Demirgazyk — Günorta ulag geçelgesiniň «altyn halkasydyr»
Biz Türkmenbaşy şäherinden saba-säherde ugradyk. Ýüzüni gaýra tutan ýüwrük ulagyň barýan ýolunyň çep tarapynda çal Hazar tolkunlap görünýär, sag tarapda bolsa Garagumuň guba çägeleri hol gezip ýören düýeleriň örküçlerine çalymdaş depeleri bilen gözüňi egleýär. Ugrumyz Garabogaza tarap. Öňki edähede eýerip, barjak menzilimiz hakdaky maglumatlardyr ýazgylarda agzalýan geň-taňlyklary ýene bir gezek serimde aýlaýaryn.
