Arkadagly Gahryman Serdarymyzyň «Ýaşlar — Watanyň daýanjy» atly ýokary çeperçilikli, çuňňur many-mazmunly eseri bagtyýar raýatlarymyzy «Pähim-paýhas ummany Magtymguly Pyragy» diýlip atlandyrylan ýylda täze zähmet ýeňişlerini, belent sepgitleri eýelemäge ruhlandyrdy.
Hormatly Prezidentimiziň ylhamyndan dörän bu gymmatly eserde Watanymyzyň ýaşlarynyň milli ykdysadyýetimiziň ähli pudaklarynda, ylymda, bilimde, türkmen sportunyň şan-şöhratyny dünýä ýaýmakda gazanýan guwandyryjy üstünlikleri dogrusynda buýsanç bilen bellenilýär. Kitapda ýaşlara ata Watanymyzy jan-tenden söýüp, oňa perzentlik borjy bilen hyzmat etmek öwüt-ündew edilýär.
