Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 40 sanysy hasaba alyndy.
Gyrgyz Respublikasyndan, Owganystandan, Azerbaýjandan, BAE-den, Gazagystandan, Türkiýeden, Hytaýdan, Gruziýadan, Irlandiýadan, Serbiýadan we Özbegistandan gelen telekeçiler daşary ýurt walýutasyna «Türkmenhimiýa» döwlet konserninde öndürilen ECO 93 kysymly awtobenzini, şeýle-de «Türkmennebit» döwlet konserninde öndürilen ТС-1 kysymly awiakerosini, polipropileni satyn aldylar. Şol sanda Türkmenistanyň Saglygy goraýyş we derman senagaty ministrliginiň kärhanalarynda öndürilen guradylan, arassalanmadyk, buýan köki we kök baldaklaryhem-de Dokma senagaty ministrliginiň dokma toplumlarynda öndürilen dürli görnüşli dokma önümlerisatyldy. Geleşikleriň jemi bahasy 48 million 451 müň 900 amerikan dollaryndan gowrak boldy.
