Aziýanyň iň baý adamy Mukeş Ambani Hindistanyň ykdysadyýetiniň 2047-nji ýyla çenli 3,5 trillion amerikan dollaryndan 40 trilliona ýetjekdigini nygtaýar. Bütindünýä banky hem 2047-nji ýyla çenli Hindistanyň ýokary girdejili ýurda öwrüljekdigini çaklaýar.
«Reliance Industries» kompaniýasynyň başlygy Mukeş Ambani («Forbes»-iň maglumatyna görä, 92,8 milliard amerikan dollary bilen baýlygy boýunça dünýäde 15-nji orunda durýar) bu barada Pandita Dindaýala adyndaky Energetika uniwersitetinde (PDEU) eden çykyşynda aýtdy diýip, «Hindustan Times» habar berdi.