BAÝRY DESGANYŇ ŞANLY SENESI
Berkarar döwletiň täze eýýamynyň Galkynyşy döwründe Garaşsyz, baky Bitarap döwletimiziň elektroenergetika pudagy depginli ösüş-özgerişleriň menzillerini ynamly külterleýär. Gahryman Arkadagymyzyň başyny başlap, Arkadagly Serdarymyzyň üstünlikli dowam etdirýän düýpli özgertmeleri bu iri pudagyň önümçilik kuwwatynyň ýokarlanmagyna itergi berýär. Täze tehnologiýaly döwrebap elektrik stansiýalary gurlup, ulanmaga berildi. Şeýlelikde, ýurdumyzyň elektrik energiýasyna barha ösýän islegini doly kanagatlandyrmakdan başga-da, bu gün Türkmenistan döwletimiz elektrik energiýasyny daşary ýurtlara eksport edýän döwletleriň birine öwrüldi.
