Ýurdumyzyň sebitlerinde täze gaz känleri özleşdirilip, tebigy gazyň çykarylýan möçberi barha artdyrylýar. «Türkmengeologiýa» döwlet korporasiýasynyň edara-kärhanalarynyň gazçylary bu il-ýurt bähbitli işe saldamly goşant goşýar.
Döwletimiziň hemişelik Bitaraplygynyň ýetip gelýän şanly 28 ýyllygynyň hem-de Nebitgaz senagaty we geologiýa işgärleriniň gününiň öň ýanynda korporasiýanyň «Marynebitgazgözleg» ekspedisiýasynyň burawlaýjylary gaz gorunyň möçberi boýunça dünýäde öňdäki orunlaryň birini eýeleýän «Galkynyş» känindäki 312-nji belgili ulanyş guýusyndan tebigy gazyň senagat ähmiýetli akymyny aldylar. Olar burawlamakda toplan baý iş tejribesi arkaly guýynyň buraw işlerini 4590 metr çuňluga ýetirdiler. 4527 — 4315 metr aralyklardaky gatlaklarda jemi 130 metr aralykda geçirilen atyş-partladyş işleriniň netijesinde, burawlaýjylar täze gaz akymyny aldylar.
