeli täsin künjekleriniň birinde ýerleşýän «Bagabat» şypahanasy Diýarymyzda hereket edýän şypahanalaryň iň ýaşy hasaplanýar. Bu şypahana 2020-nji ýylda Gahryman Arkadagymyzyň gatnaşmagynda açylyp ulanmaga berildi we ol gysga wagtyň dowamynda uly meşhurlyga eýe boldy.
Birbada 200 adamyň saglygyny dikeltmegine mümkinçilik berýän şypahana bejerişiň we edilýän hyzmatlaryň ýokary hilliligi bilen tapawutlanýar. Şypahananyň döwrebap hyzmatlaryndan peýdalanýanlaryň sanynyň barha artýandygy munuň şeýledigini görkezýär.
