«Fitch Ratings» halkara agentligi global ykdysadyýete baha berdi. Agentligiň soňky çaklamasyna görä dünýä ýurtlarynyň ykdysadyýeti şu ýyl 2,5 göterim öser. Mundan ozal bu görkezijiniň 2,4 göterim boljakdygy bellenilipdi. Agentlik geljek ýyl üçin bolsa ösüş görkezijisini 2,1 göterimden 1,9 göterime düşürdi. 2025-nji ýylda bolsa global ykdysadyýetiň 2,8 göterim ösmegine garaşylýar. Dünýäniň ykdysady taýdan ösen ýurtlarynyň biri bolan Hytaý üstümizdäki ýyl 4,8 göterim, geljek ýyl 4,6 göterim öser.
ABŞ-nyň ykdysadyýeti bolsa, 2 göterim ösüş gazanar. Ozalky çaklamada bu görkezijiniň 1,2 göterim boljakdygy mälim edilipdi. Ýewro sebitinde mundan ozal 0,8 göterim diýlip görkezilen ösüşiň 0,6 göterim boljakdygy aýdyldy. Geljek ýyl sebitiň ykdysadyýetiniň 1,1 göterim ösmegine garaşylýar.