2023-nji ýylyň 11 aýynyň dowamynda Türkmenistanyň deňiz söwda floty deňiz ulaglary arkaly daşalýan konteýnerleriň sanyny 3846 TEU-a çenli artdyryp, takmynan, 4 esse ýokarlandyrdy. Munuň özi, geçen ýylyň degişli döwri bilen deňeşdirilende, 277,3 göterim köpdür.
«Deňiz söwda floty» ýapyk görnüşli paýdarlar jemgyýetiniň web sahypasynda habar berlişi ýaly, konteýner daşamalaryndan başga-da, deňiz arkaly ýük daşamagyň mukdarynda ep-esli ösüş gazanyldy. Şeýlelik bilen, şu ýylyň ýanwar—noýabr aýlarynda olaryň mukdary, geçen ýylyň degişli döwri bilen deňeşdirilende, 21,6 göterim ýokarlandy we 2 million 64 müň tonna ýetdi.
