Hak zehinden dörän sözler aýdym bolar, goşgy bolar,
Tutuş ile ýaran sözler misli gülleň müşki bolar,
Şol sözlerden setir düzen köňülleriň köşgi bolar,
Il her kimi şahyr saýmaz, oň ylahy keşbi bolar,
Çyn şahyrlar unudylmaz, ýatlanylar owal-ahyr,
Arkadagyň ýalkawyndan şöhratlanýar beýik şahyr.
Beýiklere beýik diýmek beýikligiň gözbaşydyr,
Danalaryň her jümlesi şygyrlara sözbaşydyr,
Akyldar türkmen şahyrnyň şu ýyl üç ýüz ýaşydyr,
Pyragynyň pikirleri pähimleriň çür başydyr,
Olar behişt güli kimin solmaz asla owal-ahyr,
Arkadagyň ýalkawyndan şöhratlanýar dana şahyr.
